Timoti daidi 3:15 - Deoso-ka Yama Hani

¹⁵ Okomaki kanibote oni awiriya, yama tiwatowahaboneni. Deoso‑ka mai ai toha, haa‑nima ai ene naboneni. Deoso‑ka mai ai toha, ai ene‑ya mai awiya, Deoso‑ya mai watowahaboneni. Yobe ewene amosare, yobe soneba awane. Fare‑nima ai ene amosara, Deoso Ati Amosabote mai watoraba awineni.

Timoti daidi 3:15 ပူးပေါင်းရင်းမြစ်များ

Mateo 16:16

“Deoso‑ka Ka‑kadika amatini. Deoso yokana Bidi amatini.” Simaho Bedoro ati nemarine.

Mateo 18:18

Owati amosa dai mitahi. Neme‑ya Deoso mai‑ya barikaneya, bofe‑ya mai baritikanahareboneni. Neme‑ya Deoso mai‑ya seekaneya, bofe‑ya mai seetikanahareboneni.

Yowaho 1:17

Ai ene towe manakone‑bone tamine‑ya Mose kanahanomatamonane. Yeso Kirisito ene amose, ai ene towe manakone‑ya nanahabe, Yeso Kirisito ene Deoso ai watowahamaroni.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yowaho 18:37

“Hidi webote amatiraniha?” Birato ati ne, “Hehe, hidi webote ama·oni. Deoso ati yokana okaminabone, bofe‑kaya okemaro, owada onamaroni. Deoso ati yokana‑ya mai no‑nofa owati‑ya mai tokadabateni.” Yeso ati nemarine.

Yowaho 6:69

Deoso‑ka yokana amatini. Tiwati oda nofini.” Simaho Bedoro ati nemarine.

Yeso‑ka yo‑yose mai tamine 1:2

Neme‑ya Yeso tokome tamine okanahano, neme‑ya toki awisareya, Deoso‑ka Doni ene hika yo‑yose mai hikadikamaro, mai‑ya hiyaremonane.

Yeso‑ka yo‑yose mai tamine 14:15

“Haa‑nima dai riyahi, deoso oda tohi awirini. Dai one oda amani. Deoso yokana Ati Amosabote oda kaminabone oda kakamani. Dai‑ka deoso bara hini mai tohiya, dai‑ya mai kasomara, mai‑ya dai kahiyarariyahi. Deoso yokana‑ta dai nofabisahi. Deoso yokana neme‑ya wama, bofe‑ya wama, faha webote‑ya wama, faha abe na, yama nafi‑ya Deoso yokana wama nibisane.

Homa 3:2

Yodeo ai toha yama dama‑ya ai kayafa, Deoso ai‑ya kasomi nafitene. Hibati‑ya ai‑ka idi mai‑ya Deoso hini ati‑ya hiyarematane. Deoso ati yokana mai hikanahano, ati‑ya ai‑ka idi mai kayafameteni.

Homa 9:26

Hibati‑ya Bara mai tamine‑ya mai hiyara, “Deoso‑ka mai tohi awirini.” Mai ati nameteni. Makobote mai tamine‑ya i‑di Oseya kanahano, “Deoso kitabote bidi mai tohawahineni.” Oseya ati nematane, Deoso‑ka yama hani‑ya.

Korito daidi 10:32

Yodeo mai toha, Kereko mai toha, Deoso‑ka mai toha na, dai ene‑ya mai awiya, Yeso hawine‑ya mai taratokariyahi.

Korito daidi 3:16

Deoso‑ka yobe dai toha, Deoso‑ka Doni dai‑ya sawi dai watokarini?

Korito yoto‑ke 3:3

Yeso Kirisito‑ka yama hani dai amani. Oda‑ka yama hani dai tohaharina, oda‑ka yama hani bebeo‑ya awirihi, yati‑ya awirihi na, dai atibodi‑ya Deoso‑ka Doni oda‑ka yama hani‑ya kanahano, Yeso ati‑ya kanahano ne, fara dai atibodi ati‑nima dai ene na, dai ene‑ya mai kadikaboneni.

Korito yoto‑ke 6:16

Mai‑ka deoso hiniya wamane, Deoso yokana tabaro‑ya sawiterene. Deoso yokana tabaro ai toha, deoso hiniya wamane‑ya ai sawiriyahi. “Oka mai toha, mai atibodi‑ya osawe, mai eyehe yaka·onaboneni. Mai‑ka Deoso ama·oni.” Deoso ati nematane.

Korito yoto‑ke 6:7

Deoso ati oda kamina, Deoso ene kitabote tohe, sodado mai‑nima sayo‑kaya yama kita‑ya mai damana, yama koma mai‑ya koborabone, yama mai damahina, mai‑ya kasoma‑nima Deoso oda‑ya kasomatene, Satanasi‑ka yama koma oda‑ya koborabonehe. Sodado mai yahi kanika‑ya yima‑ya mai damateni, mai hama mai‑ya mai bisinabonehe. Fara mai‑nima Deoso ati oda kamina, Satanasi‑ka mai kananaboneni.

Karatiya 2:9

I‑di Tiyako, i‑di Bedoro, i‑di Yowaho mai na, webote mai‑mone, i‑di Banabe oda fama, oda ati‑ya mai mitamaroni. Oda ati‑ya mai mitiya, oda yehe‑ya mai waranamaroni. “Hehe, oda‑nima dai na, Bara mai‑ya Deoso Ati Amosabote‑ya dai kaminahi. Oda‑ta Yodeo mai‑ya Deoso Ati Amosabote oda kaminaboneni. Deoso dai‑ya kasomebonane.” Mai ati namaroni.

Karatiya 3:1

Karatiya‑ya dai wi‑wina dai ka‑kana nawaha awineni. Mai‑ka keyehe‑ya dai nofawahineni. Hibati‑ya dai tabaro‑ya oda wina, Yeso Kirisito tamine oda kaminamaroni. Keyehe‑ya dai‑ya oda hirikaramaroni. “Yeso awa‑ya abemarine, ai manakone‑ya nanahaberi.” Oda ati namaroni. Yeso ati ai nofiya, ai sibarabone ona. Owati dai mita, owati dai watamaroni.

Efesiyo 4:21

Hibati‑ya Yeso Kirisito Ati Amosabote okamine, ati dai watokarini? Yeso keyehe‑ya hiriterene.

Koroso 1:5

Deoso tabaro‑ya ai winabone tamine‑ya dai mita, Deoso Ati Amosabote dai nofamoneni. Yeso kami tamine dai mita, Yeso kamebona‑ya dai nimanawahamoneni.

Tesaronika daidi 1:9

Mai ati ihi oda ya‑yainineni. Hibati‑ya dai tabaro‑ya oda kobona, oda ati dai nofa, madi mai‑ya dai hiyaramaro, madi mai‑ya dai hiyarami awirabone dai ati na, “Deoso yokana ohari‑ta oda kahiyarabisaboneni.” Dai ati namaro, Dai ati‑nima dai nineni.

Timoti daidi 3:14

Hibayata yama hani okanahana fa‑famaraba naboneni. Owa amoni fa‑famaraba niya, tiwa‑ya okomakeba awineni.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Timoti daidi 3:2

Deoso‑ka mai‑ya kanawatobona, eya ene nebonane. Hika yobote ohareboneni. Mai fanawi one‑ya nokotoni awirihi tebonane. Mai one kake, ati ene hika yobe‑ya mai winateni. Ati, atibodi ati, ene ne‑ya nawadatene. Deoso ati kanawato‑ya watone.

Timoti daidi 3:5

Ati fadi hinofarihi, ati bidi mai hinofarihi hineya, Deoso‑ka mai‑ya kanawatoya, ati mai hinofaterebonane.

Timoti daidi 4:10

Ai‑ka Hidi i‑di Yeso Kirisito abemari, kitame, abamaterebonane. Ai‑ka Hidi ati ai nofa ene yama‑ya ai ani, ai‑ya mai bisiteni. Ai‑ya Yeso nakitamebona ati ne, fara ai nimaneni.

Timoti daidi 6:16

Deoso abaterebonane. Hini wehene kite‑ya winane. Yama wahi kita ihi ahiyata‑ya ai tokaterani. Deoso noko ai awaterani. Deoso ai kahiyarahi. Deoso kitabote amane. Kiti fawaterebonane. Feye amani.

Timoti yoto‑ke 2:19

I‑di Deoso ati abaterene. Deoso mai‑ya kadikemari, Deoso mai oni‑ya watone. Deoso‑ka ama·oni, ai ati niya, Deoso ati‑nima ai nahi. Ai ene amosahi.

Timoti yoto‑ke 2:20

Yobe webote‑ya yama wiye amosa toha, manakone nafe toha, yama wiye one amosara toha, manakone bide toha teni. Oro wamani yama wiye one toha, barata wamani yama wiye one toha, awa wamani yama wiye one toha, atabo wamani yama wiye one toha teni.

Ebereo 10:21

Deoso‑ka yama‑bone‑ya mai da‑daa, mai‑ka hidi webote i‑di Yeso tohe, Deoso‑ka yobe hidi tohene.

Ebereo 12:22

Dai‑ta adami tati‑ya dai kobona‑nima Deoso tabaro yokana‑ya dai kobona, Yerosare neme‑kaya dai kobona, Deoso‑ka yo‑yose mai dama mai yorotokana mai ya‑yaina mai ai kadikaterani.

Ebereo 3:12

Dai noko wadahi. Dai atibodi amosa, Satanasi dai‑ya keyeheya, ati dai nofarayaho. Deoso ati dai tokadababisabonehe.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.

Bedoro daidi 2:5

Deoso‑ka yobe kote Yeso Kirisito tohane. Yati hasikana‑nima Yeso tohe, dai tohaharineni. Yeso ene yama amosa‑ya dai daanaboneni, Deoso‑ya.

Bedoro daidi 4:17

Hibayata Deoso ati ai no‑nofa ai ene‑ya Deoso kadikeya, ai manakone‑ya daanebonane. Deoso ati‑ya mai nofara, mai ihi Deoso kadikeya, hini yamata‑ya mai kayafiboneti?

Yeso Kirisito ene‑bona 7:2

Deoso‑ka yo‑yose mai 4 kana wami‑ka yama nafi‑ya mai weenabone, faha webote‑ka yama nafi‑ya mai weenaboneni. Deoso‑ka yo‑yose owa mahi ka‑kaki‑kaya yanane, tokomisane. Deoso yokana oni korimari wa‑wama‑ya damakane. Ati kita yanane, Deoso‑ka yo‑yose mai 4 kana mai‑ya hiyare,