Timoti daidi 5:21 - Deoso-ka Yama Hani

²¹ Owati timitamatasahi. Deoso, Yeso, Deoso‑ka yo‑yose mai toha na, mai ati‑nima owati nineni. Ai owa ene amosare, weetiyaho. Ene amoseya, weetirayaho. Mai ihi amosa, mai ai weeterani. Mai ihi amosariya, mai weetiyahi. Tika no‑nofa ene amosareya, weetiyaho. Ai‑ka no‑nofa‑mare ene amosare, ai weenahariteni.

Timoti daidi 5:21 ပူးပေါင်းရင်းမြစ်များ

Mateo 16:27

Deoso‑ka yo‑yose mai eyehe okomatasabone, Okobi wehene owa‑ya sawibonane. Bofe‑ka dai ene‑nima dai ene manakone na daa·onaboneni.

Mateo 25:41

Sayo‑kaya mai naha mai‑ya hiyaramakine, ‘Towe dai amani. Owa‑ya dai sawirabone, yama hirini fawaterabone‑kaya dai tokabisahi. Yama hirini fawaterabone‑ya Deoso wamane, Diaboro hika yo‑yose mai eyehe‑ya sarikanebonaha.

Mateo 28:20

Owati nafi‑ya dai kanawatohi, owati‑ya mai tokadababonehe. Dai tokiya, dai‑ya osawebone, dai honita tohateraboneni.” Yeso ati nemarine.

Roka 20:21

“Ayo, keyehe‑ya hirititerani. Mai nafi tinofa, mai one tinofi bi‑bidi tini awirani. Deoso ati tikamine amose hinama tohe, fare ene tiwati oda mitaboneni.

Roka 9:26

Deoso‑ya mai nofara dai‑ya mai weeni awirabone dai ati na, owa‑ya dai nofarihi, owati‑ya dai nofarihi dai ni‑ya, okomatasiya, dai‑ya onofahariraboneni. Okomatasiya, Owa wehene wadabone, Okobi wehene owa‑ya sawibona, Okobi‑ka yo‑yose amosabote mai wahi owa‑ya sawi naboneni.

Korito yoto‑ke 5:16

Hibati‑ya mai one ai awa, mai mese‑ta ai nokotonihe, mai mese ai kadikamaroni. Hibayata mai mese ai nokotonira, mai ihi‑ta ai nokotoniwaha, mai ihi ai kadikabisateni. Hibati‑ya Yeso mese okadikemari, hibayata ene owatowahe, mese okadikami awire, ene okadikabisawahene.

Tesaronika daidi 5:27

Oda ati dai mitahi. Yeso Kirisito ati oda kanahano, ati abarayaho. Yeso ati‑ya dai no‑nofa dai yorotokaniya, oda‑ka yama hani dai kadikahi, mai nafi himitabonehe.

Timoti daidi 6:13

Deoso ai‑ya wamanemata owati‑ya mitane. Yeso Kirisito i‑di Bonisiyo Birato‑ya hiyare, habo siitoremari, Yeso Kirisito owati‑ya mitane. Owati timitaharihi. Deoso ati tikadaba, tiwa‑ya mai ati bisina, tiwa habo siitoriyahi.

Timoti yoto‑ke 2:14

Timoti, owati timitamatasahi. Tika mai‑ya tihiyarahi. Mai ati‑ya Deoso mite, mai ihi‑ya Deoso kakatomane, mai one hini mai ati‑ya mai hiyara, mai ibi weena, mai ati ihi mai one atibodi koma kita, mai teni. Mai‑ya tiwati barinahi.

Timoti yoto‑ke 4:1

Yeso Kirisito kamataseya, ai nafi ene‑ya kadikebonane. Ai hasina, ai ene‑ya kadika, mai abamete mai ihi‑ya kadika nebonane. Ai one‑ya kayafa, ai one‑ya sarikana nebonane. Deoso owati‑ya mite, owati timitaharihi.

Tiyako 3:17

Deoso ene yama‑ya mai wato yokana toha, mai ihi amosa mai ibi weerihi, mai ati kitarihi, mai one ati‑ya mai mita, mai one tosaware, mai‑ya mai ati somawamateni. Mai ihi amosa dama, mai dami‑ya mai nofa, mai atibodi ati‑nima mai ihi teni.

Bedoro yoto‑ke 2:4

Hibati‑ya Deoso‑ka yo‑yose neme‑ya mai wina, mai one ihi amosara, mai‑ya Deoso ati somawami awire, mai‑ya weretowiti, yama soki nafi‑kaya mai‑ya yadimata, makobote mai ihi‑ya kadikebonane.

Yoda‑ka yama hani 1:6

Hibati‑ya Deoso‑ka yo‑yose neme‑ya mai wina, neme‑ya mai ati winamara, Deoso ati‑nima mai namara, hini mai ihi Deoso mai‑ya barikane, koheti‑ya mai‑ya sokikane, yama soki‑kaya mai‑ya barikawame, mai‑ka koheti‑ya Deoso sotatokanire. Makobote Yeso kamataseya, mai ihi‑ya kadikeya, mai‑ya sarikanebonane.

Yeso Kirisito ene‑bona 14:10

mai‑ya Deoso weeni kiteya, mai‑ya sarikanebonane. Deoso‑ka yo‑yose mai toha, Kaneiro Bidi toha ne, mai noki‑ya mai‑ya sarikanebonane. Yifo hirini yati hirini fama‑ya mai‑ya sarikanebonane.