Timoti daidi 6:13 - Deoso-ka Yama Hani

¹³ Deoso ai‑ya wamanemata owati‑ya mitane. Yeso Kirisito i‑di Bonisiyo Birato‑ya hiyare, habo siitoremari, Yeso Kirisito owati‑ya mitane. Owati timitaharihi. Deoso ati tikadaba, tiwa‑ya mai ati bisina, tiwa habo siitoriyahi.

Timoti daidi 6:13 ပူးပေါင်းရင်းမြစ်များ

Mateo 27:11

Birato noko‑ya Yeso wai, Yeso‑ya Birato hiyare, “Yodeo mai‑ka hidi webote amatiraniha?” Ati ne, “Tiwati‑nima, fara ama·oni.” Yeso ati nematane.

Mateo 27:2

Yeso mano‑ya mai sokikasa, Birato‑ya mai hiwakame, mai daahinematane. Birato kofenado amane.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yowaho 19:11

“Deoso ati ene tohare‑mana, tiwati kitara neni. Tiwa ene towe bi‑bidi neni. Tiwa‑ya owa‑ya mai daana mai ihi towe nafibisineni.” Yeso ati nemarine.

Yowaho 5:21

Mai aba mai‑ya Okobi nakitame‑nima onabone, mai‑ya owati nakitama mai onakitamabone, owa ene mai abaraboneni.

Yowaho 5:26

Deoso kite, hini ene mai one kitamabone, mai one abarabone, Deoso hini ene Deoso kiti‑nima Deoso Bidi nane.

Yeso‑ka yo‑yose mai tamine 17:25

Ai‑ka yama‑ya kayafaterene. Yama nafi Deoso‑ka toha, Deoso ai‑ya wamane ene ai nafi hasi, Deoso ene yama nafi tohani.

Korito yoto‑ke 9:13

Yama dai daana, dai ene mai ya‑yaina, Deoso‑ya mai kahiyarabone, “Abi Deoso, amosabote amatini. Korito‑ya mai wi‑wina yama dama‑ya mai kihara, mai ihi amosa, oda‑ka yamata‑bone‑ya mai daana, tika dao i‑di Yeso Kirisito ene‑nima mai ihi na, oda‑ya mai kasoma, mai‑ka yamata‑ya mai daanineni.” Mai ati naboneni.

Karatiya 3:26

Yeso ati dai no‑nofa Deoso bidi dai tohawahani, dai nafi.

Timoti daidi 1:12

Yeso Kirisito ati ene Deoso tamine‑ya ohiyarineni. Ai‑ka ayo Yeso kitabote tohe, owa‑ya nakitame, owa‑ya kadike, “Deoso Ati Amosabote tihiyariyahi.” Ati ne. Ati ene ya‑yai·onamaroni.

Timoti daidi 1:15

“Yeso Kirisito kame, ai manakone‑ya nanahabemarine.” Mai ati na. Keyehe‑ya mai hirini awirani. Towe ama·oni. Owa ene amosara, owa manakone nafibisamaro, ama·oni. Owa manakone‑ya Yeso nanahabemarine.

Timoti daidi 2:5

Deoso ohari‑ta tohe, Deoso‑ya ai tamine‑ya hi‑hiyara ohari toha nane. Fare ai owa i‑di Yeso Kirisito tohane.

Timoti daidi 5:21

Owati timitamatasahi. Deoso, Yeso, Deoso‑ka yo‑yose mai toha na, mai ati‑nima owati nineni. Ai owa ene amosare, weetiyaho. Ene amoseya, weetirayaho. Mai ihi amosa, mai ai weeterani. Mai ihi amosariya, mai weetiyahi. Tika no‑nofa ene amosareya, weetiyaho. Ai‑ka no‑nofa‑mare ene amosare, ai weenahariteni.

Timoti daidi 6:12

Deoso ati fawatiniriyahi. Deoso tiwa‑ya haanemari, tabaro‑ya tiwinabone, Deoso ati‑ya tinofamone, mai dami tiwati‑ya mai mita, mai ihi tiwa habo siitoriyahi. Satanasi tiwa‑ya kako, ati‑nima tiriyahi.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.

Yeso Kirisito ene‑bona 21:6

Oka yama a‑ani hawa tohineni. Aofa ama·oni. Omeka ama·oni. Yama yanakani‑ke ama·oni. Faina ama·oni. Mai baki hoka mai‑ya oka faha daa·onabone, manakone haa·orabone, mai hifi‑ya mai abaraboneni.

Yeso Kirisito ene‑bona 22:1

Makobote sidadi‑ka hawi bai‑ya faha kayana‑ya Deoso‑ka yo‑yose owa‑ya yofikanene. Ai abarabone‑ka faha amani. Fara Deoso‑ka kadera toha, Kaneiro Bidi‑ka kadera toha na‑ya faha yanana, noki amosi nafe, kahafa amosabote‑nima na, ai noko‑ya barikani awirani.

Yeso Kirisito ene‑bona 3:14

“Yama hani tikanahanohi. Deoso‑ya mai hi‑hiyara‑ke yobe Raodiseya‑ya wai, yobe hidi‑ya daatinahi. Deoso ati‑nima owati na, keyehe‑ya hiri·otera, Deoso fara oda ati kafamineni. Deoso ati ene yama nafi‑ya wama·onamaro, fara owati amani.