Timoti daidi 5:5 - Deoso-ka Yama Hani

⁵ Mai fanawi fanamaro, mai‑ka yobote mai abamaro, mai‑ka madehe awira, mai‑ka nodi mai awirihi, mai na, hiniya Deoso‑ya mai nofabisa, mai‑ka mai‑ya mai ka‑kasoma‑ba mai wadara, Deoso‑ya mai hiyarateni. Deoso‑ya mai hi‑hiyaranadi, mai oni dai kanahanohi, mai‑ya dai kasomabonehe.

Timoti daidi 5:5 ပူးပေါင်းရင်းမြစ်များ

Roka 18:1

Yeso mai‑ya kanawatomatane, mahi‑nima Deoso‑ya mai hiyarabonehe, mai atibodi kitiya, mai hiyari maakarabonehe.

Roka 18:7

Deoso hika mai haani hidameya, mai‑ya kasomebonane. Hibareya, Deoso ati ne, ati damarebonane.

Roka 2:37

i‑di Ana hasinibisa, hika ano 84 tohameteni. Deoso‑ka yobe‑ya i‑di Ana sawi fawara, yama tehe‑ya Deoso‑ya hiyara, yama soki‑ya Deoso‑ya hiyara, tafi nafira, Deoso‑ya kahiyarameteni.

Yeso‑ka yo‑yose mai tamine 26:7

Isara·eo‑ka nodi mai‑ya Deoso hiyaremata, mai‑ya kasomebona ati ne. Oda‑ya kasomebona oda nafi nimanineni. Oda‑ya kasomebona ati nemata‑nima owa‑ya kasomebona ona, owa‑ya mai kaka, owa‑ya mai ati nanahabateni.

Yeso‑ka yo‑yose mai tamine 6:1

Yeso ati‑ya mai no‑nofa mai dodamawaha, mai fanawi bote honita toha, mai tafe‑bone‑ya mai daateni. Kereko mai ati yawawaha, “Oda‑ka fana bote mai honita waha‑ka yamata‑bone dai daana bi‑bidi, Yodeo dai‑ka fana bote mai honita waha‑ka yamata‑bone dai daana ba‑basi teni.” Mai ati namoneni.

Yeso‑ka yo‑yose mai tamine 9:39

Bedoro eyehe mai kama, yobe nemehe‑ya mai tokomisama, mai fanawi honita toha, hibati‑ya mai‑ka yobote mai abamaro, mai‑ya Tabita ka‑kasoma, abawaha, tabiyo mai ohina, mai naha, “Bedoro, oda‑ka bora i‑di Doka wamahinamaro, tiawahi.” Mai ati na.

Yeso‑ka yo‑yose mai tamine 9:41

Bedoro Tabita yahi‑ya waratone, Tabita‑ya nawaamisame, mai fanawi honita‑ya haa, Yeso ati‑ya mai no‑nofa mai‑ya haa ne, mai kamake, “Tabita kitama, dai awahi.” Ati nemonane.

Homa 1:12

Dai tabaro‑ya kobo·oniya, dai okasoma, fara owa dai kasomahari nabone onani. Ai ibi kasoma, ai atibodi kiti ba‑basi teni.

Homa 1:5

Kirisito ene Deoso owa‑ya kadikemarine, Yeso‑ka yo‑yose ohawahabonehe. Deoso owa‑ya kasomemarine, Bara mai‑ya Deoso Ati Amosabote okaminabonehe. Yeso ati‑ya mai nofiya, ati mai hikadabeya, Yeso Kirisito‑ya mai kahiyaraboneni.

Korito daidi 7:32

Dai korikasarabone owatibodi ati nofateni. Ai fanara Kirisito‑ka yama ai nokotoni ohariya, Kirisito ya‑yainebonane.

Korito daidi 7:34

Mai fanawi honita naha, mai‑ka Hidi i‑di Yeso Kirisito‑ya mai nokotoni ohare, mai aboni, mai atibodi na amosabone, Yeso ya‑yainebonane. Mai fanawi fana, yama fama‑ya mai nokotoniwaha, Yeso‑ya mai nokotonihi, mai‑ka yibote mai‑ya mai nokotonihi teni, mai‑ka yibote mai ya‑yainabonehe.

Efesiyo 6:18

Yama soki‑ya sodado mai nafi amorani. Mai one amona, mai one‑ya mai kakatoma teni. Sodado mai hama, mai ihi mai sotatorabonehe. Fara mai‑nima dai nahi. Dai noko wadahi. Dai one tamine‑ya Deoso‑ya dai atibodi hiyarahi. Satanasi‑ka keyehe‑ya mai nofarabonehe.

Firibo 4:6

Yama awi amosara ihi dai korikasariyahi. Yama hini dai atibodi kobohinaya, Deoso‑ya dai haana, Deoso dai kahiyara, dai ya‑yai dai nahi.

Timoti daidi 2:1

Dai yorotokana, Deoso dai hiyari bahi. Ai nafi tamine dai hiyarahi. Yama‑ya mai kihara, mai tamine dai hiyarahi, Deoso mai‑ka yama‑bone‑ya daanebonaha. Mai kiyana, mai tamine dai hiyara, Deoso mai‑ya kasomebonaha. Deoso mai‑ya kasome, mai ya‑yaina, dai ya‑yainahare, Deoso‑ya dai kahiyarahi.

Timoti daidi 5:16

Yeso ati‑ya ai no‑nofa ai‑ka mai one‑ka yibote abeya, mai ai kasomahi. Mai ai kasomiya, Deoso‑ka yinero‑ya mai kayafi awiraboneni. Fana ohare yokana toha, hika mai one awira, Deoso‑ka yinero‑ya mai kayafabisahi.

Timoti daidi 5:3

Mai‑ka madehe awira, mai‑ka yobote mai abamaro, mai bote toha, mai tikasomahi.

Timoti yoto‑ke 1:3

Timoti, tiwa tamine‑ya Deoso‑ya ohiyarateni. Yama tehe‑ya Deoso ohiyara, yama soki‑ya Deoso ohiyara, oteni. Deoso‑ya oka idi mai nofamete, okobi hinofemari, fare onofaharineni. Owatibodi owa‑ya kakoterani.

Bedoro daidi 3:5

Hibati‑ya mai fanawi amosabone, Deoso‑ya mai kahiyara, mai‑ka yibote mai ati‑ya mai tokadaba na, fara mai atibodi amosameteni.