Timoti daidi 5:6 - Deoso-ka Yama Hani

⁶ Fana mai one mai‑ka yobote abeya, hini mai ya‑yainabone mai na‑ya, ai aba‑nima mai nawaha, mai oni dai nahanoriyahi.

Timoti daidi 5:6 ပူးပေါင်းရင်းမြစ်များ

Mateo 8:22

“Abi‑ka yama hini tohiya, owa‑ya tisawibisahi. Abi abeya, owati‑ya mai nofara abi‑ka yama‑ya mai kayafabisiya, yama sibaraboneni.” Yeso ati nemarine.

Roka 12:19

Oka yamata teeni hawa ohiya, owatibodi yama‑ya kadikamatasiya, —Oka yamata dama tosiyo kanibote raboneni. Yama ani·onamarabone, hiniya otafabone, fino‑ya ofebone, ya‑yai·onaboneni.— Haa‑nima onaboneni.’ Atibodi ati nemarine.

Roka 15:13

Amoni fa‑famaraba ne‑ya yehe honene nafi‑ya yorotokanihi, yama yaki‑ka tabora bara‑kaya toke, kawi‑ya nokotonihi, mai fanawi‑ya nokotonihi ne, hika yinero tonasiyone.

Roka 15:24

Oka dao tokemari, abe amanakani, onamaro, kitame‑nima nane. Oka dao fawanemari, kamawahane.’ Ati nane. Mai ya‑yaina, mai marina, mai wayomineni.

Roka 15:32

Tika soho tokemari, abe amanakani, onamaro, kitame‑nima nane. Tika soho fawanemari, kamawahane. Kame ene ai ya‑yainahi.’ Ati nene.” Yeso ati nematane.

Roka 16:19

Yeso mai‑ya kanawatobona mai‑ya hiyare, “Ai owa‑ka yinero dame, bora amosabote‑ya sakone, mahi‑nima marina‑ya hirinematane.

Roka 7:25

Bora amosabote‑ya sakone dai awabone dai ati na awineni. Yama dama mai kiha bora amosabote mai sakona, kabani‑kaya mai winatera, hidi webote‑ka yobe‑ya mai winateni.

Efesiyo 2:1

Hibati‑ya Deoso ati dai tokadabara, dai ene amosara ene dai aba‑nima dai namaroni.

Efesiyo 2:5

Ai atibodi bote ati‑ya ai tokadabamaro ihi ai aba‑nima ai namaroni. Deoso ai‑ya nofi kite, ai‑ya nakitamane. Ai atibodi yati daahina, fara‑ya hika Doni sawiya, Kirisito‑ka ai tohawahineni.

Efesiyo 5:14

Yama wahi‑nima ai ene na, mai ihi amosara mai amona‑nima mai na, mai‑ya ai haanahi. “Dai dodafihi! Yeso ati dai mitahi. Dai abarabone, Yeso ati dai nofahi, Kirisito ya‑yainebonane.” Ai ati nahi.

Koroso 2:13

Hibati‑ya dai ene amosara, hini dai ene dai aba‑nima dai namaro, Yeso ene Deoso dai‑ya ati somawami, Yeso eyehe dai kitawahani. Deoso dai‑ya ati somawamanane

Timoti yoto‑ke 3:6

Mai one tabori‑ya mai tokiyoma, mai fanawi‑ya mai keyeheteni. Mai fanawi yama‑ya watora, mai ati‑ya mai tokadabateni. Mai fanawi ihi amosaramaro tamine mai atibodi hini mai‑ya weena, mai atibodi mai‑ya weenamara, keyehe‑ya mai nofawahani.

Tiyako 5:5

Dai‑ka yama‑ya mai anina, mai ihi yama dai anira, hiniya dai tafa, dai yehe‑ya dai sobina, bani watake‑nima dai nineni. Bani watake‑ya mai nanahabateni.

Yeso Kirisito ene‑bona 18:7

Babironi‑ya hini mai‑ya mai kahiyara, ‘Hidi ai amani. Fana ohariwama‑nima ai ni awiraboneni. Ai ohiteraboneni.’ Mai atibodi ati nani. Hini mai‑ya mai kahiyara, hini mai ihi mai dai weeni kitahi. Mai‑ka yama dama toha, mai‑ka yama nafi abahi, mai ohinabonehe.

Yeso Kirisito ene‑bona 3:1

“Yama hani tikanahanohi. Deoso‑ya mai hi‑hiyara‑ke yobe Sadisi‑ya wai, yobe hidi‑ya daatinahi. Deoso‑ka doni mai 7 kana owa‑ya mai sawi, fara amowa mai 7 kana mai dama·okana, fara owati amani. Dai ene nafi owatoneni. ‘Deoso‑ka hawi‑ya dai sawi amosa, dai tosawari awirini.’ Mai one ati na, dai atibodi‑ya mai watora, dai‑ta dai tosawaribisineni.