Timoti daidi 5:8 - Deoso-ka Yama Hani

⁸ Badi, madi, hika mai one na‑ya kasomare, towe amane. Mai‑ya nofarihi, mai‑ya natafarihi ne, Deoso ati‑ya nofaterene. Bara mai‑ta Deoso tamine‑ya mai watora, hini mai‑ka mai one‑ya mai natafateni. Deoso ati ai no‑nofa ai ene amosabisiyahi.

Timoti daidi 5:8 ပူးပေါင်းရင်းမြစ်များ

Mateo 18:17

Dai ati‑ya nofare, Deoso‑ka dai toha dai yorotokaniya, mai‑ya dai hiyarahi. Makobote, dai dama dai ati yananahi. Dai nafi ati‑ya nofareya, dai owa tohamare‑nima nebonane.

Mateo 7:11

Dai ene kote towe toha, dai‑ka ewe‑ka yama amosa‑bone dai daateni. Deoso ene amose hinama tohe, Deoso dai haaniya, yama amosa‑ya daanebonane, ai‑ka Abi neme‑ke toheri.

Yowaho 15:22

Deoso ati okamini awira‑mani, mai ihi manakone wadara neni. Deoso ati okaminabisamaro ene mai manakone wadineni.

Korito daidi 6:6

Dai‑ka soho ene amosare, Deoso ati‑ya mai nofara mai‑kaya dai towakemonane, ene mai hikadikebonaha.

Korito yoto‑ke 12:14

Dai tabaro‑ya oki famamaro, dai tabaro‑ya okomatasiya, dai‑ka yamata haa·oraboneni. Dai‑ka yamata‑ya owati koboni awirini. Dai‑ya onofi nafe, oka madehe‑nima dai na, ai‑ka madehe‑ya ai kasoma, manakone ai haara, manakone mai daahiterani. Dai‑ya okasomabone, dai‑ya ohiyara, oka yama manakone haa·oteraboneni.

Korito yoto‑ke 6:15

Yeso Kirisito ati‑nima Satanasi ati terene. Yeso ati ai no‑nofa ai ene‑nima Satanasi ati‑ya mai no‑nofa mai ihi ni awira, mai‑ya dai dabariyahi.

Karatiya 6:10

Yama‑ya mai kihara mai dai kasomahi. Dai‑ka yama dama, dai one‑ka yama‑ba dai daanahi. Yeso ati‑ya mai nofara mai dai kasomi bi‑bidi, Yeso ati‑ya mai no‑nofa mai dai kasomi ba‑basi nahi.

Timoti yoto‑ke 2:12

Yeso ati ai nofa, ai‑ya mai bisina, makobote neme‑ya Yeso eyehe ai nahoya, mai ihi ai kadikaboneni. ‘Yeso owatorini.’ Ai ati na, ‘Tiwa owatorini.’ Yeso ati nebonane. ‘Yeso‑ka ama·ora ama·oni.’ Ai ati na, ‘Oka amatira amatini.’ Yeso ati nebonane.

Timoti yoto‑ke 3:5

“Deoso‑ka ama·oni.” Mai ati na, Mai ihi amosawamara. Timoti, mai‑ya tisawiriyahi.

Tito 1:16

“Deoso ati oda nofini.” Mai ati na, Deoso ati‑nima mai ni awira, mai ihi towe hinama yama amosa‑ya mai watoteraboneni. Mai atibodi towe, mai ihi amosaterani.

Bedoro yoto‑ke 2:1

Hibati‑ka mai one Deoso ati‑ya mai mitamone mai ati na, bara mai ati‑ya mai kaminabisa, Deoso yokana ati‑ya mai kaminarameteni. Fara dai tabaro‑ka dai‑ya mai ka‑kanawato, mai one Deoso yokana ati‑ya mai kamina, mai one‑ta Deoso ati‑mona‑ya mai kamina, deoso bare ati‑ya mai kaminabisineni. Mai ati dai tokadabiya, Deoso yokana ati‑ya dai nofaraboneni. “Yeso Kirisito ai‑ka hidi tohi awire, ai manakone‑ya nanahabi awirane.” Mai one ati naboneni. Keyehe‑ya mai hirina, hini mai ati ihi mai abawahaboneni.

Yoda‑ka yama hani 1:4

Dai noko beheri‑kaya Satanasi‑ka mai one dai‑ya dabawaha, ai‑ka Hidi i‑di Yeso Kirisito‑ya mai nofara, Deoso ati‑mona‑ya mai kamina, mai fanawi mai makidi na, mai ai aha sibarini. Deoso ai‑ya weerebona mai ati teni. Hini mai ihi mai ababone Deoso ati nemata, Deoso ati yokana‑ya mai kamina mai tamine‑ya mai kanahanameteni.

Yeso Kirisito ene‑bona 2:13

Dai ene nafi owatoneni. Dai wini‑kaya Satanasi ati‑ya mai dami tokadabineni. Anitibasi dai‑ya sawimari, owa oni‑ya saatonakosi awiremari ene Anitibasi‑ya mai one nanahabani. Anitibasi‑ya mai nanahabiya, owa oni‑ya dai saatonakosi awirani.

Yeso Kirisito ene‑bona 3:8

Dai ene nafi owatoneni. Owati dai mitahi! Nokobi dai noko‑ya waa, owa ene seekani hawa toha, mai barihikani awiraboneni. Owati dai tokadabamaro dai kiti bide toha, owa oni dai saatonakosarineni.