Timoti daidi 1:20 - Deoso-ka Yama Hani

²⁰ I‑di Imeneo, i‑di Aresadiri, mai fama, mai atibodi ati‑ya mai tokadabara, owati ihi oda‑ya mai dabamarani. Deoso‑ya mai we‑wee tohamaro, Satanasi‑ya mai‑ya daa·onani, Deoso ene tamine‑ya keyehe‑ya mai hirimarabonehe.

Timoti daidi 1:20 ပူးပေါင်းရင်းမြစ်များ

Mateo 18:17

Dai ati‑ya nofare, Deoso‑ka dai toha dai yorotokaniya, mai‑ya dai hiyarahi. Makobote, dai dama dai ati yananahi. Dai nafi ati‑ya nofareya, dai owa tohamare‑nima nebonane.

Yeso‑ka yo‑yose mai tamine 13:45

Mai dama, mai‑ya Yodeo mai awa, mai ati yawawaha, “Baoro keyehe‑ya hirine. Deoso ati‑ya kamini awire, Satanasi ati‑ya kaminabisane.” Mai ati namoneni, mai yawaro.

Yeso‑ka yo‑yose mai tamine 19:33

I‑di Aresadiri‑ya Yodeo mai waratona mai naha, mai bai‑ya mai hiwakamane, mai‑ya hiyarebonaha. “Dai ati fawanahi.” Aresadiri yehe ati ne. Oda‑ya dai ati weeriyahi ati nebona, mai ati fawara, hiyari awirane.

Korito daidi 11:32

Ai ene‑ya Deoso kadikeya, ai‑ka abi bofe‑ke ene‑nima ai‑ya wee, ai‑ya kosi neba awane, Satanasi‑ka mai ababone mai‑nima ai ni awirabonehe.

Korito yoto‑ke 10:6

Kirisito ati dai tokadabi bahe, nowati‑ya Kirisito ati‑ya mai tokadabamakira, mai oda weeniya, mai manakone amosara oda daanaboneni.

Korito yoto‑ke 13:10

Yama yaki‑ya owina, yama hani‑ya dai‑ya wee·onani, dai ene amosawamabonehe. Dai ene amosawamiya, dai tabaro‑ya kobo·oniya, dai‑ya wee·onami awiraboneni. Kirisito owa‑ya yosemari ene, owa ene kitateni. Owa kiti dai‑ya kasoma, ya‑yai·oteni. Owa kiti dai‑ya nakoma, onofi awirini.

Tesaronika yoto‑ke 3:15

Dai one yama mai anira, mai dai kakoriyahi. Ai‑ka soho‑ya ai weena‑nima hiniya mai dai weenibisahi, yama‑ya mai aninawahabonehe.

Timoti daidi 5:15

Mai fanawi one Yeso ati‑ya mai nofa‑mone mai ati na, mai‑ka yibote abe, Yeso ati‑ya mai nofami awira, Satanasi ati‑ya mai nofawahamoneni.

Timoti yoto‑ke 2:14

Timoti, owati timitamatasahi. Tika mai‑ya tihiyarahi. Mai ati‑ya Deoso mite, mai ihi‑ya Deoso kakatomane, mai one hini mai ati‑ya mai hiyara, mai ibi weena, mai ati ihi mai one atibodi koma kita, mai teni. Mai‑ya tiwati barinahi.

Timoti yoto‑ke 2:17

Ido ai kiha, ai ketehera, dodamawahateni. Fara ido‑nima i‑di Imeneo, i‑di Fireto mai ati tohateni. Mai ati‑ya tiwati barini awiriya, mai ati dodamawahaboneni.

Timoti yoto‑ke 3:2

Hini mai‑ya mai nofa, ai one‑ya mai nofi awiraboneni. Mai one‑ka yamata‑ya mai kayawa naboneni. Yinero‑ya mai nokotonihe. “Amosabote ama·oni. Deoso ati kasiro ati oda nofi awirini.” Mai ati naboneni. Mai‑ka abi, mai‑ka ami na, mai ati‑ya mai nofaraboneni. Yama mai daahina ihi mai ya‑yaira, yama one‑ya mai nokotoniteni. Deoso ati‑ya mai nofaraboneni.

Ebereo 12:5

Deoso ati dai fawanihe awineni. Deoso bidi dai toha, dai‑ya hiyare, “Oka dao dai amani. Dai kosi·oniya, dai yawarihi. Dai wee·oniya, dai habo siitorihi, dai nahi. Dai okasomabone owati amani.” Deoso ati nematane.

Yeso Kirisito ene‑bona 13:1

Faha webote widi‑ka siki‑ya dafi waane, Bani Hame faha‑kaya kaki, faha widi‑ya tokomorosene. Fare tati 7 kane toha, narabo ewene 10 kane toha nane. Hidi‑ka sabewa 10 kana, fai narabo ewene‑ya siinareni. Tati‑ya yama hani kobobokana, “Deoso ama·oni.” Yama hani ati neni. Hiniya keyehe‑ya hirine ati amane.

Yeso Kirisito ene‑bona 3:19

Mai onofa mai wee·oteni, mai ihi amosawahabonehe. Dai noko wadahi! Dai ene towe tohamaro‑nima dai ene namariyahi.