Timoti daidi 6:4 - Deoso-ka Yama Hani

⁴ towe mai amani. Hini mai‑ya mai kahiyarabone mai ati toha, mai ati ihi mai ibi wee, mai ibi yawa, mai ibi kaka, mai yorotokaterani.

Timoti daidi 6:4 ပူးပေါင်းရင်းမြစ်များ

Yeso‑ka yo‑yose mai tamine 15:2

I‑di Baoro, i‑di Banabe mai fama mai‑ya mai weena, “Yama dai watora, dai ati fawanahi. Yodeo mai toha, mai sowiri tati atori aba sibarihi, Bara mai sowiri tati atori abara sibarihi nineni.” Baoro mai ati na. “Yama dai watora, Mose ati‑ya mai tokadabara, mai sowiri tati atori‑ya mai nanahabi awiriya, Deoso mai‑ya ati somawami awirebonane.” Yodeya‑ya mai kama, mai ati na, mai ibi weenademoneni. Mai ibi weena mai ihi Baoro mai‑ya Kirisito‑ka mai yose, “Baoro, Banabe, Yerosare‑ya dai tokahi. Oda‑ka mai one dai‑ya mai dababone, Yeso‑ka yo‑yose mai toha, Kirisito‑ka bote mai toha na, mai ati dai mitahi. Fai‑ya tamine dai mita, yama ai watowahaboneni.” Kirisito‑ka mai ati namoneni.

Yeso‑ka yo‑yose mai tamine 18:15

Hiniya bara mai tamine‑ya Baoro hiyaremona dai ati na, Mose ati tamine tohe, Mose ati owatoterani. Ati dai watobise, dai tokomahi. Dai ati omitamaraboneni.

Yeso‑ka yo‑yose mai tamine 8:9

Simaho Samariya‑kaya wi‑wina, “Inawa oha, oka yama kitateni.” Ati ne. Ati‑ya mai mita, ene kite mai hiawa hine, mai awatokana,

Homa 12:16

Hini dai‑ka yama‑bone‑ya dai nokotini ohaririyahi. Dai atibodi fara hinama tohahi. Dai one‑ka yama‑bone dai nokotoniharihi. Yama‑ya mai kihara mai‑ya tisawiyahi. Tiwa‑ta tinofabisa tiriyahi.

Homa 13:13

Yama tehe‑ka ai toha, ai ene amosa, Yeso koboni hawa tohe‑nima ai ene nahi. Mai ai weerihi, ai yawarihi, kawi ihi ai towe toharihi, ai‑ka yibote mai awira mai‑ya ai dakorarihi, mai‑ka yibote mai ai aharihi, ai‑ka yibote‑ta ai famabisa, ai nahi.

Homa 14:1

Yeso ati‑ya mai nofa, Yeso ati‑ya mai wato bi‑bidi na mai dai nofa, dai‑ya mai dabiya, yama mai hiwatora tamine‑ya mai dai weeriyahi.

Homa 2:8

Mai one hini mai‑ya mai nofabisa, Deoso ati‑ya mai nofara, Satanasi ati‑ya mai nofa, hini mahi‑nima mai ihi towe toha, mai ihi Deoso yawi kiteya, mai‑ya nakomeya, Deoso yawe‑ya mai watowahaboneni.

Korito daidi 11:16

Haa‑nima owati na dai nofara, hiniya dai ati yawa, owa hare owati tohi awira, mai tabori dami‑ya Deoso‑ya mai kahiyarabone, mai yorotokana, mai ati toha nineni.

Korito daidi 11:18

Dai yorotokana, fara hinama dai tohabone Deoso ati ne. Dai‑ya dai ebenawahamone mai ati na, mai ati omitani.

Korito daidi 3:18

Deoso ati‑ya mai nofara dai tamine‑ya mai hiyariya, yama‑ya dai watamone mai ati na, mai ati dai nofariyahi. Mai ati dai nofa‑mani, hini dai‑ya dai keyehe neni. Ka‑kana dai‑mone mai ati na, fara yama dai wato ba‑basi na awineni.

Korito daidi 3:3

Deoso ati‑ya dai nofi awisara awineni. Deoso ati‑ya mai nofara, mai ihi‑nima dai ene na, dai ibi wee, dai one‑ka yama‑ya dai atibodi kayafawaha na, mai ihi‑nima dai ene namariyahi.

Korito yoto‑ke 11:20

Amosabote mai‑mone mai ati na, dai‑ya mai yose, dai‑ya mai keyehe, dai‑ka yama‑ya mai kayawa, dai‑ya mai bisi na, mai ati dai nofasa nineni.

Karatiya 5:15

Dai ibi wee, dai ibi bisi, dai ibi tokatowe na, dai abawahaba awineni. Dai noko wadahi dai nafi abarabonehe. Dai ibi nofabisiyahi.

Karatiya 5:26

Deoso‑ka Doni ai ene‑ya namose, ai‑ya ai kahiyarariyahi. Ai ibi weerihi, ai one‑ka yama‑ya ai ati koborihi ai nahi.

Karatiya 6:3

Dai‑ta dai amosabisa‑mone dai ati na, dai‑ya dai keyehe, dai amosabisarani.

Firibo 1:15

Mai one owa‑ya nofara, owa noko‑ya mai yorinabone, Kirisito ati‑ya mai kamina, “I‑di Baoro yaweba awane.” Mai ati namoneni. Mai one owa‑ya mai nofa, Kirisito ati‑ya mai kamineni, owa‑ya mai kasomabonehe.

Firibo 2:14

Dai ibi towe tonirihi, dai ibi ati wararihi, dai nahi.

Firibo 2:3

Dai ati dai kahiyarariyahi. Mai ati dai mita, “Yama‑ya mai wato ba‑basi na, ai‑ta yama ai wato bi‑bidi nibisineni.” Dai atibodi ati nahi.

Koroso 2:18

Dai‑ya mai keyeheriyahi. “Wada owa ihi yama owatowahani.” Mai ati na, mai ati dai nofariyahi. “Deoso‑ka yo‑yose mai dai kahiyara, dai abano dai nofara, dai abano dai nakomahi, Deoso dai‑ya nofi ba‑basi nebonane. Owa abano onofara‑nima dai abano dai nofara, hini owa ene Deoso wadarine oawateni.” Mai ati na, mai ati dai nofariyahi.

Tesaronika yoto‑ke 2:4

Satanasi‑ka owa koboneya, hini‑ya kahiyare, Deoso‑ka mai‑ya kakotebona, “Mai one dai kahiyarariyahi. Owa‑ta owa dai kahiyarabisahi.” Ati nebonane. Deoso‑ka yobe‑ya itariya, “Deoso yokana ama·oni.” Ati nebonane.

Timoti daidi 1:4

Hiyara bote‑ya mai hiyari nafiriyahi. Mai‑ka idi mai tamine‑mete‑ya mai kadikanadiriyahi. Haa‑nima mai niya, Deoso ati‑ya mai watoraboneni. Hiniya mai ibi weenaboneni. Yeso ati ai nofa, Yeso ati ai kadikiya, yama ai watobisaboneni.

Timoti daidi 1:7

Mose‑ka yama hani‑ya mai‑ya mai kanawatabone mai ati na, yama‑ya mai watora mai‑ya mai kanawatoneni.

Timoti daidi 3:6

Hibati‑ya Yeso ati‑ya nofe, sibabisarene. Yeso ati‑ya nofa yati tohe, dai‑ya kanawatorayaho. Yeso ati‑ya nofa yati tohe dai‑ya kanawato hini‑ya kahiyare, hini‑ya nofi nafi, Satanasi ene‑nima ene nawahebonane. Satanasi hini‑ya nofi nafi ene Deoso yawemarine. Ai‑ya ai nofi nafe, ai ene Deoso yawebonane.

Timoti yoto‑ke 2:14

Timoti, owati timitamatasahi. Tika mai‑ya tihiyarahi. Mai ati‑ya Deoso mite, mai ihi‑ya Deoso kakatomane, mai one hini mai ati‑ya mai hiyara, mai ibi weena, mai ati ihi mai one atibodi koma kita, mai teni. Mai‑ya tiwati barinahi.

Timoti yoto‑ke 2:23

Hiniya mai hiyara, mai ibi weenaboneni. Yama‑ya mai watora, mai ati tinofariyahi. Mai ati‑ya tisawiriyahi.

Timoti yoto‑ke 3:4

Bara mai‑ya mai‑ka owa‑ya mai daanaboneni. Hini mai‑ya mai nofabone mai one‑ya mai nofara, yama mai ati kobohina‑ya mai kayafateni. Deoso‑ya mai ati nofarini.

Tito 3:9

Yama one tamine‑ya mai hiyara, mai ibi weena, mai‑ya tisawiriyahi. Yama ai watora tamine‑ya ai ibi weerihi, Mose‑ka yama hani tamine‑ya ai ibi weerihi, ai nahi. Yama one tamine‑ya ai ibi weeniya, ai ati‑ya mai one mita, Deoso ati‑ya mai nofaraba awineni.

Tiyako 1:19

Oka dai toha, dai onofa, owati dai mitahi. Dai narabo hawihi. Dai ati yana kanibote rihi, dai yawa kanibote rihi nahi.

Bedoro yoto‑ke 2:12

Ai one mai ihi amosara, bani yama‑ya mai watora mai‑nima mai nineni. Bani mai ai sibateni, bani mai ai nanahababonehe. Fara bani mai‑nima mai na, Deoso mai‑ya wateya, mai‑ya nanahabebonane.

Bedoro yoto‑ke 2:18

“Oda‑nima dai nahi! Mai fanawi oda nokotonihe, Deoso oda‑ya kayafebonane.” Mai ati nineni, keyehe‑ya mai hirinaro. Deoso ati‑ya mai tokadabawahabone mai ati na, mai one‑ka keyehe‑ya mai tokadabamatasa, Deoso ati‑ya mai nofamara, mai fanawi‑ya mai nokotonimatasineni.

Yoda‑ka yama hani 1:10

Deoso ati‑ya mai nofara, yama‑ya mai watorihi mai na, Deoso‑ka yo‑yose mai tamine‑ya mai hahakanineni. Bani mai‑nima mai na, yama‑ya mai watora, hini mai ihi Deoso mai‑ya nanahabebonane.

Yoda‑ka yama hani 1:16

Mai one tamine‑ya mai hiyariya, mai‑ya mai ati towe tonihi teni. Hini mai tamine‑ya mai hiyara, mai tamine‑ya mai kahiyarani, mai one mai‑ya kahiyaramakibonehe.

Yeso Kirisito ene‑bona 3:17

‘Yinero nafi okihe, owa yehe honene dama, oka yama nafi hawa tohineni.’ Dai ati neni. Yama dai wato awirini. Towebisa dai amani. Dai amosi awira, yama nafi dai kihara, mai noki wadara‑nima dai na, dai bodi toha‑nima dai nineni.