Timoti daidi 5:18 - Deoso-ka Yama Hani

¹⁸ Deoso ati timitahi. “Dai‑ka bani, yama‑ya anine, iridi‑ya dai barikariyahi. Hini yama‑ya anine, yama‑ya kabayaho.” Deoso ati nemarine. Yama ai anina, ai‑ka yama manakone wadateni. Fara ai‑ya mai kanawatoya, mai‑ka yama manakone wadateni.

Timoti daidi 5:18 ပူးပေါင်းရင်းမြစ်များ

Mateo 10:10

Yamasi dai weyerihi, bora fama‑ya dai nasawirihi, sanidariya owa dai nasawirihi, dai dabakiba‑ka awa one dai nasawirihi, dai nahi. Mai‑ya dai kasoma dai‑ka yama‑bone‑ya mai daanaboneni. Mai‑ka yama ai anina ai‑ka yama‑bone‑ya mai daateni.

Roka 10:7

Mai tabori‑ya dai koboniya, Yobe ohari‑ya dai wina, dai dayoriyahi. Dai tefe‑bone‑ya mai daaniya, dai tafiyahi. Hini mai daahini‑ya dai fawiyahi. Mai‑ka yama ai anina, ai‑ka yama manakone‑ya mai daateni.

Homa 10:11

“Yeso ati‑ya mai no‑nofa mai habi siitora, Yeso ati‑nima yama na‑ya mai awawahaboneni.” Deoso‑ka yama hani ati nineni.

Homa 11:2

Hibati‑ya Isara·eo‑ka mai‑ya Deoso kadikemata, mai‑ya kakanaterene. Deoso ati‑ya mi‑mita‑mata i‑di Eriya Isara·eo‑ka nodi mai tamine‑ya hiyarane.

Homa 4:3

Deoso‑ka yama hani ati dai mitahi. “Deoso ati‑ya i‑di Abaraho nofe ene Deoso ati somawamane.” Deoso‑ka yama hani ati nineni.

Homa 9:17

Hibati‑ya Fara·o‑ya Deoso‑ka yama hani hiyara, “Fara·o, owa ene Eyito‑ka mai‑ka hidi tihawahani, Isara·eo‑ka mai seetikarabone tina, owa ene kitabote tiwiya, mai seetikanaboneni. Mai tabori nafi‑ya owa tamine‑ya mai kaminabone, owa ene kitabote tamine‑ya mai dami mitaboneni.” Ati nematane.

Korito daidi 9:14

Fara‑nima Deoso‑ka yinero kote‑ya Deoso ati‑ya mai ka‑kamina mai kayafatebone Deoso ati nematane.

Karatiya 3:8

Hibati‑ya Yodeo mai toha, Bara mai toha mai na, mai tamine‑ya Deoso hiyarane Abaraho‑ya. Deoso hini Ati Amosabote‑ya kaminemarine. “Abaraho, tabora dami‑ya mai wi‑wina mai okasomaboneni, mai nafi. Owati tinofa‑nima owati‑ya mai nofiya, mai okasomaboneni.” Deoso ati nemarine. Deoso ati‑ya mai kanahanamaroni, Deoso‑ka yama hani‑ya.

Tiyako 4:5

Deoso ene hika Doni ai‑ya sawi, ai‑ya kayawi kitebona Deoso‑ka yama hani ati na, ati honita toha‑mone dai ati na awineni. Deoso ati honita tohaterene.