Tito 1:10 - Deoso-ka Yama Hani

¹⁰ Yodeo mai dama Yeso ati‑ya mai nofara, ati honita‑ya mai‑ya mai keyeheteni.

Tito 1:10 ပူးပေါင်းရင်းမြစ်များ

Mateo 23:14

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Fana maki abe mai‑ka yobe‑ya dai kayafateni. Deoso‑ya dai hiyari yaboteni, dai‑ya mai awabonehe. Deoso dai‑ya weeni kitabisebonane.

Yeso‑ka yo‑yose mai tamine 11:2

Yerosare‑ya Bedoro koboneya, “Mai sowiri tati ataro‑ya mai wisinakosi awiriya Deoso‑ka mai tohaterani.” Mai ati toha, Bedoro‑ya mai weenamoneni.

Yeso‑ka yo‑yose mai tamine 15:1

Yodeya‑ya mai wi‑wina Atioki‑ya mai toka, Kirisito‑ka mai‑ya mai kanawata, “Mose ati‑nima dai sowiri tati ataro abahi. Dai sowiri tati ataro abi awiriya, Deoso dai‑ya ati somawamaterebonane.” Mai ati namoneni.

Yeso‑ka yo‑yose mai tamine 15:24

Oda tabaro‑ya mai sa‑sawi dai tabaro‑ya mai toka, keyehe‑ya mai hirina, mai ati ihi dai atibodi komamoneni. Mai oda yose awiraroni.

Yeso‑ka yo‑yose mai tamine 20:29

Owa nowati‑kaya mai one mai kamake, dai‑ya keyehe‑ya mai hirikanaboneni. Yomahi yama‑ke ene‑nima mai ihi naboneni. Yeso‑ka mai‑ya mai nokotonihebone, Satanasi ati‑ya mai tokadababonehe.

Karatiya 2:4

Makobote Yodeo mai one mai kobona, Yeso‑ka mai toha‑mone mai ati na, Yeso‑ka mai tohi awiramaroni. I‑di Tito tamine‑ya mai mita, mai ati yawawahamaroni. Oda ati‑ya mai kamita, oda‑ya mai kakatomamaroni. Oda‑ya mai ati barinabone, oda‑ya mai hiyaramaroni. “I‑di Tito sowiri tati ataro abaho. Yeso‑ka ai tohabone, ai sowiri tati ataro abateboneni. I‑di Mose ati‑nima dai ni awiriya, Deoso‑ka dai tohateraboneni.” Mai ati namaroni. Ai yaditona‑nima ai‑ya mai nihebone mai ati amani. Keyehe‑ya ai‑ya mai hirikanaro, Yeso ati‑ya mai nofarani.

Karatiya 3:1

Karatiya‑ya dai wi‑wina dai ka‑kana nawaha awineni. Mai‑ka keyehe‑ya dai nofawahineni. Hibati‑ya dai tabaro‑ya oda wina, Yeso Kirisito tamine oda kaminamaroni. Keyehe‑ya dai‑ya oda hirikaramaroni. “Yeso awa‑ya abemarine, ai manakone‑ya nanahaberi.” Oda ati namaroni. Yeso ati ai nofiya, ai sibarabone ona. Owati dai mita, owati dai watamaroni.

Efesiyo 4:14

Madehe‑ya keyehe‑ya mai hirikana, mai ati‑ya madehe nofateni. Madehe‑nima ai riyahi. Deoso ati ai wata, ai hawa toha‑nima ai nawahaboneni. Deoso ati‑mona mai one ati na, Deoso ati tohi awireya, mai ati ai nofaraboneni. Keyehe‑ya ai‑ya mai hirikana mai ati ai nofara, faha rike toka, kamatasa‑nima ai atibodi ni awiraboneni. Deoso ati‑ya ai nofi ohariyahi. Mai one ati bara toha, ai nofaraboneni.

Timoti daidi 1:4

Hiyara bote‑ya mai hiyari nafiriyahi. Mai‑ka idi mai tamine‑mete‑ya mai kadikanadiriyahi. Haa‑nima mai niya, Deoso ati‑ya mai watoraboneni. Hiniya mai ibi weenaboneni. Yeso ati ai nofa, Yeso ati ai kadikiya, yama ai watobisaboneni.

Timoti daidi 1:6

Mai one hiniya hiyara mai ati honita tohani.

Timoti daidi 1:9

Yeso ati‑ya ai no‑nofa ai ene amosa, Mose‑ka yama hani ihi ai‑ya mai bisiterani. Mai ihi amosara, Mose‑ka yama hani ati ihi mai‑ya mai bisinaboneni. Deoso ati‑ya mai nofara, mai ihi amosaterani. Deoso ati‑ya owati nofara mai ati na, Deoso tamine‑ya keyehe‑ya mai hirina, mai‑ka abi, mai‑ka ami, mai na, mai‑ya mai bi‑bisi, mai one‑ya mai wakateni.

Timoti yoto‑ke 3:13

Mai ihi towe toha, mai ihi towe ba‑basi naboneni. Mai one‑ya mai keyeheneni. Mai one mai hikayeheriya, mai ati‑ya mai nofahareboneni.

Timoti yoto‑ke 4:4

Deoso ati‑ya mai mitami awiraboneni. Mai one keyehe‑ya mai hirina mai ati‑ya mai mitabisaboneni. Hiyara bote‑ya mai nofabisaboneni.

Tito 1:6

Mai tikadika, eya mai ihi nahi. Mai ihi amosa‑ta mai tikadikiyahi. Fadi ohare toha, ati fadi hinofa, ati hika madehe hinofa, Yeso ati‑ya hika madehe nofa na, tikadikabisayaho. Hika madehe ati kasira‑ta tikadikarayaho.

Tiyako 1:26

Deoso ati tinofamone tina, tiwati tinawadi amosara, keyehe‑ya hiritineni. Deoso ati tinofamone tina, tiwatibodi ati tohara, tiwati honita tohani.

Yowaho daidi 2:18

Oka dao dai toha, owati dai mitahi. Ai amoni fa‑famaraba ni‑ya Yeso kamebonane. Kirisito‑ya ka‑kako kakibona tamine dai mitemarine. Hibayata Kirisito‑ya mai dama mai kakoneni. Kirisito‑ya mai kaka, mai ai awa, Yeso kami nahore ai watoboneni.

Yowaho daidi 2:4

“Deoso owatoni.” Ati ne, Deoso ati‑ya tokadabare, keyehe‑ya hirine. Deoso‑ya watoterene.

Yowaho daidi 4:1

Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.

Yeso Kirisito ene‑bona 2:14

Dai ene amosa hinama tohi awirani. Baraho ati‑mari‑nima dai one ene tohanineni. Baraki‑ya i‑di Baraho kanawato, Yodeo mai‑ya Baraki kanawatomakimarine. Baraki ati ene deoso bara mai‑ka bani mai‑ya Yodeo mai kabamaro, fana bara mai‑ya Yodeo mai idiwaha namaroni.

Yeso Kirisito ene‑bona 2:6

Nikoreita mai ihi‑ya dai nofi awira, dai sibarini. Nikoreita mai ihi onofaharirani.