Timoti daidi 6:19 - Deoso-ka Yama Hani

¹⁹ Haa‑nima mai niya, Deoso ya‑yainebonane. Deoso tabaro‑ya mai‑ka yama manakone wadaboneni. Bofe‑ya mai wi‑wina mai ya‑yainaboneni.

Timoti daidi 6:19 ပူးပေါင်းရင်းမြစ်များ

Mateo 19:21

“Tiwa ene amosa hinama tohabone tina, tiwa yehe honene nafi daatinahi, manakone waratiniya, mai yahi hone wadara mai‑ya daatinahi. Deoso tabaro‑ya tika yama dama tohaboneni. Eya tiwa ene niya, makobote owa‑ya tisawiyahi.” Yeso ati nemarine.

Roka 12:33

Dai yehe honene dai daanahi. Yinero dai waratokaniya, mai‑ka yama wadara mai‑ya yinero dai daanahi. Haa‑nima dai niya, neme‑ya dai manakone wadaboneni. Neme‑ya dai‑ka yama manakone tosiyoteraboneni. Neme‑ya yama‑ya mai botirihi, yama aboni yama‑ya mai kabarihi, teni.

Roka 16:25

‘Ewe, i‑di Rasaro tokaterebonane. Tiwati kadamowamariyahi. Hibati‑ya ti·abi awisa tiriya, tika yama amosa damamaroni. Hibayata tiwa komene kitawahineni. I‑di Rasaro abi awisareya, hika yama wadara, hiniya komene‑ya awemari, hibayata owa‑ya sawi, hika yama amosawahineni.

Roka 16:9

Owati dai mitahi. Yinero dai kiha mai one‑ya dai kasomiyahi. Mai‑ya dai kasomiya, dai abiya, Deoso tabaro‑ya dai‑ya mai towakamaboneni.

Roka 18:2

“Mai tabori‑ya kofeno‑ka yo‑yose wine, mai ihi‑ya ka‑kadika amane. Deoso‑ya nayofini awire, ai one‑ya nayofinahariterene.

Roka 18:22

Ati‑ya Yeso mite, ati yanane, “Tika yama ohare hasinineni. Tiwa yehe honene nafi daatinahi, manakone waratiniya, mai yahi hone wadara mai‑ya daatinahi. Deoso tabaro‑ya tika yama dama tohaboneni. Eya tiwa ene niya, makobote owa‑ya tisawiyahi.” Yeso ati nematane.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Efesiyo 3:17

Abi Deoso, Yeso ati‑ya mai no‑nofa mai atibodi‑ya Kirisito sawiwahane. Mai tinofi nafe, mai tikanawatoyahi. Mai tinofi fawatiterabone, tiwa tamine‑ya mai atibodi kadikiyahi, mai habi kitabonehe.

Firibo 3:12

Yama nafi owato awisa ora, owa ene amosa hinama tohi awisara, Yeso‑ka oha, Yeso Kirisito‑nima onabone, fare‑ya owatibodi nokotonineni.

Firibo 3:14

Owa koboni amosabone, oka hawi bono tati‑ya owakatomateni. Oka hawi bono tati‑ya kobo·oniya, Yeso Kirisito ene owa manakone‑ba Deoso daanebona, neme‑ya owa‑ya towakamebonane.

Timoti daidi 6:12

Deoso ati fawatiniriyahi. Deoso tiwa‑ya haanemari, tabaro‑ya tiwinabone, Deoso ati‑ya tinofamone, mai dami tiwati‑ya mai mita, mai ihi tiwa habo siitoriyahi. Satanasi tiwa‑ya kako, ati‑nima tiriyahi.

Timoti yoto‑ke 1:1

Baoro ama·oni. Deoso ene Yeso Kirisito‑ka yo‑yose ama·oni. Hibati‑ya Yeso abe, ai manakone‑ya nanahabe, Yeso ati‑ya mai nofiya, mai abiya, Deoso tabaro‑ya mai winabisabone Deoso ati nane.

Timoti yoto‑ke 2:19

I‑di Deoso ati abaterene. Deoso mai‑ya kadikemari, Deoso mai oni‑ya watone. Deoso‑ka ama·oni, ai ati niya, Deoso ati‑nima ai nahi. Ai ene amosahi.

Bedoro daidi 1:4

Neme‑ya ai‑ka yama daahinabone, hinawada, abaterihi, bote tohaterihi, bataterihi na‑ya, Deoso tabaro‑ya ai koboniya, ai kayafaboneni.