Tito 1:4 - Deoso-ka Yama Hani

⁴ Tito, tika yama hani‑bone okanahana, tikadikiyahi. Oka dao owa amatini. Deoso ati ohiyara, owati‑ya timita, Deoso ati tinofawahamaro, tiwa oka dao onamaroni. Ai‑ka abi i‑di Deoso, ai‑ka ayo i‑di Yeso Kirisito mai na, tiwa‑ya mai kasoma, tiwatibodi tiwa‑ya weerabone, Yeso Kirisito tiwa manakone‑ya nanahabemari, tiwa‑ya kasomebonane.

Tito 1:4 ပူးပေါင်းရင်းမြစ်များ

Roka 2:11

Hibayata Dafi tabaro‑mata‑ya ewe wade, dai‑ya Ka‑kasoma‑tebona amane. Deoso‑ka Ka‑kadika amane. Ai‑ka Hidi Webote amane.

Yowaho 4:42

Fana‑ya mai hiyara, “Yeso tamine tikamina, tiwati oda nofaroni. Hibayata‑ka Yeso ati oda mitawaha, Yeso ati oda nofa, ati oda tokadabawahane. Bofe‑ya mai wi‑wina mai nafi‑ya kasomebona oda watowahane.” Mai ati namaroni.

Homa 1:12

Dai tabaro‑ya kobo·oniya, dai okasoma, fara owa dai kasomahari nabone onani. Ai ibi kasoma, ai atibodi kiti ba‑basi teni.

Homa 1:7

Homa‑ya dai wi‑wina Deoso dai‑ya nofe, dai‑ya kadikematane, Deoso‑ka dai tohabonehe. Dai‑ka yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito mai fama, dai‑ya mai kasoma, dai atibodi ati dai‑ya soma teni.

Korito yoto‑ke 12:18

I‑di Tito oyose, oda‑ka owa‑ya fame, owati‑nima i‑di Tito ne, dai‑ka yama‑ya kayafarihi tene. Owa ene‑nima ene tene.

Korito yoto‑ke 2:13

Owati‑ya mai mitamatasabone mai ati na, oka soho, i‑di Tito‑ya owatibodi watinawaha, Torowadi‑ya i‑di Tito kobo·onabone ona, i‑di Tito kobo·ora, owatibodi i‑di Tito tamine‑ya kadikanade, Masedoni‑kaya okawahamaroni, i‑di Tito owasebonehe.

Korito yoto‑ke 4:13

“Deoso ati onofe ene owati yananineni.” Ai owa ati nane, Deoso‑ka yama hani‑ya. Fare‑nima Deoso ati oda nofa, oda ati yananineni.

Korito yoto‑ke 7:6

Mai atibodi koma mai‑ya Deoso kasomatene. Dai tamine oda mitara, oda atibodi koma, fare Deoso oda‑ya kasome, i‑di Tito koboname, dai tamine‑ya kamine, oda ya‑yainawahani.

Korito yoto‑ke 8:16

Dai‑ya owatibodi kasomi nofa, Deoso ene dai‑ya owatibodi kasomi‑nima i‑di Tito dai‑ya kasomaharine. Deoso ene ya‑yai·oneni.

Korito yoto‑ke 8:23

I‑di Tito tamine‑ya dai one mitabone mai ati na, owa‑nima i‑di Tito ne, dai oda kasomabone oda ati teni. I‑di Tito‑ya mai da‑daba, mai tamine‑ya mai mitabone mai ati na, tabora one‑ka Deoso‑ya mai kahiyarabone, mai yorotokana, mai‑ka owa oda‑ya sawibona‑ya mai kadika, tabora one‑ka mai‑ka owa‑ya mai kadika mai na, Kirisito‑ya mai kahiyarabone, fare i‑di Tito‑ya mai sawineni.

Korito yoto‑ke 8:6

Masedoni‑ya mai wi‑wina mai ihi amosa tamine i‑di Tito‑ya oda hiyarawaha, “Tito, Korito‑ya mai wi‑wina mai tihiyaramaro, mai tihiyaramatasahi. Yodeya‑ya mai wi‑wina mai‑ka yamata wadara, mai‑ka yinero‑bona‑ya mai daanabone mai ati na, mai ati‑maro‑nima mai nahi.” Oda ati nineni.

Karatiya 2:3

Tito owa‑ya sawi, Yodeo tohi awirene, Kereko amane. Yodeo mai‑nima ni awirene, sowiri tati ataro wisinakosi awiremarine. “Sibarane.” Mai ati namaroni. Owa‑ya mai weeni awiramaroni.

Karatiya 3:26

Yeso ati dai no‑nofa Deoso bidi dai tohawahani, dai nafi.

Karatiya 3:28

Ai hinama tohawahineni. Yeso‑ka ai nafi tohawahani. Yodeo ai one toha, Bara ai one toha, ai one‑ya mai kanika, ai one‑ya mai kanikarihi mai namaroni. Maki mai toha, mai fanawi toha na, Yeso‑ka ai nafi tohawahineni. Yeso Kirisito ati ai nofa, ai hinama tohawahineni.

Efesiyo 1:2

Ai‑ka Abi i‑di Deoso, ai‑ka Ayo i‑di Yeso Kirisito ne, dai‑ya mai kasoma, dai atibodi ati dai‑ya somateni.

Koroso 1:2

Koroso‑ya dai wi‑wina Yeso ati‑ya dai no‑nofa, ati‑ya dai tokadaba na, oda‑ka soho dai toha, dai‑ka yama hani boneni. Ai‑ka Abi i‑di Deoso, ai‑ka Ayo i‑di Yeso Kirisito ne, dai‑ya mai kasoma, dai atibodi ati dai‑ya somateni.

Timoti daidi 1:12

Yeso Kirisito ati ene Deoso tamine‑ya ohiyarineni. Ai‑ka ayo Yeso kitabote tohe, owa‑ya nakitame, owa‑ya kadike, “Deoso Ati Amosabote tihiyariyahi.” Ati ne. Ati ene ya‑yai·onamaroni.

Timoti yoto‑ke 1:1

Baoro ama·oni. Deoso ene Yeso Kirisito‑ka yo‑yose ama·oni. Hibati‑ya Yeso abe, ai manakone‑ya nanahabe, Yeso ati‑ya mai nofiya, mai abiya, Deoso tabaro‑ya mai winabisabone Deoso ati nane.

Timoti yoto‑ke 1:2

Timoti, tiwa oka dao onamaro, tiwa onofa, tika yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito ne tiwa‑ya mai kasoma, tiwatibodi ati tiwa‑ya soma teni.

Timoti yoto‑ke 4:10

I‑di Dema owa‑ya sawimi awira, bofe‑ka yama dama‑ya nokotoniya, Tesaronika‑ya tokane. Karatiya‑ya i‑di Keriseti toka, Daomatiya‑ya i‑di Tito toka nane.

Tito 1:3

Deoso ene yama hawa tohiya, owa‑ya yosemarine, ati okaminebonaha. Deoso ai‑ya ka‑kasoma tohe tamine mai‑ya okamina, mai hiwatowahebonane.

Tito 2:13

Yeso ai‑ka Ayo kamebona ai nimana, Yeso ai manakone‑ya nanahabemari, kameya, kami amosebonane. Deoso kitabote amose‑nima Yeso nane.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Bedoro yoto‑ke 1:11

Ai‑ka Ayo Yeso Kirisito tabaro abaterebona, fare‑ya dai koboniya, Deoso ya‑yainebonane. Dai‑ka yama dai kayafawahabone, dai abamateraboneni.

Bedoro yoto‑ke 2:20

Mai atibodi bisa toha Satanasi mai‑ya barikane, makobote ai‑ka Hidi i‑di Yeso Kirisito mai‑ya seekane, Satanasi ati‑ya mai nofamatasa, Satanasi mai‑ya barikanamatase, mai‑ya barikani kitawahebonane.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.

Bedoro yoto‑ke 3:2

Deoso ati‑ya mai mi‑mita ati mai hikanahanomata dai kadikiya, ai‑ka Hidi i‑di Yeso Kirisito ati hika yo‑yose mai hikanahanomari, ati dai kadikiya, dai atibodi yama‑ya kadikiyahi.

Yowaho daidi 5:14

Deoso‑ya ai hiyara, yama hinofa‑ya ai ati toha, ai ati‑ya mite ai watotene.

Yoda‑ka yama hani 1:3

Hibati‑ya dai‑ka yama hani‑bone okanahanabone onamaroni. Deoso ai‑ya nofe, ai‑ya ati somawame tamine okanahanabone onamaroni. Deoso ati yokana‑ya ai‑ya mai kaminamaro mai ati dai fawani awiraboneni, yama bara‑ya mai kamina mai ati dai nofarabone tamine okanahanobisaboneni.