Timoti daidi 6:20 - Deoso-ka Yama Hani

²⁰ Timoti, Yeso ati nafi tinofa, Yeso ati‑nima tiyahi. Mai ati one tinofariyahi. Yama‑ya mai watora, mai ati tinofariyahi. Yama‑ya mai watamone mai ati na, yama‑ya mai watorani.

Timoti daidi 6:20 ပူးပေါင်းရင်းမြစ်များ

Yeso‑ka yo‑yose mai tamine 16:1

Derebi‑ya Baoro mai towaka, Risita‑ya mai towakawaha, Risita‑ya Timoti wine. Timoti madi Yeso ati‑ya no‑nofa, Yodeo toha, badi‑ta Kereko toha nemonane.

Yeso‑ka yo‑yose mai tamine 17:18

Ebekoriyo mai toha, Esitoiko mai toha na, Baoro‑ya mai hiyara, Deoso tamine‑ya mai ibi hiyara, “Baoro yama‑ya watore, hini yamata‑nima ati nati?” Mai one ati na. “Mai one‑ka deoso tamine‑ya hiyare awane.” Mai one ati na. Yeso abe, kitame ene ai kitamaharebone tamine‑ya Baoro hiyarane. Ai kitamabone tamine‑ya mai mita, yama‑ya mai watorani.

Yeso‑ka yo‑yose mai tamine 17:21

Atena‑ka mai toha, Atena‑ya mai one wi‑wina yama anini‑ya mai nofara, “Hiniya mai ati ai mitiya, yama ai watowahaboneni.” Mai ati na. Yama bara tamine‑ya mai hiyaranaditeni.

Homa 1:22

Yama nafi‑ya mai watamone mai ati na, mai atibodi honita toha, hiniya mai ka‑kana nawawahani.

Homa 3:2

Yodeo ai toha yama dama‑ya ai kayafa, Deoso ai‑ya kasomi nafitene. Hibati‑ya ai‑ka idi mai‑ya Deoso hini ati‑ya hiyarematane. Deoso ati yokana mai hikanahano, ati‑ya ai‑ka idi mai kayafameteni.

Korito daidi 2:6

Deoso ati‑ya mai no‑nofa ai hawa toha‑nima mai na, oda ati‑ya mai mita, yama‑ya mai wato ba‑basi naboneni. Yama nafi‑ya mai watamone mai ati na, mai ati‑nima oda ati ni awirini. Yama nafi‑ya mai watamone mai ati na, mai ati fawanaboneni. Deoso ati oda kamine, ati fawaterebonane.

Korito daidi 3:19

Deoso ati‑ya mai nofara, “Yama nafi‑ya oda watoneni.” Mai ati na, yama‑ya mai watora, ka‑kana mai amani. “Hini mai ati mai‑ya kobotonamatasaboneni.” Deoso‑ka yama hani ati nineni.

Koroso 2:18

Dai‑ya mai keyeheriyahi. “Wada owa ihi yama owatowahani.” Mai ati na, mai ati dai nofariyahi. “Deoso‑ka yo‑yose mai dai kahiyara, dai abano dai nofara, dai abano dai nakomahi, Deoso dai‑ya nofi ba‑basi nebonane. Owa abano onofara‑nima dai abano dai nofara, hini owa ene Deoso wadarine oawateni.” Mai ati na, mai ati dai nofariyahi.

Koroso 2:8

Dai noko wadahi, dai‑ya keyehe‑ya mai hirikarabonehe. Keyehe‑ya mai hi‑hiri mai ati dai nofa‑mani, dai yaditona‑nima dai na neni. Keyehe‑ya mai hirina, Deoso ati‑mona mai ati na, hini mai ati toha awineni, madi mai ati toha awineni. Yeso Kirisito ene tohi awire, hini mai ihi keyehe‑ya mai hirinineni.

Tesaronika yoto‑ke 1:4

Mai tabori one‑ya oda toka, Deoso‑ka mai toha mai‑ya oda yorotokana, dai tamine oda hiyarineni. “Tesaronika‑ya mai wi‑wina mai mai bisihina, mai mai hinakoma, mai ati sibawarini. Yeso ati‑ya mai nofi nafiwahineni.” Oda ati teni.

Tesaronika yoto‑ke 2:15

Oka soho dai toha, dai‑ya oda hiyara, dai oda kanawato, dai‑ka yama hani‑bone oda kanahano na, ati dai fawaniriyahi.

Timoti daidi 1:11

Hibati‑ya Deoso owa‑ya yosemarine, Ati Amosabote ohiyarebonaha. Deoso Ati Amosabote‑ya mai tokadabara, Mose‑ka yama hani ati‑nima Deoso mai‑ya bisinebonane.

Timoti daidi 1:2

Timoti, tika yama hani‑bone okanahanoneni. Yeso tamine hibati‑ya ohiyare, tamine tinofa, tiwa oka dao onamaroni. Ai‑ka Abi, i‑di Deoso, ai‑ka Ayo i‑di Yeso Kirisito ne, tiwa‑ya mai kasoma, tiwatibodi ati tiwa‑ya somateni.

Timoti daidi 1:4

Hiyara bote‑ya mai hiyari nafiriyahi. Mai‑ka idi mai tamine‑mete‑ya mai kadikanadiriyahi. Haa‑nima mai niya, Deoso ati‑ya mai watoraboneni. Hiniya mai ibi weenaboneni. Yeso ati ai nofa, Yeso ati ai kadikiya, yama ai watobisaboneni.

Timoti daidi 1:6

Mai one hiniya hiyara mai ati honita tohani.

Timoti daidi 1:9

Yeso ati‑ya ai no‑nofa ai ene amosa, Mose‑ka yama hani ihi ai‑ya mai bisiterani. Mai ihi amosara, Mose‑ka yama hani ati ihi mai‑ya mai bisinaboneni. Deoso ati‑ya mai nofara, mai ihi amosaterani. Deoso ati‑ya owati nofara mai ati na, Deoso tamine‑ya keyehe‑ya mai hirina, mai‑ka abi, mai‑ka ami, mai na, mai‑ya mai bi‑bisi, mai one‑ya mai wakateni.

Timoti daidi 4:7

Deoso ati‑ta tinofabisahi. Hiyara bote‑ya mai hiyariya, mai ati tinofariyahi. Tiwa‑ya tinawadahi, Deoso ati‑nima tinabonehe.

Timoti daidi 6:11

Timoti, Deoso‑ka amatini, mai‑nima tiriyahi. Deoso ati‑nima tina, tiwa ene amosiyahi, mai‑ya tinofiyahi. Deoso hawine‑ya yakatina, tiwa yakani amosiyahi. Mai‑ya tiwati yawariyahi. Deoso ati tinofiyahi.

Timoti daidi 6:14

Yeso ati‑nima tiyahi. Yeso ati‑nima tiniya, Yeso‑ka mai‑ya mai hahakani awiraboneni. Makobote Yeso kamatasebonane.

Timoti yoto‑ke 2:1

Timoti, oka dao amatini. Tiwa eme kitahi. Deoso ene Yeso Kirisito ai‑ya kasome, ai eme kitateni.

Timoti yoto‑ke 2:16

Deoso ati‑nima mai ati ni awira, mai ati honita toha, mai‑nima tiriyahi. Hini mai ati ihi mai ihi towe tohaboneni.

Tito 1:14

Yodeo bote mai ati‑ya mai nofamariyahi. Deoso ati‑ya mai nofara mai ati mai nofariyahi.

Tito 1:4

Tito, tika yama hani‑bone okanahana, tikadikiyahi. Oka dao owa amatini. Deoso ati ohiyara, owati‑ya timita, Deoso ati tinofawahamaro, tiwa oka dao onamaroni. Ai‑ka abi i‑di Deoso, ai‑ka ayo i‑di Yeso Kirisito mai na, tiwa‑ya mai kasoma, tiwatibodi tiwa‑ya weerabone, Yeso Kirisito tiwa manakone‑ya nanahabemari, tiwa‑ya kasomebonane.

Tito 1:9

Deoso ati yokana‑ya mitemari, fare mai‑ya kanawatomakibonane. Ati bare‑ya mai one kamina mai‑ya ati barinebonane.

Tito 3:9

Yama one tamine‑ya mai hiyara, mai ibi weena, mai‑ya tisawiriyahi. Yama ai watora tamine‑ya ai ibi weerihi, Mose‑ka yama hani tamine‑ya ai ibi weerihi, ai nahi. Yama one tamine‑ya ai ibi weeniya, ai ati‑ya mai one mita, Deoso ati‑ya mai nofaraba awineni.

Yeso Kirisito ene‑bona 3:3

Hibati‑ya Deoso ati dai mitamaro, ati dai nofemari, ati dai tokadabamatasaho, Deoso‑ka hawi‑ya dai nokotonimatasahi. Dai dodafi awiriya, Deoso‑ka hawi‑ya dai nokotoni awiriya, yama‑ya mai bo‑boti mai kaki‑nima owa koboni naboneni. Oka mahi dai wato awiraboneni. Hiniya kobo·onaboneni.