Timoti daidi 1:5 - Deoso-ka Yama Hani

⁵ Owati‑nima mai niya, Yeso ati‑ya mai nofi nafiya, mai ibi nofaboneni. Mai atibodi somawama, mai atibodi mai‑ya weeni awiraboneni.

Timoti daidi 1:5 ပူးပေါင်းရင်းမြစ်များ

Mateo 12:35

Mai atibodi ati towe tohiya, mai ati towe tohaboneni. Mai atibodi ati amosiya, mai ati amosaboneni.

Mateo 5:8

Deoso ati dai nokotoniyahi. Yama bara dai nokotoniriya, Deoso dai‑ya kasomebona, Deoso‑ya dai awawahaboneni.

Yeso‑ka yo‑yose mai tamine 15:9

Deoso noko‑ka oda‑nima mai na, Yeso ati‑ya mai nofa, mai‑ya ati somawamane.

Yeso‑ka yo‑yose mai tamine 23:1

Yodeo mai‑ka hidi mai‑ya Baoro kakatome, ati yanane, “Ayo, Soho, owati dai mitahi. Owa‑ya Deoso kakoterebonane, owa ene amosateni.” Baoro ati nemarine.

Yeso‑ka yo‑yose mai tamine 24:16

Deoso ati nima·ona ene owa noko wadateni, owa ene amosabonehe. Deoso ohiyariya, owatibodi owa‑ya weerihi, ai one‑ya ohiyariya, owatibodi owa‑ya weerihi teni.

Homa 10:4

Mose ati‑ya mai tokadababone mai ati na, Mose ati nafi‑ya mai tokadabara ene Mose ati mai‑ya barikane, Deoso tabaro‑ya mai koboraboneni. Yeso ati‑ya mai nofa, Mose ati mai‑ya barinami awirebona, Deoso mai‑ya ati somawamatene.

Homa 12:9

Mai‑ya dai ati nofa, mai‑ya dai nofi yokana tohahi. Yama towe‑ya dai kaka, yama amosa‑ta dai nokotonibisahi.

Homa 14:15

Dai owa yama kabi mai hinofara, mai noki‑ya tikabariyahi. Yama tikaba‑ya mai awiya, mai atibodi mai‑ya weenaboneni. Ai owa mai ai nofa, ai ene mai atibodi mai‑ya weeriyahi. Kirisito mai manakone‑ya nanahabemata, ai ene mai atibodi tosawaririyahi.

Homa 9:1

Kirisito‑ka ama·oni. Oka mai one Isara·eo‑ka nodi mai toha, Kirisito ati‑ya mai dami nofara, mai ihi owatibodi komene kita, keyehe‑ya hiri·orani. Owatibodi komene fawara‑ya Deoso‑ka Doni watone.

Korito daidi 13:1

Mai one ati dami‑ya owati yana, Deoso‑ka yo‑yose mai ati‑ya owati yana na, dai‑ya onofara‑mani, dai‑ya okasomara neni. Metaho‑ya mai ba‑baa mai moni‑nima owati tohaneni.

Korito yoto‑ke 1:12

Oda atibodi oda‑ya weera, oda ene amosamone oda atibodi ati na, oda ya‑yaiteni. Mai tabori‑ya oda ene amosa, dai tabaro‑ya oda ene amosa na, yama nafi oda watora, Deoso oda‑ya kasome ene oda ene amosani.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Timoti daidi 1:18

Timoti, owati timitahi. Tiwa oka dao onamaroni. Tiwa tamine‑ya Deoso ati‑ya mai hi‑hiyara mai kaminamaroni. “Deoso ati tihiyaraboneni. Tiwati fawariyahi.” Mai ati namaroni. Tiwa‑ya mai bisiniya, tiwa habo siitoriyahi. Deoso ati tihiyarabisahi.

Timoti daidi 1:19

Yeso ati tinofamaro, Yeso ati tinofiyahi. Tiwa ene amosiyahi. Tiwatibodi yati ati‑nima tiniya, tiwatibodi tiwa‑ya weeraboneni. Mai one mai atibodi yati ati‑ya mai tokadabara, mai ihi Deoso ati‑ya mai nofamarani.

Timoti daidi 3:9

Hibati‑ya yama‑ya mai watora, Deoso ai‑ya kanawatowahene. Mai atibodi yati ati‑nima mai ihi tohawahineni, mai atibodi mai‑ya weerabonehe.

Timoti yoto‑ke 1:3

Timoti, tiwa tamine‑ya Deoso‑ya ohiyarateni. Yama tehe‑ya Deoso ohiyara, yama soki‑ya Deoso ohiyara, oteni. Deoso‑ya oka idi mai nofamete, okobi hinofemari, fare onofaharineni. Owatibodi owa‑ya kakoterani.

Timoti yoto‑ke 1:5

Tika aki i‑di Rowidi, tika ami i‑di Eonisi, mai na, Deoso ati‑ya mai nofamaro, fara mai‑nima tina, Deoso ati‑ya tinofa, tiwa‑ya owati foyani.

Timoti yoto‑ke 2:22

Yetene mai ihi towe‑nima tinirihi, kawi nokotinirihi, mai fanawi nokotinirihi, Yeso‑ta nokotinibisahi. Yeso‑ya mai nofa mai tisawihi. Tiwa ene amosahi, Yeso mai‑ya nofa‑nima mai‑ya tinofahi, mai‑ya tiwatibodi ati somahi, tiwatibodi tiwa‑ya weenamakiraboneni.

Tito 1:15

Yeso ati‑ya ai no‑nofa, ai atibodi, ai atibodi ati, ai ene na amosateni. Yeso ati‑ya mai nofara, mai atibodi, mai atibodi ati, mai ihi na amosaterani.

Ebereo 10:22

Deoso‑ya ai hiyarabone, ai atibodi amosahi. Deoso ai ati‑ya mitebona ai atibodi ati nahi. Hibati‑ya ai atibodi‑ya Deoso‑ka Doni namose, ai atibodi ai‑ya weenamara, hibati‑ka mai‑ya mai wisana, mai‑nima ai nawaha, ai ene amosara manakone aba ihi faha amosa‑ya ai afina‑nima ai nawahani.

Ebereo 13:18

Oda tamine dai hiyarahi, Deoso‑ya. Oda atibodi amosa oda watoneni. Oda ene amosabone oda nofateni.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.

Tiyako 4:8

Deoso ati‑ya dai atibodi ati tokadaba, Deoso dai‑ya kasomebonane, ati dai nofi nafibonaha. Dai ene amosara dai ene dai kamina kanibote nahi. Deoso ati kote‑ya dai atibodi ati tokadaba, Satanasi ati kote‑ya dai ati tokadabahari na, towe dai amani. Deoso ati‑ya dai tokadabi ohari kanibote nahi.

Bedoro daidi 1:22

Deoso ati dai tokadabe, dai atibodi amosa, dai ene amosawamateni. Deoso‑ka dai toha, Deoso‑ka mai dai nofaboneni. Dai ibi nofi nafiyahi.

Bedoro daidi 3:16

Dai ati yananiya, dai ati yawara, dai ati somabisahi, dai atibodi dai‑ya weerabonehe. “Yeso Kirisito‑ka mai‑mone mai ati kasiroteni.” Mai ati na, Dai ene‑ya mai awiya, mai ati fawanabone, hini mai atibodi mai‑ya weenaboneni.

Bedoro daidi 3:21

Ai‑ya mai habanirisa ihi ai besene fawara, Deoso‑ya ai tamine ai kamina ai‑ya ati somawame, ai atibodi besene fawateni. Ai‑ya mai habanirisa, ai‑ya mai one awiya, Deoso ati ai nofa ai‑ya mai watowahaboneni. “Owati‑ya dai nofa, dai‑ya mai habanirisahi faha‑ya.” Deoso ati nematane. Dai atibodi dai‑ya weerabone, dai‑ya mai habanirisahi. Yeso Kirisito kitamemari‑nima ai kitamahareboneni.

Bedoro daidi 4:8

Dai ibi nofi nafihi. Ai ibi nofa, ai ene Deoso ya‑yainebonane. Mai ihi amosara mai dai nofa, mai ihi dai kadikara, mai dai nofaboneni.

Bedoro yoto‑ke 1:7

Deoso yama hinofa‑nima yama na dai nofa, dai ibi nofiyahi. Dai ibi nofa, dai ibi nofi na‑nafi nahi.

Yowaho daidi 3:10

Mai ihi ai awiya, mai‑ka abi oni ai watoteni. Mai ihi amosara, mai one‑ya mai nofarihi na, Deoso bidi mai tohara, Satanasi bidi mai tohani.

Yowaho daidi 3:23

Deoso ati dai mitahi. “Oka dao i‑di Yeso Kirisito ati dai nofiya, owati‑maro‑nima dai ibi nofahi.” Deoso ati nemarine.

Yowaho daidi 3:3

Yeso‑nima ai nabone ai atibodi ati na, ai ene ai namosateni, Yeso ene amose‑nima ai ene amosabonehe.