Timoti daidi 4:16 - Deoso-ka Yama Hani

¹⁶ Tiwa noko wadahi. Deoso ati yokana tikamina, Deoso ati‑nima tiniya, Deoso tabaro‑ya tiwinawahaboneni. Tiwati‑ya mai mita, tiwati‑ya mai tokadabiya, Deoso tabaro‑ya mai winahareboneni.

Timoti daidi 4:16 ပူးပေါင်းရင်းမြစ်များ

Maroko 13:9

Dai noko wadahi. Mai‑ka hidi bidi mai dama mai‑ya dai‑ya mai daanabone, Deoso‑ya mai hi‑hiyara‑ke yobe‑ya dai‑ya mai bisinaboneni. Yara mai‑ka kofenado mai toha, mai‑ka hidi webote mai toha na, mai ati ihi dai‑ya mai wataboneni. Mai noki‑kaya dai nahoya, owa tamine‑ya mai‑ya dai hiyaraboneni.

Roka 21:34

“Dai noko wadahi. Dai siwariyahi. Kawi dai fawariyahi. Yinero dai nokotoniriyahi. Yama dama dai nokoniya, yama yanani kanibote na ihi yama we‑wee‑kaya dai saweboneni.

Yeso‑ka yo‑yose mai tamine 26:22

Deoso owa‑ya kasomanadi ene hasi·ona, hidi mai toha, mai ati kita mai‑ya ohiyara, hidi mai tohara, mai ati kitara mai‑ya ohiyara ona, i‑di Mose ati‑mata‑nima yama nawaha, Deoso ati‑ya mai mi‑mita‑mete mai ati‑nima yama nawaha, tamine okamina oteni.

Yeso‑ka yo‑yose mai tamine 6:4

Deoso‑ya oda hiyara, Yeso tamine oda kamina, oda naboneni.” Yeso‑ka yo‑yose mai ati namoneni.

Homa 11:14

Dai‑ya ohiyara, owa‑ya Yodeo mai awiya, mai yawaba awineni. Yeso ati‑ya dai nofa Deoso dai‑ya kasome‑ya mai awiya, Yeso ati‑ya mai one nofamakeba awineni.

Homa 16:17

Oka soho dai toha, owati dai mitamakihi. Dai‑ya mai kanawata mai ati ihi dai ebekanabone, mai ati dai nofariyahi. Yeso ati dai mitamaro, ati‑nima mai ati ni awira, mai ati dai nofariyahi.

Homa 2:7

Deoso ati‑ya mai no‑nofa, Deoso ati‑ya mai tokadaba, mai ihi amosa, Deoso tabaro‑ya mai nokotoni fawara, mai manakone amosa‑ya Deoso daanebonane. Deoso tabaro amosabote‑ya mai winiya, mai ya‑yainaboneni. Deoso ene mai abamateraboneni.

Korito daidi 1:21

Yama dama‑ya mai wa‑wato‑mone mai ati na, yama wato ihi Deoso hawine‑ya mai wasiterani. Deoso ene Yeso abe, ai manakone‑ya nanahabe tamine oda kamine, oda ati‑ya mai nofa, Deoso hawine‑ya mai wasiteni. Oda ati‑ya mai nofara, ka‑kana oda‑mone mai ati na, Deoso hawine‑ya mai wasirani.

Korito daidi 9:22

Yama‑ya mai watora mai‑ya osawe, mai‑nima onihi ona, owati ihi Kirisito ati‑ya mai watowahaba awineni. Mai nafi‑ya osawe, mai‑nima onihi ona, owa‑ya mai nofiya, Kirisito ati‑ya mai nofawahaba awineni.

Korito daidi 9:27

Owatibodi ati‑nima owa abano ati riya, owa abano ati onofara, owatibodi ati‑ta okadababisa, “Deoso ati dai tokadabahi.” Oteni. Deoso ati okadabara‑mani, owa manakone okayahara neni.

Efesiyo 4:14

Madehe‑ya keyehe‑ya mai hirikana, mai ati‑ya madehe nofateni. Madehe‑nima ai riyahi. Deoso ati ai wata, ai hawa toha‑nima ai nawahaboneni. Deoso ati‑mona mai one ati na, Deoso ati tohi awireya, mai ati ai nofaraboneni. Keyehe‑ya ai‑ya mai hirikana mai ati ai nofara, faha rike toka, kamatasa‑nima ai atibodi ni awiraboneni. Deoso ati‑ya ai nofi ohariyahi. Mai one ati bara toha, ai nofaraboneni.

Koroso 4:17

I‑di Arakibo‑ya dai hiyara, “‘Arakibo, Yeso Kirisito ai‑ka Hidi tiwa‑ya yosemari, ati‑nima tinahi. Deoso Ati Amosabote kamini fawatiriyahi.’ Baoro ati nene.” Dai ati nahi.

Tesaronika daidi 2:16

Deoso ati‑ya Bara mai miti awiriya, Deoso tabaro‑ya mai winateraboneni. Deoso ati‑ya Bara mai‑ya oda kaminabone, Yodeo mai one oda‑ya mai ati nanahabineni. Mai ati towe ihi mai‑ya mai ati kobonaboneni.

Timoti daidi 1:3

Masedoni‑kaya okabone, tiwa ohiyara, “Efesiyo‑ya tiwina, mai tikanawatoyahi, Yeso ati‑ya mai nofabonehe. Mai ati bara‑ya mai‑ya mai kanawata, mai‑ya tiwati barinahi.” Onamaroni. Owati‑maro‑nima tinahi.

Timoti daidi 4:15

Owati‑ya tiwatibodi kadikanadiyahi. Tiwa noko wadahi, tiwati bara toharabonehe. Deoso ati tiwato ba‑basi tine, tiwa‑ya mai awaboneni.

Timoti daidi 4:6

Deoso ati‑ya tiwa‑ya okaminamaro, Yeso ati‑ya mai no‑nofa mai‑ya tihiyaramakitasahi. Owati‑ya mai‑ya tihiyariya, sibaraboneni. Haa‑nima Yeso Kirisito‑ya ai na‑narifa ai teni. Yeso ati‑ya tiwatowahaboneni.

Timoti yoto‑ke 2:10

Kadeya‑ya ofoya, oyawara, sibaraboneni. Kadeya‑ya owaa, Deoso Ati Amosabote mai one‑ya okamina, Yeso ati‑ya mai nofamakeba awineni. Hibati‑ya Deoso mai‑ya kadikane, Yeso ati‑ya mai nofabonehe. Yeso ati‑ya mai nofamakiya, Deoso tabaro‑ya mai winawahaboneni. Mai ya‑yaini fawateraboneni.

Timoti yoto‑ke 3:14

Hibati‑ya tiwa okanawata, owati‑nima tiyahi. Owa ene‑nima tiwa ene nahi. Owa ene tiawa, owa ene sibabisaramaroni.

Timoti yoto‑ke 4:2

Deoso ati tihiyara, tiwati fawariyahi. Deoso ati‑nima mai ni awiriya, mai weetiyahi, Deoso ati‑nima mai nabonehe. Tiyawariyahi. Hiniya mai tikanawatobisahi, Deoso ati‑ya mai nofabonehe.

Tito 1:9

Deoso ati yokana‑ya mitemari, fare mai‑ya kanawatomakibonane. Ati bare‑ya mai one kamina mai‑ya ati barinebonane.

Tito 2:15

Tito, eya tinahi. Mai tikanawata, mai ihi amosara mai weetinahi, mai ihi amosabonehe. Mai tikasomahi, Yeso ati‑ya mai nofawahabonehe. Yeso ati tihiyariya, tiwati‑ya mai mitiyahi.

Tito 2:7

Tito, owati‑nima tiyahi. Tiwa ene amosa‑ya mai awiya, tiwa ene‑nima mai ihi naba awineni. Mai‑ya tikanawatoya, tiwa ene amosa tiwatibodi ati‑nima tiwati tohahi.

Firimo 1:19

Baoro ama·oni. Owa yehe‑ya yama okanahana, i‑di Onesimo‑ka yama manakone bote onahababoneni. Tiwa okasomamaro, tiwati kadamo awirini. Yeso tamine tiwa‑ya okaminamaroni. Yeso tamine tiwa‑ya okaminara‑mani, Yeso ati tinofara neni. Tiwa okasomamaro, yama manakone haa·oteraboneni.

Ebereo 12:15

Dai noko wadahi. Deoso dai‑ya kasomebona ati ne, dai ene amosanadira, dai‑ya kasomi awirebonane. Dai ati bida toha ene mai ibi nofaraboneni. Mai dami ihi amosaraboneni.

Ebereo 13:9

Yamata bara dai kababone tamine‑ya mai kamina, mai ati‑nima dai na, dai‑ya kasomi nafebone mai ati na, mai ati dai nofariyahi, Yama ai kaba ai atibodi‑ya namosaterani. Deoso ati ai nofa, ai atibodi‑ya kasomabisatene. Yamata bara mai hikaba, mai atibodi‑ya kasomaterani.

Tiyako 5:20

dai ene dai owa abarebona, Deoso ati somawame, ene amosare Deoso hikadikami awirebonane.