Timoti daidi 6:11 - Deoso-ka Yama Hani

¹¹ Timoti, Deoso‑ka amatini, mai‑nima tiriyahi. Deoso ati‑nima tina, tiwa ene amosiyahi, mai‑ya tinofiyahi. Deoso hawine‑ya yakatina, tiwa yakani amosiyahi. Mai‑ya tiwati yawariyahi. Deoso ati tinofiyahi.

Timoti daidi 6:11 ပူးပေါင်းရင်းမြစ်များ

Homa 14:19

Ai ene mai ibi nofi nafe, mai ibi kasomiyahi.

Korito daidi 10:14

Dai onofa, owati dai mitahi. Mai‑ka deoso bare dai kahiyarariyahi.

Korito daidi 14:1

Mai dai nofahi. Deoso‑ka Doni‑ka da‑daa dai kayafabone, yama amosa mai‑ya kasomabone dai haa, Deoso ati dai kaminabone dai haa nahi.

Korito daidi 6:18

Fana one‑ya tiwati aha, kanatibisahi, tiaharabonehe. Ai ene amosara ai‑ya nakoma, fana one ai aha, ai kobobona mai tohawaha, mai ihi towe ai kayafateni.

Timoti daidi 1:14

Yeso ene sibare, hibati‑ya mai bisi·ona, Yeso onofara, Yeso owa‑ya nofe, ati ene Deoso ati‑ya onofawaha, hika mai onofawahineni.

Timoti daidi 4:12

Timoti, Yeso ati‑nima tiyahi. Yeso ati‑nima tiwati nahi. Yeso mai‑ya nofemari‑nima mai‑ya tinofa, tiwa‑ya mai kaka, tiwati yawariyahi. Deoso‑ta owa‑ya nofe, yama sibarabone tiwatibodi ati nahi. Mai fanawi nokotinirihi tinahi. Tiwa ene‑ya mai awaboneni. Yetene tiha, tiwa‑ya mai weeraboneni. Tiwa ene‑nima mai ihi nawahaba awineni.

Timoti daidi 5:10

Fana madehe‑ya na‑nayana, mai one kake mai‑ya natafa, mai wini‑bone‑ka mai‑ka yobe‑bona‑ya yofikana, mai kiyana mai‑ya kasoma namaroni. Timoti, haa‑nima mai na, mai‑ya tikasomanadiyahi.

Timoti daidi 6:20

Timoti, Yeso ati nafi tinofa, Yeso ati‑nima tiyahi. Mai ati one tinofariyahi. Yama‑ya mai watora, mai ati tinofariyahi. Yama‑ya mai watamone mai ati na, yama‑ya mai watorani.

Timoti yoto‑ke 2:21

Dai ene towe tohara, Deoso ati‑mona mai ati na, ati bare‑ya mai hiyara, mai ati dai nofara, mai‑ya dai dabarihi. Oro wamani‑nima dai nawahabone, Kirisito‑ka yama anini‑ya dai aninabone, dai hawa tohaboneni.

Timoti yoto‑ke 2:22

Yetene mai ihi towe‑nima tinirihi, kawi nokotinirihi, mai fanawi nokotinirihi, Yeso‑ta nokotinibisahi. Yeso‑ya mai nofa mai tisawihi. Tiwa ene amosahi, Yeso mai‑ya nofa‑nima mai‑ya tinofahi, mai‑ya tiwatibodi ati somahi, tiwatibodi tiwa‑ya weenamakiraboneni.

Timoti yoto‑ke 3:10

Owa‑ta owa ene tiawamaroni. Owati timitamaroni. Mai ihi‑nima owa ene terani. Mai wee·ora mai onofateni. Deoso ati onofa, owa tiwatoneni.

Timoti yoto‑ke 3:17

Deoso‑ka yama hani ai watoya, ai ene amosaboneni. Deoso ati‑nima ai nawahaboneni.

Ebereo 12:14

Mai ibi weena, mai dai kasomahi, mai ibi weerabonehe. Yama amosa dai ene‑bone dai nokotonihi. Ai ene amosara, Deoso‑ya ai awateraboneni.

Bedoro daidi 3:11

Dai ya‑yainabone dai ati na, dai ene‑maro‑nima dai ene namara, dai ene amosawaha, mai ibi weena, dai ati ene mai ibi ati somawamahi.