Timoti daidi 1:9 - Deoso-ka Yama Hani

⁹ Yeso ati‑ya ai no‑nofa ai ene amosa, Mose‑ka yama hani ihi ai‑ya mai bisiterani. Mai ihi amosara, Mose‑ka yama hani ati ihi mai‑ya mai bisinaboneni. Deoso ati‑ya mai nofara, mai ihi amosaterani. Deoso ati‑ya owati nofara mai ati na, Deoso tamine‑ya keyehe‑ya mai hirina, mai‑ka abi, mai‑ka ami, mai na, mai‑ya mai bi‑bisi, mai one‑ya mai wakateni.

Timoti daidi 1:9 ပူးပေါင်းရင်းမြစ်များ

Mateo 10:21

Dai‑ka dai‑ya mai kahabanaboneni, dai‑ya mai nanahababonehe. Anidi sohori‑ya kahabana, badi bidi‑ya kahabana, mai‑ka madehe badi, madi mai na, mai‑ya mai kahabana, mai naboneni, mai mai hinahababonehe.

Homa 1:30

Mai one tamine‑mone‑ya keyehe‑ya mai hirinade, Deoso‑ya mai kako na, hini mai‑ya mai atibodi kahiyara, “Amosabotebisa oda amani.” Mai ati na. Hini mai atibodi yama towe hikadika‑nima mai ihi na, mai‑ka abi mai‑ka ami mai na, mai ati‑ya mai tokadabaterani.

Homa 4:13

Hibati‑ya Abaraho‑ya Deoso hiyare, “Abaraho, yama nafi tikayahaboneni. Makobote tika nodi tiwa tabaro‑ya mai kayafaboneni.” Deoso ati ne, “Ati‑nima yama naboneni.” Abaraho ati ne, Deoso ati‑ya nofe, Deoso ati somawame ene Deoso ati‑nima yama na‑ya Abaraho kayafebonane. Abaraho hini ene tohi awirihi, Mose ati ene tohi awirihi ne, Deoso ati‑ya Abaraho nofe ene Deoso ati‑nima yama na‑ya kayafebonane.

Homa 5:20

Deoso ati i‑di Mose hikanahanomata, ati ai tokadabare, ai ene amosara manakone tonafe, Deoso ai‑ya kasomare‑mana, ai aba neni. Ai ene amosara manakone‑ya Yeso nanahabe, ai ene manakone‑ya fiyakanematane.

Homa 6:14

Dai atibodi bote dai‑ka hidi tohamara. Yama amosara dai nofamariyahi. Mose ati dai‑ka hidi toharihi ne, Deoso‑ta dai‑ka hidi tohabise, Deoso dai‑ya kasomabise, dai‑ya ati somawame, dai ene‑maro‑ya kadikamarebonane.

Karatiya 3:19

Hini yamata ihi i‑di Mose‑ya Deoso hiyarati? Ai ene amosara ai wato, ai ene amosara manakone ai wato, ai nabone‑ya Mose‑ya Deoso hiyarane. Ati‑ya Mose kanahanomatane. Abaraho‑ka nodi i‑di Yeso Kirisito kobonebona‑ya nimanane. Kirisito koboni awisareya, Deoso ai‑ya hiyarebona, hika yo‑yose‑ya hiyare, ati‑ya hika yo‑yose i‑di Mose‑ya hiyaramakitase, ati‑ya i‑di Mose ai‑ya hiyaramakitasematane.

Karatiya 5:18

Hibati‑ya i‑di Mose ati dai‑ya barikane, hibayata Deoso‑ka Doni dai‑ya sawi, dai‑ya nawade, Deoso‑ka Doni ene Mose ati dai‑ya barikanamarene.

Karatiya 5:21

Mai one‑ka yama‑ya mai ati kobo, kawi ihi mai towe toha, mai dami ibi aha na, mai tamine owati dai mitahi. Hibati‑ya dai‑ya okaminamaro, okaminamatasaboneni. Haa‑nima mai ihi na, Deoso tabaro‑ya mai winateraboneni.

Karatiya 5:23

Mai ihi amosara, mai ihi amosawamabone, mai‑ya ai kasomateni. Ai ati, ai atibodi ati, ai ene na ai nawadateni. Ai ene‑ya yama hani ati barini awirini.

Tesaronika yoto‑ke 2:8

Satanasi‑ka owa ati kasiro‑ya mai awawahaboneni. Ai‑ka Hidi Yeso kobonameya, ati ene Satanasi‑ka owa abebonane.

Timoti daidi 4:7

Deoso ati‑ta tinofabisahi. Hiyara bote‑ya mai hiyariya, mai ati tinofariyahi. Tiwa‑ya tinawadahi, Deoso ati‑nima tinabonehe.

Timoti daidi 6:20

Timoti, Yeso ati nafi tinofa, Yeso ati‑nima tiyahi. Mai ati one tinofariyahi. Yama‑ya mai watora, mai ati tinofariyahi. Yama‑ya mai watamone mai ati na, yama‑ya mai watorani.

Timoti yoto‑ke 2:16

Deoso ati‑nima mai ati ni awira, mai ati honita toha, mai‑nima tiriyahi. Hini mai ati ihi mai ihi towe tohaboneni.

Timoti yoto‑ke 3:2

Hini mai‑ya mai nofa, ai one‑ya mai nofi awiraboneni. Mai one‑ka yamata‑ya mai kayawa naboneni. Yinero‑ya mai nokotonihe. “Amosabote ama·oni. Deoso ati kasiro ati oda nofi awirini.” Mai ati naboneni. Mai‑ka abi, mai‑ka ami na, mai ati‑ya mai nofaraboneni. Yama mai daahina ihi mai ya‑yaira, yama one‑ya mai nokotoniteni. Deoso ati‑ya mai nofaraboneni.

Tito 1:10

Yodeo mai dama Yeso ati‑ya mai nofara, ati honita‑ya mai‑ya mai keyeheteni.

Tito 1:16

“Deoso ati oda nofini.” Mai ati na, Deoso ati‑nima mai ni awira, mai ihi towe hinama yama amosa‑ya mai watoteraboneni. Mai atibodi towe, mai ihi amosaterani.

Tito 1:6

Mai tikadika, eya mai ihi nahi. Mai ihi amosa‑ta mai tikadikiyahi. Fadi ohare toha, ati fadi hinofa, ati hika madehe hinofa, Yeso ati‑ya hika madehe nofa na, tikadikabisayaho. Hika madehe ati kasira‑ta tikadikarayaho.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Ebereo 11:31

I‑di Habi hibati‑ya mai makidi dami‑ya dakoramete, makobote Deoso ati‑ya nofawaha, Isara·eo‑ka mai kobona, Yeriko‑ka mai kiti‑ya mai awabone, Deoso ati‑ya Habi nofa ihi mai‑ya kema, mai‑ya kasoma, Habi‑ya Deoso kasomamakitase, Yeriko‑ya mai wi‑wina mai aba, Habi hika mai eyehe‑ta hasinameteni, Deoso mai hikasomaro.

Ebereo 12:16

Dai ene amosahi. Dai‑ka yibote ohare‑ya dai famabisahi. Fana one‑ya dai famamakiriyahi. I‑di Esa‑nima dai riyahi. Deoso‑ka ka‑kasoma‑ya i‑di Esa nokotonire, sohori tefe bidi‑ya kanikebona, Deoso‑ka ka‑kasoma‑ya daanematane.

Bedoro daidi 2:7

Yeso ati‑ya dai nofa, “Yati amosabote manakone nafi Yeso tohe.” Dai ati nani. Yeso ati‑ya mai nofara, “Yeso amosare.” Mai ati na. Oda‑ka Hidi tohawahane.

Bedoro daidi 3:20

Hibati‑ya madi mai ihi amosara mai‑ya Deoso barikanematane. I‑di Nowe kanawa‑ya wamaneya, Deoso nimane. I‑di Nowe‑ka kanawa hawa tohiya, mai‑ya Deoso barikane. Makobote Yeso abe, mai‑ya hiyare, i‑di Nowe‑ka kanawa‑ka ai 8 kana mai hasina, mai one nafi abameteni, faha ihi. Mai 8 kana kanawa dori‑ya faha mese‑ya mai kawina, mai abarameteni.

Bedoro daidi 4:18

Deoso hawine yakani kite tohe, ai yakana, Deoso tabaro‑ya ai kobonaboneni. Deoso ati‑ya mai nofara mai ihi amosara, ebeni‑kaya mai kobonibati?

Yoda‑ka yama hani 1:15

Mai kamiya, mai ihi amosara, mai ihi‑ya mai kadikiya, mai manakone amosara‑ya mai daanaboneni. Mai ihi amosara mai toha, Deoso‑ka mai‑ya mai towe tonihemaro mai toha, Deoso‑ya mai we‑wee‑maro mai toha mai na, mai manakone amosara‑ya mai kayafawahaboneni.

Yeso Kirisito ene‑bona 21:8

Mai habi siitona ihi oka hawi‑ya mai sawira mai toha, owati‑ya mai tokadabara mai toha, mai ihi towe mai toha, mai one‑ya mai nanahaba mai toha, mai si‑siwa mai toha, madi mai‑ya mai ha‑haa mai toha, deoso bara mai‑ya mai ka‑kahiyara mai toha, keyehe‑ya mai hi‑hiri mai toha, mai na, wara hirini yati hirini sawi‑kaya mai sawibisaboneni. Mai abi oharimatasa‑nima mai na, mai kome fawaraboneni.” Hidi Webote ati nene.

Yeso Kirisito ene‑bona 22:15

Mai ihi towe mai toha, madi towe mai‑ya mai ha‑haa mai toha, mai si‑siwa mai toha, ai one‑ya mai na‑nanahaba mai toha, deoso bara mai‑ya mai ka‑kahiyara mai toha, keyehe‑ya mai no‑nofa mai toha, keyehe‑ya mai hi‑hiri mai toha, mai na, sidadi‑ya mai tokiyomateraboneni.