Tito 2:12 - Deoso-ka Yama Hani

¹² Yeso ati‑ya mai nofara, mai‑nima ai riyahi. Yama towe ai nofarihi. Mai fanawi ai nokotonirihi, kawi ai fawarihi, ai nahi. Ai atibodi bote ati ai nofarihi. Deoso ene‑nima ai ene nahi. Ai ati, ai atibodi ati, ai ene na, ai nawada, ai atibodi yati ati‑nima ai nabone, Ai ene amosahi.

Tito 2:12 ပူးပေါင်းရင်းမြစ်များ

Mateo 12:32

Owa‑ya mai weeniya, makobote owati‑ya mai nofawaha, mai ihi manakone Deoso haanamarebonane. Deoso‑ka Doni‑ya mai weeniya, mai ihi manakone wada, mai manakone fawateraboneni.

Mateo 16:24

Yeso‑ya oda da‑daba oda‑ya Yeso hiyaramaki, “Owa‑ya dai ati daba, dai‑ka yama dai nokotoniriyahi. Owa‑ya dai dabiya, owa‑ya mai nanahababone‑nima dai‑ya mai nanahabahareba awineni.

Mateo 28:20

Owati nafi‑ya dai kanawatohi, owati‑ya mai tokadababonehe. Dai tokiya, dai‑ya osawebone, dai honita tohateraboneni.” Yeso ati nemarine.

Roka 1:6

Sakariya fadi‑ya fame mai ihi amosa, Deoso ati‑nima mai ihi nameteni.

Roka 1:75

Mai ihi amosabone, owati‑ya mai tokadababone, yama maakani awiraboneni.’ Deoso ati nemata, fara yama yananaboneni.” Sakariya ati nematane.

Yowaho 14:30

Dai‑ya ohiyari nafimaraboneni. Bofe‑ka mai‑ka hidi kobonebonane. Oka hidi tohi awirane.

Yowaho 6:25

Kafanaho‑ya mai kobonamake, Yeso‑ya mai wasimake, mai ati yanana, “Ayo, ebeni mahi ite‑ya kobotiniti?” Mai ati namaroni.

Yeso‑ka yo‑yose mai tamine 24:16

Deoso ati nima·ona ene owa noko wadateni, owa ene amosabonehe. Deoso ohiyariya, owatibodi owa‑ya weerihi, ai one‑ya ohiyariya, owatibodi owa‑ya weerihi teni.

Yeso‑ka yo‑yose mai tamine 24:25

“Yeso ati ai nofiya, ai ene amosa, Yeso ati‑nima ai naboneni. Makobote ai ene‑ya Deoso kadikebonane.” Baoro ati ne. Ati ene Feri habo siitone, “Tikamahi. Tiwati omitamatasaba awineni.” Feri ati nane.

Homa 12:2

Deoso ati‑ya mai nofara mai‑nima dai riyahi. Yama amosa hinama tamine‑ya dai atibodi kadikabisahi. Fara yama amosa dai kadikiya, dai ene amosawamabone, yama Deoso hinofa‑ya dai watabone, dai ene Deoso dai ya‑yainiheboneni.

Homa 6:12

Dai atibodi bote yama towe‑ya nokotonihemaro, dai‑ka hidi tohamara. Dai atibodi bote ati‑nima dai riyahi.

Homa 6:19

Yama‑ya dai watabone dai‑ya ohiyaraboneni. Hibati‑ya dai atibodi bote dai‑ka hidi toha, dai abano kobobona ene amosara tonafemaroni. Hibayata dai abano kobobona Deoso ati‑ya tokadabahi, dai ene amosi ba‑basi nabonehe.

Homa 8:13

Dai atibodi bote dai‑ka hidi tohasa niya, Deoso tabaro‑ya dai winateraboneni. Deoso‑ka Doni kite ene dai atibodi bote ati‑ya dai tokadabamariya, dai atibodi bote aba‑nima nawaha, Deoso tabaro‑ya dai winabisaboneni.

Korito yoto‑ke 1:12

Oda atibodi oda‑ya weera, oda ene amosamone oda atibodi ati na, oda ya‑yaiteni. Mai tabori‑ya oda ene amosa, dai tabaro‑ya oda ene amosa na, yama nafi oda watora, Deoso oda‑ya kasome ene oda ene amosani.

Korito yoto‑ke 7:1

Dai onofa, owati dai mitahi. Deoso ai‑ya kasome ene ai atibodi amosa, ai abano ene amosa nahi. Deoso ai nayawarabone, Deoso ai ya‑yainihebone, ai ene amosahi.

Karatiya 1:4

Ai ene amosara, tabora nafi‑nima ai ene towe namaro, ai manakone wada, ai ababoneni. Yeso ai manakone‑ya nanahabebona, ababisemarine. Hibati‑ya ai ene towe toha, Deoso ati ene ai manakone‑ya Yeso nanahabemari, Yeso ene ai ene amosawahaboneni.

Karatiya 5:24

Yeso Kirisito‑ka ai toha, hibati‑ya Yeso Kirisito abemarine, ai ene amosara manakone‑ya nanahabebonaha. Awa‑ya Yeso‑ya mai baakanamaro, owa ene amosara ene Yeso‑ya mai baakanamaroni. Fara Yeso Kirisito abe‑nima ai atibodi bote ati ai nanahabahi. Ai ene‑maro‑nima ai ene namariyahi.

Efesiyo 1:4

Hibati‑ya yama‑ya Deoso wamani awisareya, ai‑ya kadike, Yeso Kirisito‑nima ai nawahabone, Yeso Kirisito‑ka ai toha, ai ene amosawama ai‑ya awebona ati nematane.

Efesiyo 2:2

Satanasi ati‑ya mai tokadaba, mai‑nima dai namaroni. Madi mai‑ka hidi i‑di Satanasi amane. Madi mai dama ahiyata‑ya mai wi‑wina, ai atibodi‑ya keyehe‑ya mai hirikiteni. Deoso ati ai one nofara, Satanasi ati‑ya mai tokadabateni.

Koroso 1:22

Kirisito abano abemarine, dai manakone‑ya nanahabe, Deoso noko‑ya dai waa, dai ene amosara‑ya awarebona, dai amosa hinama dai‑ya awebonane.

Tesaronika daidi 4:7

Deoso ai‑ya kadikemarine, ai ene towe toharabone, ai ene amosabonehe.

Tesaronika daidi 4:9

Dai ibi nofabone, dai tamine okanahano awiraboneni. Deoso dai‑ya kanawato ene dai ibi nofateni.

Timoti daidi 4:12

Timoti, Yeso ati‑nima tiyahi. Yeso ati‑nima tiwati nahi. Yeso mai‑ya nofemari‑nima mai‑ya tinofa, tiwa‑ya mai kaka, tiwati yawariyahi. Deoso‑ta owa‑ya nofe, yama sibarabone tiwatibodi ati nahi. Mai fanawi nokotinirihi tinahi. Tiwa ene‑ya mai awaboneni. Yetene tiha, tiwa‑ya mai weeraboneni. Tiwa ene‑nima mai ihi nawahaba awineni.

Timoti daidi 6:17

Mai‑ka yinero dame, mai tihiyara, “Dai‑ya dai kahiyarariyahi. Dai‑ka yinero dai nokotoniriyahi. Deoso ati‑ta dai nofabisahi. Deoso ati dai nofiya, dai‑ka yamata‑bone‑ya dai‑ya daanebonane.” Tinahi.

Timoti daidi 6:9

Yinero‑ya mai no‑nokotoni towe mai amani. “Yama amosara‑ya ai aniniya, ai‑ka yinero nafibisebonane.” Mai ati teni. Mai ihi amosara. Satanasi mai‑ya waratonebonane. Yama amosara‑ya mai nokotonihe, hini mai ihi mai abawahaboneni.

Timoti yoto‑ke 3:12

Yeso Kirisito ati ai no‑nofa Yeso ati‑nima ai niya, ai‑ya mai bisinaboneni.

Timoti yoto‑ke 4:10

I‑di Dema owa‑ya sawimi awira, bofe‑ka yama dama‑ya nokotoniya, Tesaronika‑ya tokane. Karatiya‑ya i‑di Keriseti toka, Daomatiya‑ya i‑di Tito toka nane.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Ebereo 8:11

Owa tamine‑ya mai wato nafiya, mai ibi kanawatomateraboneni. Owa hawine‑ya mai ibi yofikanamarihi naboneni. Owa‑ya mai nafi watowahaboneni, bote madi, madehe, mai naro.

Tiyako 1:27

Dai ene‑ya ai‑ka Abi i‑di Deoso nofebona dai ati na, haa‑nima dai ene nahi. Mai‑ka abi wadare mai dai kasoma, mai‑ka yibote aba, mai dai kasoma dai nahi. Deoso ati‑ya mai nofara mai ihi‑nima dai ene riyahi.

Bedoro yoto‑ke 2:9

I‑di Ro‑ya Deoso kasomemata, Deoso ati ai no‑nofa ai‑ya kasomebona ai watoharitene. Sodoma‑ya mai wi‑wina mai ihi amosara, mai manakone amosara‑ya Deoso daanemata, hibayata mai ihi amosara mai manakone amosara‑ya daani watohari, makobote mai ihi‑ya kadikebonane.

Bedoro yoto‑ke 3:11

Yama nafi hirinabone, dai ene amosiyahi, dai hatirabonehe. Deoso ati‑ya dai tokadabiyahi.

Yowaho daidi 2:27

Kirisito ati ene Deoso‑ka Doni dai atibodi‑ya sawine, dai‑ya kanawatobonaha. Dai‑ya mai kanawatora, Deoso‑ka Doni dai‑ya kanawatobisebonane. Yama nafi‑ya Deoso‑ka Doni kanawato, keyehe‑ya hiriterene. Ai‑ka Abi i‑di Deoso ati‑nima ati tene. Deoso‑ka Doni ati‑nima ai na, Yeso‑ka ai tohateni.

Yowaho daidi 2:6

“Yeso‑ka oda amani.” Ai ati na, Yeso Kirisito ene‑mari‑nima ai ene nahi.

Yowaho daidi 5:19

Deoso‑ka ai toha mai ai watoteni. Satanasi‑ka mai toha Satanasi mai‑ya yokobonane.

Yoda‑ka yama hani 1:18

“Yeso kami yakari‑ya bara mai kakeboneni. Deoso‑ya mai weenabone, hini mai atibodi ati kasira ati‑nima mai naboneni.” Yeso‑ka yo‑yose mai ati namaroni.

Yeso Kirisito ene‑bona 14:12

Fara ihi Deoso‑ka dai toha Deoso hawine bai‑ya dai maanamariyahi. Yeso ati‑ya dai tokadabiyahi.