Timoti daidi 6:5 - Deoso-ka Yama Hani

⁵ Yeso ati‑ya mai nofara, “Yeso ati oda ati nofa, mai oda kanawatoya, yinero nafi oda kayafaboneni.” Mai atibodi ati na. Mai ihi Yeso ati‑ya mai one nofara, mai ibi ati tokatoweboneni.

Timoti daidi 6:5 ပူးပေါင်းရင်းမြစ်များ

Mateo 12:33

Awa ade amosa boni amosateni. Awa ade towe boni towe tohateni. Awa bono hini ade‑nima boniteni. Ai atibodi amosa, ai ene amosateni. Ai ene‑ya mai awiya, ai atibodi tamine‑ya mai wataboneni.

Mateo 21:13

Mai‑ya hiyare, “‘Oka yobe‑ya owa‑ya mai hiyaraboneni.’ Deoso‑ka yama hani ati na, dai ene yama‑ya mai bo‑boti mai‑ka yobe‑nima yobe nawawahane.” Yeso ati nemarine.

Mateo 23:13

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Neme‑ke ai nafi‑ka hidi kitabote tohawahebona‑ya dai sawirabone, mai one sawebone mai ati na mai‑ya dai ati barinineni.

Korito daidi 11:16

Haa‑nima owati na dai nofara, hiniya dai ati yawa, owa hare owati tohi awira, mai tabori dami‑ya Deoso‑ya mai kahiyarabone, mai yorotokana, mai ati toha nineni.

Tesaronika yoto‑ke 3:6

Oka soho dai toha, owati dai mitamakihi. Yeso ati‑ya mai nofa‑mone mai ati na, Yeso ati‑ya mai tokadabara, refo ihi yama‑ya mai anira, mai‑ya dai dabariyahi. Ai‑ka Ayo i‑di Yeso Kirisito ati nemarine.

Timoti daidi 1:6

Mai one hiniya hiyara mai ati honita tohani.

Timoti daidi 3:3

Kawi ihi towe toharihi, Yinero‑ya nokotonirihi, mai one‑ya nofa, mai one‑ya weerihi, tene.

Timoti daidi 3:8

Deoso ati‑ya mai ka‑kanawato mai ihi amosa‑nima Deoso‑ka mai‑ya mai kasoma mai ihi tohaharihi. Keyehe‑ya mai hiririhi, kawi‑ya mai nokotonirihi, yinero‑ya mai nokotonirihi, mai nahi.

Timoti daidi 4:7

Deoso ati‑ta tinofabisahi. Hiyara bote‑ya mai hiyariya, mai ati tinofariyahi. Tiwa‑ya tinawadahi, Deoso ati‑nima tinabonehe.

Timoti daidi 4:8

Ai kiti nafebone, ai yaka, yama ai ani ai teni. Hibayata yakani ai‑ya kasomi bide toha, makobote ai‑ya kasomi terani. Ai‑ya ai kasomi ba‑basi nabone, Deoso ati ai tokadabahi. Deoso ati ai tokadaba, hibayata ai‑ya kasoma, makobote ai‑ya kasomahari nebonane.

Timoti daidi 6:6

Deoso ati ai tokadabiya, ai ya‑yaina, yama dama ai kayafa‑nima yama naboneni.

Timoti yoto‑ke 3:5

“Deoso‑ka ama·oni.” Mai ati na, Mai ihi amosawamara. Timoti, mai‑ya tisawiriyahi.

Timoti yoto‑ke 3:8

Hibati‑ya i‑di Yani, i‑di Yabiri mai fama, i‑di Mose‑ya mai weena, fara mai‑nima mai nawawahineni. Deoso ati‑ya mai nofara, yama towe‑ta‑ya mai atibodi nofa, Deoso ati mai watorani.

Tito 1:11

Keyehe‑ya mai hirineni, yinero‑ya mai kayafawahabonehe. Mai‑ya tiwati bariniyahi. Mai ati ihi yobe dami‑ya mai wi‑wina mai atibodi mai‑ya weeneni.

Bedoro yoto‑ke 2:15

Deoso ati‑ya mai nofarihi, Deoso ati‑ya mai tokadabarihi na, Deoso hawine‑ya mai watoterani. I‑di Baraho‑nima mai nineni. I‑di Beyo bidi i‑di Baraho yinero‑ya nokotonihi, yinero ene Deoso ati‑ya tokadabarematane.

Bedoro yoto‑ke 2:3

Keyehe‑ya dai‑ya mai ka‑kanawato, hini mai ati‑ya dai‑ya mai kamineni, Deoso ati monaha. Yinero‑ya mai nokotonihe, keyehe‑ya mai hiriteni, dai‑ka yinero‑ya mai kayafabone, mai ihi‑ya Deoso watomata, mai manakone‑ya daaneya, mai ababoneni. Mai manakone daani‑ya Deoso fawaterebonane.

Yoda‑ka yama hani 1:11

I‑di Kaina ene‑mata‑nima mai ihi nihi, i‑di Baraho ene‑mata‑nima mai ihi nihi na, yinero‑ya mai nokotoniteni. I‑di Kore‑nima mai ihi na mai aba naboneni.

Yeso Kirisito ene‑bona 18:13

yamata ke‑ketehe toha, yama mahi amosa toha, esitarato toha, yama a‑amimi‑bone‑ka yama mahi amosa toha, fino toha, awa bono‑ka oyo toha, farina tiriko amosa toha, tiriko toha, bowi toha, kaneiro toha, kafaro toha, kaho toha, ai toha na, fara‑ya mai kanikami awirani.

Yeso Kirisito ene‑bona 18:3

Babironi‑ka mai ihi towe‑nima bofe‑ka mai ihi towe nawahamaroni, mai nafi. Bofe‑ka mai‑ka hidi Babironi ihi towe‑ya mai tokadabamaroni. Yama amosa dama‑ya Babironi‑ka mai kanika, tabora dami‑ka yama‑ya mai da‑daa mai‑ka yinero nafiwahemarine.” Deoso‑ka yo‑yose ati nene.