Timoti daidi 6:1 - Deoso-ka Yama Hani

¹ Dai‑ya mai kanikamaro, dai‑ka hidi dai nofiyahi. Dai‑ka hidi ati dai tokadaba ene Deoso‑ya mai kakorabone, Deoso‑ka yama hani tamine‑ya mai kakoraboneni.

Timoti daidi 6:1 ပူးပေါင်းရင်းမြစ်များ

Mateo 11:30

Owa‑nima dai niya, dai‑ka yama anini kitara‑nima dai naboneni. Yama kanara dai weyena‑nima dai naboneni.” Yeso ati nemarine.

Mateo 11:9

Deoso ati‑ya mi‑mita‑ya dai awabone, dai ati na, fare Yowaho Deoso ati‑ya mi‑mita amane. Yowaho‑ya Deoso yosemarine.

Roka 17:1

Yeso hika mai da‑daba mai‑ya hiyare, “Mai one ati ihi owati‑ya mai one tokadabaraboneni. Ka! Hini mai ihi tohiya, mai manakone wadaboneni.

Yeso‑ka yo‑yose mai tamine 10:22

“Sodado mai‑ka hidi i‑di Koneriyo oda‑ya yosene. I‑di Koneriyo amosabote amane. Deoso ati‑ya nofe, Yodeo mai nafi hinofatene. Mahi owa‑ya Deoso‑ka yo‑yose‑ya awe, tiwa‑ya haanebona, tiwati‑ya mitebona Deoso‑ka yo‑yose ati nemonane.” Mai ati na.

Yeso‑ka yo‑yose mai tamine 10:7

Deoso‑ka yo‑yose tokomeya, Koneriyo hika yo‑yose mai fama mai‑ya haa, sodado ohari‑ya haa ne, mai kakiya, mai‑ya yosebonane. Deoso ati‑ya sodado nofe, Koneriyo‑ka yama‑ya anitene.

Yeso‑ka yo‑yose mai tamine 15:10

I‑di Mose ati‑ya ai‑ka idi mai tokadabara, ati ai tokadabaharire. Hini yamata ihi Bara mai‑ya dai ati bari, Mose ati‑ya mai tokadabara, Deoso‑ka mai toharabone dai ati na, Deoso yawebonane.

Homa 2:24

“Owati‑ya dai tokadabara, dai ene owati‑ya mai one nofaraboneni.” Deoso‑ka yama hani ati na. Deoso‑ka yama hani ati‑nima yama nawaha, dai ene‑ya Bara mai awa, Deoso‑ya mai kakowaha, “Deoso towe amane.” Mai ati nawahani.

Korito daidi 10:32

Yodeo mai toha, Kereko mai toha, Deoso‑ka mai toha na, dai ene‑ya mai awiya, Yeso hawine‑ya mai taratokariyahi.

Karatiya 5:1

Yeso Kirisito dai manakone‑ya nanahabemari, ati dai nofe, Deoso‑ka dai toha, dai noko wadahi. Dai‑ya mai yaditonamatasariyahi.

Timoti daidi 5:14

Owati timitamatasahi. Mai fanawi fanamaro, mai‑ka yibote mai abamaro, mai bote tohi awira, mai fanamiya, mai‑ka madehe‑ya mai nayaniya, mai‑ka madehe‑ya mai kanawatoyahi. Haa‑nima mai niya, mai ihi amosaboneni. Yeso ati‑ya mai nofara ai‑ya mai weeni awiraboneni.

Tito 2:5

Yama towe‑ya tiwatibodi kadikariya, tiwa ene amosa, tiwa tabaro‑ka tika yama anitibisa, tika yibote, tika madehe na, mai‑ka yama‑ba hawatinihi. Tika yibote weetirihi. Tiwati amosa, tika yibote ati tinofa tiyahi. Owati nafi‑nima tiniya, Deoso ati mai one nofaba awineni. Deoso ati‑ya mai nofa mai ihi amosini.” Mai fanawi bote ati naboneni.

Bedoro daidi 2:12

Bara mai‑ya dai sawiya, dai ene amosahi. Dai ene towe‑mone mai ati na, dai ene‑ya mai awiya, dai ene amosa‑ya mai atibodi watowaha, Yeso kamataseya, dai ene Deoso‑ya mai kahiyaraboneni.

Bedoro daidi 3:16

Dai ati yananiya, dai ati yawara, dai ati somabisahi, dai atibodi dai‑ya weerabonehe. “Yeso Kirisito‑ka mai‑mone mai ati kasiroteni.” Mai ati na, Dai ene‑ya mai awiya, mai ati fawanabone, hini mai atibodi mai‑ya weenaboneni.