Timoti daidi 5:22 - Deoso-ka Yama Hani

²² Deoso ati‑ya mai hiyarabone mai ati na, mai ihi tiwibaiyahi. Mai ihi amosiya, mai tati‑ya tiwa yehe foriya, “Deoso ati tihiyariyahi.” Tinahi. Mai ihi amosara, mai tati‑ya tiwa yehe foririyahi. Tiwati yanariyahi. Ene amosare tati‑ya tiwa yehe foriya, tiwa‑ya mai awiya, tiwa‑ya mai weenaboneni. “Ene amosare ene‑nima ene nawahene.” Mai ati naboneni. Tiwa ene amosa hinama tohiyahi.

Timoti daidi 5:22 ပူးပေါင်းရင်းမြစ်များ

Yeso‑ka yo‑yose mai tamine 13:3

Deoso‑ka Doni ati ene mahi owa‑ya mai tafara, i‑di Banabe i‑di Saoro mai‑ya mai yahi fore, mai‑ya mai yosemoneni.

Yeso‑ka yo‑yose mai tamine 18:6

Yodeo mai ati yawa, Baoro tamine‑mona‑ya keyehe‑ya mai hirina, Baoro‑ya mai weena, mai ati ihi, Baoro ati yawe, hika bora hibakori‑ya nanahabene, hibakori aba‑nima mai ababone mai awabonehe. “Hini dai ene dai ababoneni. Owa ene toharaboneni. Bara mai‑ya ohiyarawahaboneni.” Baoro ati nemonane.

Yeso‑ka yo‑yose mai tamine 20:26

Owati dai mitahi. Deoso ati dai nofara‑mani, owa ene tohi awira neni.

Yeso‑ka yo‑yose mai tamine 6:6

Yeso‑ka yo‑yose mai‑kaya mai mai hiwakama, Yeso‑ka yo‑yose Deoso‑ya mai hiyara, mai‑ya mai yahi foremoneni.

Efesiyo 5:11

Mai ihi amosara yama soki‑ya mai wi‑wina, mai‑ya dai dabariyahi. Dai ene mai ihi amosara‑ya mai watomakiyahi.

Timoti daidi 3:10

Mai ihi dai awi ba‑basi niya, mai ihi amosa, Deoso‑ka mai‑ya mai kasomiyahi.

Timoti daidi 3:2

Deoso‑ka mai‑ya kanawatobona, eya ene nebonane. Hika yobote ohareboneni. Mai fanawi one‑ya nokotoni awirihi tebonane. Mai one kake, ati ene hika yobe‑ya mai winateni. Ati, atibodi ati, ene ne‑ya nawadatene. Deoso ati kanawato‑ya watone.

Timoti daidi 3:6

Hibati‑ya Yeso ati‑ya nofe, sibabisarene. Yeso ati‑ya nofa yati tohe, dai‑ya kanawatorayaho. Yeso ati‑ya nofa yati tohe dai‑ya kanawato hini‑ya kahiyare, hini‑ya nofi nafi, Satanasi ene‑nima ene nawahebonane. Satanasi hini‑ya nofi nafi ene Deoso yawemarine. Ai‑ya ai nofi nafe, ai ene Deoso yawebonane.

Timoti daidi 4:12

Timoti, Yeso ati‑nima tiyahi. Yeso ati‑nima tiwati nahi. Yeso mai‑ya nofemari‑nima mai‑ya tinofa, tiwa‑ya mai kaka, tiwati yawariyahi. Deoso‑ta owa‑ya nofe, yama sibarabone tiwatibodi ati nahi. Mai fanawi nokotinirihi tinahi. Tiwa ene‑ya mai awaboneni. Yetene tiha, tiwa‑ya mai weeraboneni. Tiwa ene‑nima mai ihi nawahaba awineni.

Timoti daidi 4:14

Hibati‑ya Deoso ati‑ya mai wato ba‑basi na, tiwa tati‑ya mai yahi fore, tiwa tamine‑ya mai hiyara, “Deoso ati ene mai tikanawatohi.” Mai ati namaroni. Mai ati timita, tiwati kadamowamariyahi. Mai ati ihi Deoso tiwa‑ya kasomatene.

Timoti yoto‑ke 1:6

Hibati‑ya tiwa tati‑ya owa yehe fore ene Deoso tiwa‑ya kasomane yama‑ya tiwatowahabonehe. Tiwa habo kitamaro, Deoso ati tikaminiya, tiwa habo kitasa nahi.

Timoti yoto‑ke 2:2

Owati‑ya dai dami mitamaroni. Yama okanawata, owa‑nima mai tikanawatoyahi. Mai ihi amosa, mai tikanawata, makobote mai one‑ya mai kanawatowahaboneni.

Ebereo 6:2

Faha‑ya ai habanisa tamine dai wato, Deoso‑ka Doni ai‑ya sawi tamine dai wato, ai aba, ai kitamabone tamine dai wato, ai ene‑ya Deoso kadike, ai manakone‑ya daanebona tamine dai wato nineni. Hibayata Deoso‑ka yama kita tamine ai hiyaramakeboneni.

Yowaho yoto‑ke 1:11

Deoso ati‑mari‑nima mai ati ni awira, mai tafe‑ba daatiniya, mai manakone amosara kote tikayahaboneni.

Yeso Kirisito ene‑bona 18:4

Neme‑ya ati yanane, “Oka dai amani, Babironi‑kaya dai sawimariyahi. Babironi‑ka mai ihi‑nima dai ene riyahi. Babironi‑ka mai wee·oniya, dai sawiriyahi.