Tito 1:8 - Deoso-ka Yama Hani

⁸ Mai one kake, fai tabaro‑ya mai wina, mai ihi amosa, mai‑ya nofatene. Ene mai one hiawe, ene mai hinofatene. Yama amosa‑ya anitene. Deoso ati‑nima tene. “Deoso ati‑nima oteboneni.” Atibodi ati tene.

Tito 1:8 ပူးပေါင်းရင်းမြစ်များ

Roka 2:25

Simiyaho tamine timitahi. Yerosare‑ya i‑di Simiyaho sawi, ene amose, Deoso ati‑ya nofematane. Deoso‑ka Ka‑kadika Isara·eo‑ka nodi mai‑ya kasomatebona yama hani ati na, fara‑ya Simiyaho nimanematane. Deoso‑ka Doni Simiyaho‑ya sawimatane.

Yeso‑ka yo‑yose mai tamine 24:25

“Yeso ati ai nofiya, ai ene amosa, Yeso ati‑nima ai naboneni. Makobote ai ene‑ya Deoso kadikebonane.” Baoro ati ne. Ati ene Feri habo siitone, “Tikamahi. Tiwati omitamatasaba awineni.” Feri ati nane.

Tesaronika daidi 2:10

Oda ene dai awa, oda ene‑ya i‑di Deoso awa ne, Deoso ene‑nima oda ene namaroni. Yeso ati‑ya dai no‑nofa, dai‑ya oda sawe, oda ene sibaramaroni.

Timoti daidi 3:2

Deoso‑ka mai‑ya kanawatobona, eya ene nebonane. Hika yobote ohareboneni. Mai fanawi one‑ya nokotoni awirihi tebonane. Mai one kake, ati ene hika yobe‑ya mai winateni. Ati, atibodi ati, ene ne‑ya nawadatene. Deoso ati kanawato‑ya watone.

Timoti daidi 4:12

Timoti, Yeso ati‑nima tiyahi. Yeso ati‑nima tiwati nahi. Yeso mai‑ya nofemari‑nima mai‑ya tinofa, tiwa‑ya mai kaka, tiwati yawariyahi. Deoso‑ta owa‑ya nofe, yama sibarabone tiwatibodi ati nahi. Mai fanawi nokotinirihi tinahi. Tiwa ene‑ya mai awaboneni. Yetene tiha, tiwa‑ya mai weeraboneni. Tiwa ene‑nima mai ihi nawahaba awineni.

Timoti daidi 6:11

Timoti, Deoso‑ka amatini, mai‑nima tiriyahi. Deoso ati‑nima tina, tiwa ene amosiyahi, mai‑ya tinofiyahi. Deoso hawine‑ya yakatina, tiwa yakani amosiyahi. Mai‑ya tiwati yawariyahi. Deoso ati tinofiyahi.

Timoti yoto‑ke 2:22

Yetene mai ihi towe‑nima tinirihi, kawi nokotinirihi, mai fanawi nokotinirihi, Yeso‑ta nokotinibisahi. Yeso‑ya mai nofa mai tisawihi. Tiwa ene amosahi, Yeso mai‑ya nofa‑nima mai‑ya tinofahi, mai‑ya tiwatibodi ati somahi, tiwatibodi tiwa‑ya weenamakiraboneni.

Timoti yoto‑ke 3:3

Mai‑ka madehe‑ya mai nokotonira, mai ati somawamara, mai ati‑nima mai ni awira, mai one tamine‑ya keyehe‑ya mai hirina, hiniya mai ati yawa, ai ene amosa, ai‑ya mai kako naboneni.

Tito 2:7

Tito, owati‑nima tiyahi. Tiwa ene amosa‑ya mai awiya, tiwa ene‑nima mai ihi naba awineni. Mai‑ya tikanawatoya, tiwa ene amosa tiwatibodi ati‑nima tiwati tohahi.

Yowaho daidi 3:14

Ai ibi nofa, ai abarabone ai wato, mai one‑ya mai nofara, mai ababoneni.

Yowaho daidi 5:1

Kirisito i‑di Yeso tohene ai atibodi ati na, Deoso bidi ai tohateni. Ai‑ka Abi i‑di Deoso ai nofa, bidi mai ai nofahari teni.