Tito 1:15 - Deoso-ka Yama Hani

¹⁵ Yeso ati‑ya ai no‑nofa, ai atibodi, ai atibodi ati, ai ene na amosateni. Yeso ati‑ya mai nofara, mai atibodi, mai atibodi ati, mai ihi na amosaterani.

Tito 1:15 ပူးပေါင်းရင်းမြစ်များ

Mateo 15:18

Ai atibodi towe toha, ai ati towe tohateni. Ai atibodi‑ya yama towe yanana ihi ai towe tohateni.

Yeso‑ka yo‑yose mai tamine 10:15

Neme‑ya ati kakitase, “Yama kababone Deoso hina, kabi towe amani dai ati riyahi,” Ati nemonane.

Homa 14:14

Yeso ene yama‑ya owatoneni. Yama owatibodi hikaba, okobiya, Deoso owa‑ya weerebonane. Yama tiwatibodi hikaba, tikabiya, sibaraboneni. Deoso ene yama‑ya tikabarabone tiwatibodi ati na, tikabariyahi. Tikabiya, Deoso ene tiwatibodi tiwa‑ya weenaboneni.

Homa 14:20

Deoso ene‑mona bani‑ya mai kabara mai noki‑kaya bani tikabariyahi. Mai noki‑kaya bani tikabiya, mai‑ya taratikaniheba awineni. Bani ai kaba, ai ati kasiroterani. Ai owa ai taratokanihe, ai ati kasirobisateni.

Homa 14:23

Deoso ene yama dai kabarabone dai atibodi ati na, yama dai kabariyahi. Yama dai kaba, dai ene towe tohani. Deoso ati‑nima ai ni awira, ai ene amosaterani.

Korito daidi 10:23

Deoso ai ene‑ya barire, ai ene one mai‑ya kasomarihi, ai ene one mai‑ya ya‑yaini awirihi nani.

Korito daidi 10:25

Bara mai‑ka bani dai kanike, dai kaba, sibarini. Mai‑ka deoso bare‑ka bani‑bona tamine dai miti awiriya, dai atibodi dai‑ya weeraboneni.

Korito daidi 10:31

Yama dai kaba, yama dai fawa na, dai ene Deoso‑ya mai kahiyarabisiya, yama sibaraboneni.

Korito daidi 8:7

Deoso oharibise‑ya ai one watora, deoso mai dama‑mone mai atibodi ati na, Bara mai‑ka deoso‑mona‑ka bani‑ya mai kaba, hini mai‑ya mai atibodi weeteni.

Timoti daidi 6:5

Yeso ati‑ya mai nofara, “Yeso ati oda ati nofa, mai oda kanawatoya, yinero nafi oda kayafaboneni.” Mai atibodi ati na. Mai ihi Yeso ati‑ya mai one nofara, mai ibi ati tokatoweboneni.

Ebereo 10:22

Deoso‑ya ai hiyarabone, ai atibodi amosahi. Deoso ai ati‑ya mitebona ai atibodi ati nahi. Hibati‑ya ai atibodi‑ya Deoso‑ka Doni namose, ai atibodi ai‑ya weenamara, hibati‑ka mai‑ya mai wisana, mai‑nima ai nawaha, ai ene amosara manakone aba ihi faha amosa‑ya ai afina‑nima ai nawahani.

Ebereo 12:15

Dai noko wadahi. Deoso dai‑ya kasomebona ati ne, dai ene amosanadira, dai‑ya kasomi awirebonane. Dai ati bida toha ene mai ibi nofaraboneni. Mai dami ihi amosaraboneni.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.