Tito 1:11 - Deoso-ka Yama Hani

¹¹ Keyehe‑ya mai hirineni, yinero‑ya mai kayafawahabonehe. Mai‑ya tiwati bariniyahi. Mai ati ihi yobe dami‑ya mai wi‑wina mai atibodi mai‑ya weeneni.

Tito 1:11 ပူးပေါင်းရင်းမြစ်များ

Mateo 23:13

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Neme‑ke ai nafi‑ka hidi kitabote tohawahebona‑ya dai sawirabone, mai one sawebone mai ati na mai‑ya dai ati barinineni.

Roka 20:40

Yeso yama‑ya wato, Yeso‑ya mai nayofina, mai ati fawanawahameteni.

Yowaho 10:12

Ai owa‑ka kaneiro mai‑ya ai owa nawade, kaneiro hidi tohare, yomahi yama‑ke kaneiro mai‑ya kakiya, kaneiro mai‑ya nawade kananeya, yomahi yama‑ke kaneiro mai‑ya kananihi, mai fawateni.

Homa 3:19

Deoso‑ka yama hani ihi ai nafi ene amosara ai watowahineni. Bara mai atibodi‑ya Deoso hini ati‑ya kanahanomata, ati‑ya mai tokadabarihi, Mose ati‑ya Yodeo mai tokadabarihi mai na, ai nafi ene‑ya Deoso kadikeya, eya ati nebonane. “Owati dai tokadabarani.” Deoso ati neya, “Hehe, towe oda amani. Tiwati oda tokadabaterani.” Ai nafi ati naboneni.

Korito yoto‑ke 11:10

Kirisito ati okamine‑ya yinero haa·otera tamine ohiyarateni. Akaiya‑ya dai wi‑wina owati dai mitamaro, dai ene amosawamamaro, dai ene owati fawaraboneni.

Timoti daidi 5:13

Deoso‑ka yinero kote‑ya mai tikasomiya, yama‑ya mai anini awiraboneni. Hini mai one tabori‑ya mai one tamine‑mone‑ya mai hiyaraboneni. Mai ati towe tohawahaboneni.

Timoti daidi 5:4

Mai fanawi one kahiwa, mai‑ka ewe hasine, yobote‑ta abemari, ami‑ya ewe mai kasomahi. Fana‑ka nodi mai toha, aki‑ya mai kasomahi. Ai‑ka ami mai‑ya ai kasoma Deoso nofatene. Hibati‑ya ai‑ya mai kasoma, ai‑ya mai nayana, mai bote toha mai ai kasomiya, Deoso ya‑yainebonane.

Timoti daidi 6:5

Yeso ati‑ya mai nofara, “Yeso ati oda ati nofa, mai oda kanawatoya, yinero nafi oda kayafaboneni.” Mai atibodi ati na. Mai ihi Yeso ati‑ya mai one nofara, mai ibi ati tokatoweboneni.

Timoti yoto‑ke 2:18

Deoso ati‑ya mai hiyaramaro, ati bare‑ya mai hiyarawahineni. “Hibati‑ya ai kitama‑nima ai na, ai abawaha, ai abano kitamaraboneni.” Mai ati teni. Keyehe‑ya mai hirina, mai ati‑ya mai one mita, Deoso ati‑ya mai nofami awirani. “Dai aba, dai kitamaboneni.” Deoso ati tene.

Timoti yoto‑ke 3:6

Mai one tabori‑ya mai tokiyoma, mai fanawi‑ya mai keyeheteni. Mai fanawi yama‑ya watora, mai ati‑ya mai tokadabateni. Mai fanawi ihi amosaramaro tamine mai atibodi hini mai‑ya weena, mai atibodi mai‑ya weenamara, keyehe‑ya mai nofawahani.

Tito 1:7

Ene amosare ai‑ya kanawatotere, ene amose‑ta ai‑ya kanawato tene. Hini‑ya kahiyare, Deoso‑ka mai‑ya kasoma, ai ati‑ya miteya, yawa kanibote ra, kawi ihi towe toharihi, ai one‑ya bisirihi, yinero‑ya nokotonirihi tene, tikadikayaho, Deoso‑ka mai‑ya kanawatobonaha.

Tito 1:9

Deoso ati yokana‑ya mitemari, fare mai‑ya kanawatomakibonane. Ati bare‑ya mai one kamina mai‑ya ati barinebonane.

Tito 3:10

Mai ihi amosara, mai ati ihi mai ibi nofara, mai‑ya weetinahi. Mai‑ya tihiyari famiya, tiwati‑ya mai nofariya, mai‑ya didabamariyahi.