Timoti daidi 6:18 - Deoso-ka Yama Hani

¹⁸ “Dai ene amosa damahi. Mai‑ka yamata wadara, mai‑ka yamata dai daa, mai‑ka bora wadara bora dai daa dai nahi.” Tinahi.

Timoti daidi 6:18 ပူးပေါင်းရင်းမြစ်များ

Mateo 5:42

‘Oka yama‑ba daatiniya, yama one‑ya tika yama‑ba daa·onamatasaboneni.’ Ati neya, hika yama‑ba dai daanahi. ‘Oka yama honita‑ba daatinahi.’ Ati neya, hika yama‑ba dai daanaharihi.” Yeso ati nemarine.

Roka 12:21

Yama dama‑ya mai nokotonihe, Deoso‑ya mai nokotonira, mai abiya, mai‑ka yama mai‑ya kasomateraboneni.” Yeso ati nematane.

Roka 3:11

“Tika bora fama toha, ai owa bora‑ya kihare, hika bora ohare‑bone daatiyahi. Tiwa tefe toha, kote daatiyahi, mai tafe wadara mai‑ya.” Yowaho ati nematane.

Yeso‑ka yo‑yose mai tamine 10:38

Yeso Nasare‑ke tamine dai mite awane. Deoso ene Deoso‑ka Doni Yeso‑ya sawi, mai tabori dami‑ya toke, ene amose, kite, madi mai‑ya mai foya, Yeso ene madi mai kanana, mai kiyanamaro, mai kitamawahani.

Yeso‑ka yo‑yose mai tamine 11:29

Yeso ati‑ya mai no‑nofa mai ibi hiyara, “Yodeya‑ya mai wi‑wina mai tafe wadara. Mai‑ka yinero‑ba ai daanahi. Mai tafe‑ba‑ya mai kanikibakaro.” Mai ati namoneni.

Yeso‑ka yo‑yose mai tamine 9:36

Yabe‑ya Tabita wina, oni one i‑di Doka toha, Yeso ati‑ya nofa, yama‑ya mai kihara, mai dami‑ya kasomateni.

Homa 12:13

Yeso ati‑ya mai no‑nofa yama‑ya mai one kihara, mai dai kasoma, mai‑ka yama‑ba dai daanahi. Mai a‑amo‑ke mai‑ka yobe awire, tika yobe‑ya mai amonahi.

Homa 12:8

Dai one atibodi‑ya Deoso yofikane mai atibodi komi‑ya dai kasomabone, mai dai kasoma, mai atibodi kome fawanabonehe. Yama‑ya da‑daa dai one atibodi‑ya Deoso yofikane, fare dai‑ya yofikane‑nima yama dai daaniya, dai ya‑yainahi. Hidi dai tohabone, dai atibodi‑ya Deoso yofikane, dai noko wadahi, dai ene amosabonehe. Ai one mai‑ka yama wadara mai‑ya dai kasomahi. Dai one atibodi‑ya Deoso yofikane, fare dai‑ya yofikane‑nima mai‑ya dai kasomahi.

Korito daidi 16:2

Domiko‑ya dai yorotokana, dai‑ka yinero kote dai nawitahi, Yodeya‑ya mai wi‑wina mai‑ka yinero‑bonaha. Dai‑ka yinero dame, yinero ba‑basi ne dai daa, dai‑ka yinero damare, yinero bidi dai daa nahi. Yinero dai nawiti hawa tohiya, kobo·oniya, yinero‑ya dai sibani awirabone, yinero hawa tohebonane.

Korito yoto‑ke 8:12

Ai nafi‑ya Deoso wato, yama ai kiha‑ya wato, ai owa yama dama‑ya kihe‑ya wato, ai owa yama damara‑ya kihe‑ya wato nane. Yama daani‑ya ai atibodi nofa, yama bide‑ta ai kiha, kote ai daana, ai atibodi‑ya awe, ya‑yaitene. Yama dama ai kiha, kote ai atibodi daani nofara, mai one ati ihi yama ai daanibisa, ai atibodi‑ya awe, ya‑yaiterene. Yama ai daana‑ya Deoso nokotoni awire, ai atibodi‑ya nokotonibisa tene.

Korito yoto‑ke 8:9

Ai‑ka Hidi i‑di Yeso Kirisito ene dai watoneni. Hibati‑ya neme‑ya wine, yama nafi‑ya kihe, makobote bofe‑ya kaki, bofe‑ya hika yama wadara, abe, ai manakone‑ya nanahabe, hibayata yama nafi‑ya mai kiha, mai‑nima ai nawaha, Deoso‑ka yama ai kayafawahabone, tosiyoteraboneni.

Karatiya 6:10

Yama‑ya mai kihara mai dai kasomahi. Dai‑ka yama dama, dai one‑ka yama‑ba dai daanahi. Yeso ati‑ya mai nofara mai dai kasomi bi‑bidi, Yeso ati‑ya mai no‑nofa mai dai kasomi ba‑basi nahi.

Efesiyo 4:28

Yama‑ya dai one botemete, yama‑ya mai botimariyahi. Hiniya yama‑ya mai aninawaha, mai one yama‑ya kihara‑ya mai kasomabisaboneni.

Timoti daidi 5:10

Fana madehe‑ya na‑nayana, mai one kake mai‑ya natafa, mai wini‑bone‑ka mai‑ka yobe‑bona‑ya yofikana, mai kiyana mai‑ya kasoma namaroni. Timoti, haa‑nima mai na, mai‑ya tikasomanadiyahi.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Tito 3:8

Owati timitahi. Hini owati‑nima mai‑ya tihiyaramakitasahi. Deoso ati ai nofa, ai ene amosahi. Mai ai kasoma. Ai ene amosiya, mai ai kanawatoya, Deoso ati‑ya mai nofaba awineni.

Ebereo 13:16

Mai dai kasoma, mai kasomi dai fawariyahi. Dai‑ka yama mai‑ya dai ebekana, yama‑ya Deoso‑ya dai daana‑nima dai na, dai ene Deoso ya‑yainebonane.

Tiyako 2:5

Oka soho dai toha, owati dai mitahi. Yama dama‑ya mai kihara Deoso mai‑ya kadikemata, Deoso ati‑ya mai nofi ba‑basi na, mai tabori‑bone‑ya wamane, “Owati‑ya dai no‑nofa owa tabaro‑ya dai winaboneni.” Deoso ati nematane.

Bedoro daidi 3:11

Dai ya‑yainabone dai ati na, dai ene‑maro‑nima dai ene namara, dai ene amosawaha, mai ibi weena, dai ati ene mai ibi ati somawamahi.

Yowaho daidi 3:17

Tika yamata dama toha, ai one‑ka yamata awira, hika yamata‑ba daatiyahi. Yamata daatira‑mani, tiwa‑ya Deoso nofe‑ya mai awaraboneni.

Yowaho faina 1:11

Mai ihi amosara, mai‑nima tiriyahi. Mai ihi amosa, mai ihi‑nima tiwa ene nibisahi. Mai ihi amosa, Deoso‑ka mai tohateni. Mai ihi amosara, Deoso‑ya mai watoterani.