Timoti daidi 6:6 - Deoso-ka Yama Hani

⁶ Deoso ati ai tokadabiya, ai ya‑yaina, yama dama ai kayafa‑nima yama naboneni.

Timoti daidi 6:6 ပူးပေါင်းရင်းမြစ်များ

Roka 12:15

Mai nafi‑ya hiyare, “Dai noko wadahi. Bofe‑ka yama dai nokotoniriyahi. Mai‑ka yama dama toha, mai‑ka yama dama mai‑ya kasomi nafira, mai one ohi, mai one aba nineni.” Yeso ati nematane.

Roka 3:14

“Hini yamata‑nima oda nibati?” Sodado mai ati na, “Mai‑ka yinero honita dai haariyahi. Mai tamine keyehe‑ya dai hiririyahi. Dai‑ka yama anini manakone nafira, dai yawariyahi, dai ya‑yainibisahi.” Yowaho ati nematane.

Homa 8:28

Deoso ai‑ya kadikematane, Bidi i‑di Yeso‑nima ai nawahabonehe. Deoso‑ya ai nofa yama ai‑ya kobona, ai‑ka awi towe toha, ai‑ka awi amosa toha na, ai‑ya koboniya, Deoso ai‑ya kasome ene ai watoneni.

Korito yoto‑ke 4:17

Hibayata oda‑ya mai bisi, oda‑ya mai kako na, oda amoni damariya, oda‑ya mai bisinamarihi, oda‑ya mai kakomarihi naboneni. Yeso kamataseya, oda amosawaha, oda noko wehene wadawaha, oda noko wehene fawateraboneni. Oda bisini oda kadikamaraboneni. Hibayata oda komene bi‑bidi na toha, yama Deoso daahinabone amosi ba‑basi nabone, oda komene‑ya fiyakani nafeboneni.

Firibo 1:21

Hasi·oniya, Kirisito ati‑nima onabone, Kirisito ati ohiyaramaboneni. O·abiya, owa manakone‑ya Deoso daanebonane.

Timoti daidi 4:8

Ai kiti nafebone, ai yaka, yama ai ani ai teni. Hibayata yakani ai‑ya kasomi bide toha, makobote ai‑ya kasomi terani. Ai‑ya ai kasomi ba‑basi nabone, Deoso ati ai tokadabahi. Deoso ati ai tokadaba, hibayata ai‑ya kasoma, makobote ai‑ya kasomahari nebonane.

Timoti daidi 6:8

Hibayata ai tefe toha, ai‑ka bora toha na, ai ya‑yainahi.

Ebereo 13:5

Yinero dai nokotonira, Deoso ene yama dai kiha, dai ya‑yai nahi. “Dai‑ya osawebone, dai honita tohateraboneni.” Deoso ati nematane.