Tito 1:2 - Deoso-ka Yama Hani

² Ai tabaro wamani awisari‑ya Deoso ati yanane, “Owati‑ya mai nofa, mai abateraboneni.” Ati nematane. Deoso keyehe‑ya hiriterene.

Tito 1:2 ပူးပေါင်းရင်းမြစ်များ

Mateo 25:34

Hidi webote‑ka kanika‑ya mai naha mai‑ya hiyarebona, ‘Okobi dai‑ya nofi nafine, dai nafi‑ka hidi kitabote ohawaha, owa‑ya dai sawiwahaboneni. Hibati‑ya yama nafi‑ya wamani awisareya, dai‑ya okayawamaroni.

Mateo 25:46

Mai ihi amosara mai toka, mai kome fawateraboneni. Mai atibodi amosa mai abaterabone‑kaya mai tokaboneni.” Yeso ati nemarine.

Maroko 10:17

Tabora one‑kaya mai tokabone, mai yananiya, maki kanani kamaki, Yeso yowi‑ya yobati‑kaya wai, ati yanane, “Ayo, amosabote amatini. Hini yamata‑nima obati, ai abaterabone‑kaya osawebonehe?” Maki ati nemarine.

Maroko 10:30

Mai ihi amosa 100 kana manakone‑nima manakone naboneni. Bofe‑ya mai winanasa niya mai ihi amosa manakone kote‑ya mai kayafaboneni. Yobe toha, mai‑ka ayo mai toha, mai‑ka asima mai toha, mai‑ka ami mai toha, mai‑ka madehe toha, fadara toha na‑ya, mai one kayafaboneni. Bofe‑ya mai winanasa niya yama towe‑ya mai one kayafahare, mai‑ya mai one bisinaboneni. Makobote mai abateraboneni.

Yowaho 10:28

Owa ene oka mai hasinabone, mai abateraboneni. Owa yehe doro‑ya oka mai onawada, mai‑ya mai kahiditeraboneni.

Yowaho 17:2

Abi, tiwa ene mai nafi‑ka hidi ama·oni. Owa‑ya mai daatinamaro owa ene mai abateraboneni.

Yowaho 17:24

Abi, owa‑ya mai daatinamaro, owa‑ya mai sawebone, mai‑ya owatibodi kobonineni. Yama nafi ai wamani awisari‑ya owa‑ya tinofi nafe, owa wehene‑bone daatinamaroni. Owa wehene‑ya mai awiyahi.

Yowaho 5:39

Deoso‑ka yama hani dai kadika, ‘Ai abaterabone tamine oda mitaboneni.’ Dai ati na, Deoso‑ka yama hani owa tamine‑ya kaminateni.

Yowaho 6:54

Owa eme‑ya mai kaba, owa emene‑ya mai fawa na, mai abateraboneni. Yama faina‑bone‑ya mai onakitamaboneni.

Yowaho 6:68

“Ayo, oda toki awirini. Ai abaterabone‑ka hawi yofitikana, ai‑ya yo‑yofikana‑ba ai owa wadarane.

Yeso‑ka yo‑yose mai tamine 15:18

Deoso ati‑ya mai mi‑mita‑mete mai hikanahanameteni.

Homa 1:2

Hibati‑ya Yeso kaki awisareya, Deoso ati‑ya mai mi‑mita‑mete Deoso Ati Amosabote‑ya mai mita, Deoso‑ka yama hani‑ya ati mai hikanahanomatane.

Homa 16:25

Hibati‑ya yama mai hiwatoramete tamine‑ya Yeso owa‑ya kamine, fara dai‑ya okamina, dai‑ya Yeso kasoma, dai atibodi‑ya nakita, dai habo‑ya nakita nebonane.

Homa 2:7

Deoso ati‑ya mai no‑nofa, Deoso ati‑ya mai tokadaba, mai ihi amosa, Deoso tabaro‑ya mai nokotoni fawara, mai manakone amosa‑ya Deoso daanebonane. Deoso tabaro amosabote‑ya mai winiya, mai ya‑yainaboneni. Deoso ene mai abamateraboneni.

Homa 5:2

Deoso‑ya ai tamine‑ya Yeso Kirisito hiyare, “Abi, tika mai tiawahi. Mai manakone onahaba, owati‑ya mai nofawaha, tika dao mai tohawahani.” Ati tene. Deoso ai‑ya kasomi fawatere, tabaro‑ya ai winamakebone, ai ya‑yainineni.

Homa 5:21

Ai ene towe manakone ai nafi ababone Deoso ai‑ya kasome, ai‑ka Ayo Yeso Kirisito ene amosabote ene ai‑ya Deoso ati somawame, Yeso ene amose‑nima ai ene na, Deoso ai‑ya awawahe, Deoso tabaro‑ya, ai nafi winawahaboneni.

Homa 5:4

Ai habo kita, ai yawara, ai ene sibarabone Deoso ati ne. Deoso ene ai habo kita, Deoso amosabote tabaro‑ya ai kobonabone yama ai nimana, ai ya‑yainaboneni.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Tesaronika daidi 2:15

Hibati‑ya Deoso ati‑ya mai mi‑mita‑maro mai‑ya mai nanahaba, Yeso‑ya mai one nanahaba, oda‑ya mai one ati nanahabamake, mai ati ihi oda kananawahani. Mai ati yawa, mai ihi Deoso yawebonane.

Tesaronika daidi 5:8

Yama tehe‑ka ai toha, ai noko wadateni. Sodado mai‑ya mai nawadabone, mai baki‑ya yama kita waana, mai tati‑ya sabewa kita itariteni, wati, yima na, mai‑ya koborabonehe. Sodado mai‑nima ai nawadabone, ai‑ya ai nawada, Yeso, Yeso ati ne, ai nofi nafi, Deoso tabaro‑ya ai kobonabone ai wato, Satanasi ai‑ya keyeheya, ati ai nofaraboneni.

Timoti daidi 6:12

Deoso ati fawatiniriyahi. Deoso tiwa‑ya haanemari, tabaro‑ya tiwinabone, Deoso ati‑ya tinofamone, mai dami tiwati‑ya mai mita, mai ihi tiwa habo siitoriyahi. Satanasi tiwa‑ya kako, ati‑nima tiriyahi.

Timoti daidi 6:19

Haa‑nima mai niya, Deoso ya‑yainebonane. Deoso tabaro‑ya mai‑ka yama manakone wadaboneni. Bofe‑ya mai wi‑wina mai ya‑yainaboneni.

Timoti yoto‑ke 1:1

Baoro ama·oni. Deoso ene Yeso Kirisito‑ka yo‑yose ama·oni. Hibati‑ya Yeso abe, ai manakone‑ya nanahabe, Yeso ati‑ya mai nofiya, mai abiya, Deoso tabaro‑ya mai winabisabone Deoso ati nane.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.

Timoti yoto‑ke 2:10

Kadeya‑ya ofoya, oyawara, sibaraboneni. Kadeya‑ya owaa, Deoso Ati Amosabote mai one‑ya okamina, Yeso ati‑ya mai nofamakeba awineni. Hibati‑ya Deoso mai‑ya kadikane, Yeso ati‑ya mai nofabonehe. Yeso ati‑ya mai nofamakiya, Deoso tabaro‑ya mai winawahaboneni. Mai ya‑yaini fawateraboneni.

Timoti yoto‑ke 2:13

Ai ati‑nima ai ni awiraba awineni. Yeso hini ati‑nima nebonane. Yeso ati oharitene. Ati abaterene.” Ai ati teni.

Timoti yoto‑ke 2:15

Timoti, tiwa noko wadahi. Deoso ati tikadika, Ati Amosabote mai‑ya tikamine, Deoso tiwa ene‑ya kadikeya, tiwa habo siitoraboneni.

Tito 2:13

Yeso ai‑ka Ayo kamebona ai nimana, Yeso ai manakone‑ya nanahabemari, kameya, kami amosebonane. Deoso kitabote amose‑nima Yeso nane.

Tito 2:7

Tito, owati‑nima tiyahi. Tiwa ene amosa‑ya mai awiya, tiwa ene‑nima mai ihi naba awineni. Mai‑ya tikanawatoya, tiwa ene amosa tiwatibodi ati‑nima tiwati tohahi.

Tito 3:7

Ai manakone abawaha, Deoso bidi ai tohawaha, ai abateraboneni. Deoso tabaro‑ya ai winabisaboneni.

Yowaho daidi 2:25

Deoso Bidi i‑di Kirisito ai‑ya sawi, ai abaterabone ati nane.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.

Yoda‑ka yama hani 1:21

Deoso dai‑ya nofe, ati dai tokadabahi. Ati dai tokadabeya, dai‑ya kasomebonane. Makobote Deoso tabaro‑ya Yeso Kirisito ai‑ka Hidi dai‑ya towakamebona, dai abamateraboneni.

Yeso Kirisito ene‑bona 13:8

Bofe‑ya mai wi‑wina Bani Hame‑ya mai nafi kahiyarabone, fare Kaneiro Bidi‑ka yama hani‑ya mai oni sawi awiriya, Bani Hame‑ya mai nafi kahiyaraboneni. Hibati‑ya wami awisari‑ya Kaneiro Bidi ati‑ya mai to‑tokadababone mai oni‑ya Deoso wato, mai oni‑ya kanahanomatamonane. Kaneiro Bidi abemari, kitamemarine.

Yeso Kirisito ene‑bona 17:8

Bani Hame tiwe, hibati‑ya tohemari, hibayata wadamare, makobote tohamatasebonane. Hodi yaba‑kaya kimisamebonane. Makobote Deoso weehineya, komene fawarebonane. Hibati‑ya wami awisari‑ya mai abarabone‑ka yama hani‑ya mai oni‑ya Deoso kanahanomatamonane. Mai oni sawira mai atibodi yama‑ya kadiki kitabone, ‘Ka! Bani Hame ma‑mawane kitane.’ Mai atibodi ati naboneni. Bani Hame ma‑mawane hibati‑ya tohemari, wadamare, kamatase‑ya mai hiaweya, mai atibodi yama‑ya kadiki kitaboneni.