Timoti daidi 5:17 - Deoso-ka Yama Hani

¹⁷ Dai‑ya mai ka‑kanawato mai ihi amosa mai dai kasomahi. Deoso ati‑ya dai‑ya mai ka‑kanawato, mai dai kasoma, mai dai nofa, mai ati dai tokadaba, dai nahi.

Timoti daidi 5:17 ပူးပေါင်းရင်းမြစ်များ

Mateo 24:25

Yama tamine okamina, fara koboniya, yama‑ya dai watowahaboneni.

Roka 10:7

Mai tabori‑ya dai koboniya, Yobe ohari‑ya dai wina, dai dayoriyahi. Dai tefe‑bone‑ya mai daaniya, dai tafiyahi. Hini mai daahini‑ya dai fawiyahi. Mai‑ka yama ai anina, ai‑ka yama manakone‑ya mai daateni.

Roka 12:42

“Owati dai mitahi. Hidi‑ka yo‑yose mai dama, hika yo‑yose ohari yama‑ya watone, hidi ati‑ya tokadabi amose, hidi ati ene mai one‑ka hidi tohawahebonane, mai‑ya natafebonaha.

Yowaho 4:38

Mai one yama anini‑ya nafe, mai nowati‑ya dai oyose, mai‑ka yama anini dai hawa tonihebonehe.” Yeso ati nemarine.

Yeso‑ka yo‑yose mai tamine 11:30

Mai‑ka yinero‑ya mai yorotokani wama, i‑di Banabe, i‑di Saoro mai fama, yinero‑ya mai towakama, Yeso ati‑ya mai no‑nofa mai‑ka bote mai‑ya yinero‑ya mai daanamoneni.

Yeso‑ka yo‑yose mai tamine 20:35

Dai yofi·okana, yama‑ya ani·ona, dai kiyana, dai okasoma, onamaro, owa‑nima dai niyahi. Dai yofi·okanani. Yeso ati‑ya dai ati kadamowamariyahi. ‘Yama‑ya dai‑ya mai daana, Deoso dai‑ya kasomi bi‑bidi, yama‑ya dai daana, Deoso dai‑ya kasomi ba‑basi nibisane.’ Yeso ati nemona,” Baoro ati nemarine.

Yeso‑ka yo‑yose mai tamine 28:10

Oda‑ya mai kasomi dama, makobote maboro owa‑ya oda foyamabone, oda‑ka yama‑bone‑ya mai daanamakemaroni.

Homa 12:8

Dai one atibodi‑ya Deoso yofikane mai atibodi komi‑ya dai kasomabone, mai dai kasoma, mai atibodi kome fawanabonehe. Yama‑ya da‑daa dai one atibodi‑ya Deoso yofikane, fare dai‑ya yofikane‑nima yama dai daaniya, dai ya‑yainahi. Hidi dai tohabone, dai atibodi‑ya Deoso yofikane, dai noko wadahi, dai ene amosabonehe. Ai one mai‑ka yama wadara mai‑ya dai kasomahi. Dai one atibodi‑ya Deoso yofikane, fare dai‑ya yofikane‑nima mai‑ya dai kasomahi.

Homa 15:27

Yinero‑ya Bara mai daana, mai ya‑yainineni. Hibati‑ya Deoso ati‑ya Yodeo mai miti baha, makobote Yodeo mai ihi Deoso ati‑ya Bara mai mitamake, Yodeo mai‑ya Bara mai kasomamake, mai ihi amosineni.

Homa 16:12

Ai‑ka Ayo i‑di Yeso‑ka yama‑ya mai anina, i‑di Tirifena, hika kasima i‑di Tirifosa‑ya fama i‑di Bereside ohari na, ai‑ka Ayo‑ka yama‑ya mai anini kita, fara mai onofa, mai dai hiyara, dai nahi.

Korito daidi 15:10

Deoso owa‑ya kasomi nafi, owa‑ya yosemarine, Yeso ati okaminabonehe. Deoso owa‑ya kasome ene honita tohare, owa‑ya kasomi nafi ene mai dami‑ya Yeso ati okaminabisa, mai one ihi‑ya owa ene fiyakanineni. Owa ene yokana tohara, Deoso owa‑ya kasome ene tohabisane.

Korito daidi 16:16

I‑di Tefanasi mai ati dai nofiyahi. Oda ene‑nima i‑di Tefanasi mai ihi na, mai ihi‑nima ai owa ene ne, mai ati dai nofa nahi.

Korito daidi 3:9

Deoso‑ka yama‑ya i‑di Aboro oda fama oda anina, Deoso‑ka fadara‑nima dai nihi, Deoso‑ka yobe‑nima dai nihi, dai nineni.

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Karatiya 6:6

Deoso Ati Amosabote‑ya dai‑ya mai kanawata, yama dai kiha‑ya mai‑ya dai kasomahi.

Firibo 2:16

Deoso ati dai nofa, mai ihi amosara mai dai hiyarahi. “Yeso dai‑ya nofe, dai manakone‑ya nanahabemata, ati dai nofeya, dai abaraboneni.” Dai ati nahi. Haa‑nima dai ene niya, Kirisito kamataseya, dai ene ya‑yai·ona, oka yama anini honita tohara owatowahaboneni.

Firibo 2:29

Bafodito dai tabaro‑ya koboneya, dai ya‑yainahi. Bafodito ene‑nima mai ihi na, mai dai nofi ba‑basi nahi.

Firibo 4:3

Oka owa amatini. Mai fanawi tikasomahi, mai ibi nofabonehe. Yeso ati okamina, owa‑ya mai daba, yama‑ya mai anini kitamaroni. I‑di Keremete mai nafi owa‑ya mai daba, neme‑ka yama hani‑ya mai oni‑ya Deoso kanahanomatane. Mai abaterabone, Deoso tabaro‑ya mai winabisaboneni.

Timoti daidi 3:5

Ati fadi hinofarihi, ati bidi mai hinofarihi hineya, Deoso‑ka mai‑ya kanawatoya, ati mai hinofaterebonane.

Timoti daidi 4:10

Ai‑ka Hidi i‑di Yeso Kirisito abemari, kitame, abamaterebonane. Ai‑ka Hidi ati ai nofa ene yama‑ya ai ani, ai‑ya mai bisiteni. Ai‑ya Yeso nakitamebona ati ne, fara ai nimaneni.

Timoti daidi 4:14

Hibati‑ya Deoso ati‑ya mai wato ba‑basi na, tiwa tati‑ya mai yahi fore, tiwa tamine‑ya mai hiyara, “Deoso ati ene mai tikanawatohi.” Mai ati namaroni. Mai ati timita, tiwati kadamowamariyahi. Mai ati ihi Deoso tiwa‑ya kasomatene.

Timoti daidi 4:16

Tiwa noko wadahi. Deoso ati yokana tikamina, Deoso ati‑nima tiniya, Deoso tabaro‑ya tiwinawahaboneni. Tiwati‑ya mai mita, tiwati‑ya mai tokadabiya, Deoso tabaro‑ya mai winahareboneni.

Timoti daidi 4:6

Deoso ati‑ya tiwa‑ya okaminamaro, Yeso ati‑ya mai no‑nofa mai‑ya tihiyaramakitasahi. Owati‑ya mai‑ya tihiyariya, sibaraboneni. Haa‑nima Yeso Kirisito‑ya ai na‑narifa ai teni. Yeso ati‑ya tiwatowahaboneni.

Timoti daidi 5:19

Deoso ati‑ya mai ka‑kamina towe mai‑mone ai owa ati ne, ati tinofariyahi. Mai fama mai ati‑ta timitiyahi.

Timoti daidi 5:3

Mai‑ka madehe awira, mai‑ka yobote mai abamaro, mai bote toha, mai tikasomahi.

Timoti yoto‑ke 2:6

Fadara hidi yama‑ya anini kite, hika yamata‑ya kame, yamata hawa tohabone‑ya nimane, yamata hadiya, kote hikayafi dai hiha, makobote mai one kote hikayafamakiteni.

Timoti yoto‑ke 4:2

Deoso ati tihiyara, tiwati fawariyahi. Deoso ati‑nima mai ni awiriya, mai weetiyahi, Deoso ati‑nima mai nabonehe. Tiyawariyahi. Hiniya mai tikanawatobisahi, Deoso ati‑ya mai nofabonehe.

Ebereo 13:17

Dai ene tamine‑ya dai‑ka webote‑ya Deoso hiyaratene. Dai ene amosa dai‑ka webote‑ya Deoso kahiyara, dai ene amosara dai‑ka webote‑ya Deoso weenebonane. Dai‑ka webote‑ya Deoso weerebona, ati dai nofaho. Dai ene dai‑ka webote‑ya Deoso kahiyare, dai‑ya dai‑ka webote kasome, dai ene amosara, dai‑ka webote‑ya Deoso weene, dai‑ya dai‑ka webote weenamakiya, yama amosaraboneni.

Ebereo 13:24

Dai‑ka webote mai toha, Deoso‑ka mai one toha na, mai‑ya oda tamine dai hiyarahi. Itariya‑ya mai wi‑wina dai tamine‑ya mai hiyarateni.

Ebereo 13:7

Hibati‑ya Deoso tamine‑ya dai‑ya mai kaminamaro, mai tamine dai kadika, mai ihi amosa, mai ihi‑nima dai ene namakiyahi.