Timoti daidi 1:18 - Deoso-ka Yama Hani

¹⁸ Timoti, owati timitahi. Tiwa oka dao onamaroni. Tiwa tamine‑ya Deoso ati‑ya mai hi‑hiyara mai kaminamaroni. “Deoso ati tihiyaraboneni. Tiwati fawariyahi.” Mai ati namaroni. Tiwa‑ya mai bisiniya, tiwa habo siitoriyahi. Deoso ati tihiyarabisahi.

Timoti daidi 1:18 ပူးပေါင်းရင်းမြစ်များ

Yeso‑ka yo‑yose mai tamine 16:1

Derebi‑ya Baoro mai towaka, Risita‑ya mai towakawaha, Risita‑ya Timoti wine. Timoti madi Yeso ati‑ya no‑nofa, Yodeo toha, badi‑ta Kereko toha nemonane.

Korito daidi 4:17

Owati‑ya dai ati kadamowamarabone, i‑di Timoti oyoseneni. I‑di Timoti onofi nafi, oka dao‑nima ne. Yeso Kirisito tamine‑ya okamine, owati‑nima nemari, fare oka dao amane. Mai tabori‑ya mai okanawato‑nima dai tabaro‑ya i‑di Timoti dai‑ya kanawatomakitasebonane.

Korito daidi 9:7

Sodado mai toha mai tafe manakone wadaterani. Yamata ai kama, kote ai kaba, manakone wadarihi, kaneiro mai ai nawada, mai yohari fahi ai fawa, manakone wadarihi teni.

Firibo 2:22

I‑di Timoti ene dai awemari, ene sibaremarine. Oka dao‑nima i‑di Timoti ne, oda fama, Deoso‑ka yama oda aninineni, Deoso Ati Amosabote mai watowahabonehe.

Timoti daidi 1:2

Timoti, tika yama hani‑bone okanahanoneni. Yeso tamine hibati‑ya ohiyare, tamine tinofa, tiwa oka dao onamaroni. Ai‑ka Abi, i‑di Deoso, ai‑ka Ayo i‑di Yeso Kirisito ne, tiwa‑ya mai kasoma, tiwatibodi ati tiwa‑ya somateni.

Timoti daidi 1:5

Owati‑nima mai niya, Yeso ati‑ya mai nofi nafiya, mai ibi nofaboneni. Mai atibodi somawama, mai atibodi mai‑ya weeni awiraboneni.

Timoti daidi 4:14

Hibati‑ya Deoso ati‑ya mai wato ba‑basi na, tiwa tati‑ya mai yahi fore, tiwa tamine‑ya mai hiyara, “Deoso ati ene mai tikanawatohi.” Mai ati namaroni. Mai ati timita, tiwati kadamowamariyahi. Mai ati ihi Deoso tiwa‑ya kasomatene.

Timoti daidi 4:4

Yama nafi wamahinamete amosa‑ya dai ati towe toniriyahi. Yama tamine Deoso‑ya dai kahiyara, dai kaba sibaraboneni.

Timoti daidi 6:20

Timoti, Yeso ati nafi tinofa, Yeso ati‑nima tiyahi. Mai ati one tinofariyahi. Yama‑ya mai watora, mai ati tinofariyahi. Yama‑ya mai watamone mai ati na, yama‑ya mai watorani.

Timoti yoto‑ke 1:2

Timoti, tiwa oka dao onamaro, tiwa onofa, tika yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito ne tiwa‑ya mai kasoma, tiwatibodi ati tiwa‑ya soma teni.

Timoti yoto‑ke 4:7

Owa ene sibarani. Sodado‑ka yama anini kiti‑nima oka yama anini kitani. Owa kanani hawa tohi yanatoni. Deoso ati‑nima onani.

Tito 1:4

Tito, tika yama hani‑bone okanahana, tikadikiyahi. Oka dao owa amatini. Deoso ati ohiyara, owati‑ya timita, Deoso ati tinofawahamaro, tiwa oka dao onamaroni. Ai‑ka abi i‑di Deoso, ai‑ka ayo i‑di Yeso Kirisito mai na, tiwa‑ya mai kasoma, tiwatibodi tiwa‑ya weerabone, Yeso Kirisito tiwa manakone‑ya nanahabemari, tiwa‑ya kasomebonane.

Firimo 1:10

I‑di Onesimo tikanikemona tamine timitiyahi. Oka dao owa‑nima Onesimo nawawahane. Kadeya‑ya owaa, Yeso Kirisito Ati Amosabote‑ya i‑di Onesimo‑ya okamina, Yeso ati‑ya Onesimo nofawahe, fare oka dao tohawahene.