Tito 2:10 - Deoso-ka Yama Hani

¹⁰ Yama dai botira, dai ene amosa‑ya dai‑ka hidi mai awiya, mai ya‑yainaboneni. Deoso ene dai ene amosa‑ya mai awiya, Deoso ati‑ya mai nofaba awineni.” Tinahi.

Tito 2:10 ပူးပေါင်းရင်းမြစ်များ

Mateo 24:45

Owati dai mitahi. Hidi‑ka yo‑yose mai dama, hika yo‑yose ohari yama‑ya watone, hidi ati‑ya tokadabi amose, hidi ati ene mai one‑ka hidi tohawahebonane, mai‑ya natafebonaha.

Mateo 5:16

Yama wahi‑nima dai ene nahi. Dai ene amosa, dai ene‑ya mai awiya, dai‑ka Abi neme‑ke‑ya mai kahiyarawahaboneni.” Yeso ati nemarine.

Roka 1:47

Deoso owa‑ya kasome ene ya‑yai·oneni.

Roka 1:80

Ewe yanawahe, Deoso ati‑ya nofi nafiwahematane. Isara·eo‑ka nodi mai‑ya Yowaho hiyari awisare, tabora awiri‑ya ohari winematane.

Roka 16:10

Ai‑ka yama ohare‑ya mai nawadi amosiya, yama dama‑ya mai nawadi amosahareboneni. Mai‑ka yama damara mai ihi amosariya, mai‑ka yama dodamiya, mai ihi amosi awisaraboneni.

Yowaho 12:6

Yoda yama‑ya bo‑boti amane. Oda‑ka yinero‑ya Yoda damane, oda‑ka yinero kote‑ya botimarine. Yama mahi amosa‑ya ati daane, hiniya yinero‑ya atibodi kayafabisemarine, mai one‑ya kasomi awirebonane.

Korito daidi 4:2

Ai owa‑ka yo‑yose ai toha, ai‑ka hidi ati‑nima ai teni.

Efesiyo 4:1

Ai‑ka Ayo i‑di Yeso Kirisito ati okamine, kadeya‑ya owa‑ya mai nawaa, owati dai mitahi. Deoso dai‑ya haanemata, Yeso‑ka dai toha, ati dai tokadabaho.

Firibo 1:27

Dai ene‑ya mai awa, Kirisito ene‑nima dai ene na‑ya mai awiyahi. Dai tabaro‑ya kobo·ona, kobo·orihi ona, dai tamine omitaboneni. Dai ibi nofiya, Kirisito‑ka yama ani‑ya dai nafi aniniya, mai one Deoso ati‑ya mai nofaboneni.

Firibo 4:8

Oka soho dai toha, owati dai mitahi. Owati fawani yanatoni. Yama amosa toha, mai ati amosa, mai ihi amosa toha na, mai tamine‑ya dai atibodi kadikabisahi. Dai‑ya mai kasoma, mai one‑ya mai kasoma na, mai ihi amosa, mai‑ya mai atibodi kahiyara, mai ihi amosi ba‑basi na, mai tamine dai kadika nahi.

Timoti daidi 1:1

Baoro ama·oni. I‑di Yeso Kirisito‑ka yo‑yose ama·oni. I‑di Deoso owa‑ya kadikemarine, hika ohabonehe. I‑di Yeso Kirisito ai‑ya ka‑kasoma, kamebona ai nimaneni.

Timoti daidi 5:17

Dai‑ya mai ka‑kanawato mai ihi amosa mai dai kasomahi. Deoso ati‑ya dai‑ya mai ka‑kanawato, mai dai kasoma, mai dai nofa, mai ati dai tokadaba, dai nahi.

Timoti daidi 6:1

Dai‑ya mai kanikamaro, dai‑ka hidi dai nofiyahi. Dai‑ka hidi ati dai tokadaba ene Deoso‑ya mai kakorabone, Deoso‑ka yama hani tamine‑ya mai kakoraboneni.

Timoti daidi 6:3

Owati‑nima mai tihiyarahi, yama‑ya mai watowahabonehe. Ai‑ka Ayo Yeso Kirisito ati‑nima mai ati ni awiriya, yama‑ya mai kanawatobone mai ati na,

Tito 1:3

Deoso ene yama hawa tohiya, owa‑ya yosemarine, ati okaminebonaha. Deoso ai‑ya ka‑kasoma tohe tamine mai‑ya okamina, mai hiwatowahebonane.

Tito 3:4

Hibati‑ya Deoso ai‑ya kayawemari, ai‑ya nofi nafi ene i‑di Yeso ai manakone‑ya nanahabemarine.

Bedoro daidi 2:12

Bara mai‑ya dai sawiya, dai ene amosahi. Dai ene towe‑mone mai ati na, dai ene‑ya mai awiya, dai ene amosa‑ya mai atibodi watowaha, Yeso kamataseya, dai ene Deoso‑ya mai kahiyaraboneni.

Bedoro daidi 3:16

Dai ati yananiya, dai ati yawara, dai ati somabisahi, dai atibodi dai‑ya weerabonehe. “Yeso Kirisito‑ka mai‑mone mai ati kasiroteni.” Mai ati na, Dai ene‑ya mai awiya, mai ati fawanabone, hini mai atibodi mai‑ya weenaboneni.

Yowaho yoto‑ke 1:9

Yama nafi‑ya mai watobisamone mai ati na, Kirisito ati‑ya mai tokadabara, Deoso mai‑ya sawiterene. Kirisito ati‑ya mai tokadaba, Deoso mai‑ya sawi, Deoso Bidi mai‑ya sawi tene.