Timoti daidi 1:17 - Deoso-ka Yama Hani

¹⁷ Deoso ai‑ka Hidi webote ohari, abaterebonane. Ai nafi‑ka Hidi i‑di Deoso tohe, Deoso noko ai awatere, neme‑ya wine, Deoso ai nofa, “Deoso amosabote amane.” Ai ati na. Ai ati fawariyahi. Owatibodi ati nineni.

Timoti daidi 1:17 ပူးပေါင်းရင်းမြစ်များ

Mateo 25:34

Hidi webote‑ka kanika‑ya mai naha mai‑ya hiyarebona, ‘Okobi dai‑ya nofi nafine, dai nafi‑ka hidi kitabote ohawaha, owa‑ya dai sawiwahaboneni. Hibati‑ya yama nafi‑ya wamani awisareya, dai‑ya okayawamaroni.

Mateo 28:20

Owati nafi‑ya dai kanawatohi, owati‑ya mai tokadababonehe. Dai tokiya, dai‑ya osawebone, dai honita tohateraboneni.” Yeso ati nemarine.

Mateo 6:13

Tiwa ene yama amosara oda nokotoniriyahi. Oda nafi‑ka hidi tihawahabone, kitabote amatini. Amosabote amatini. Yama maakani awirabone, fara amosineni.’ Dai atiyahi.

Yowaho 1:18

Deoso ai aware tamine‑ya Bidi kaminemarine. Bidi yokana Badi‑ya famene.

Yowaho 5:44

Hini dai hinama dai ibi kahiyarabisa, Deoso dai‑ya kahiyarebona‑ya dai nokotonirani. Fara ihi owati dai nofarani.

Homa 1:20

Bofe‑ya Deoso ene‑ya mai nafi awa, neme‑ya ene mai hiawahari hine. Deoso kitabote tohe‑ya mai awateni. Deoso‑ya mai watora, hini mai ihi tohateni.

Homa 1:23

Deoso yokana ati‑ya mai nofara, hiniya mai yahi‑ya yama‑ya mai wamana, bani mai afe wada mai‑nima na toha, bani yama‑ka mai‑nima na toha, maka‑nima na toha, ai‑nima na toha na, fara yama mai wamahina, ati wadarihi, hasikani wadarihi na‑ya mai kahiyaranasa nineni. Yama mai wamahina‑ya mai kahiyarabisa, Deoso yokana‑ya mai kahiyari awirani.

Homa 11:36

Yama ai kiha‑ya Deoso daanemari, yama nafi‑ka hidi amane. Ai kahiyare, ai kahiyari fawarayaho. Feye amani.

Homa 16:27

Deoso yama nafi‑ya wato, Yeso Kirisito ene Deoso‑ya dai kahiyaranadiya, dai kahiyari fawarayaho. Feye amani.

Homa 2:10

Mai one ihi amosa, mai manakone amosa‑ya Deoso daanebonane. Hini tabaro amosabote‑ya mai‑ya nawiniya, mai‑ya kasomebona, mai‑ya kahiyarebona, mai atibodi mai‑ya ati somaboneni. Yodeo mai toha, Bara mai toha na, Deoso eyehe mai winiya, mai ya‑yainaboneni.

Homa 2:7

Deoso ati‑ya mai no‑nofa, Deoso ati‑ya mai tokadaba, mai ihi amosa, Deoso tabaro‑ya mai nokotoni fawara, mai manakone amosa‑ya Deoso daanebonane. Deoso tabaro amosabote‑ya mai winiya, mai ya‑yainaboneni. Deoso ene mai abamateraboneni.

Koroso 1:15

Deoso ai awatera, Yeso‑ta ai awabisa, Deoso‑nima nane. Deoso Bidi yokana ohari, oni Yeso Kirisito tohane. Yama‑ya Deoso wamani awisareya, Kirisito‑ta tohematane.

Ebereo 11:27

Deoso ati‑ya i‑di Mose nofe, Eyito‑ya winemata, tabora bara‑ya tokawahe. Atibodi ati, “Eyito mai‑ka hidi owa‑ya kako, yama sibaraboneni. Owa habo siitoraboneni. Hibayata Kirisito oawara makobote oawebona, owa manakone amosa‑ya daanebonane.” Atibodi ati nematane.

Ebereo 2:7

Hibati‑ya bofe‑ya ai‑ka Ayo wineya, Deoso ene ai‑ka Ayo kiti bi‑bidi, amosi bi‑bidi noko wehene bi‑bidi nematane. Makobote Deoso‑ka yo‑yose mai kiti‑ya kiti fiyakana, mai amosi‑ya amosi fiyakana, mai noki wahi‑ya noko wehene fiyakana nane.’ Ai owa ati ne, ati‑ya kanahanomatane.

Bedoro daidi 5:11

Ai nafi‑ka Hidi i‑di Deoso tohe, kite, kiti fawaterebonane. Deoso ati‑nima yama naboneni.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.

Yowaho daidi 4:12

Deoso ai awaterani. Ai ibi nofa, Deoso ai atibodi‑ya winatene. Deoso ai atibodi‑ya wine, ai ibi nofi nafeboneni.

Yoda‑ka yama hani 1:25

Deoso ohari tohe, amosabote tohe, kitabote tohe, ai dami‑ka Hidi tohe, Yeso Kirisito oda‑ka Hidi dai fama, hibati‑ka dai toha, hibayata‑ka dai toha na, makobote yama nafi abiya, hini dai toha, dai tohasa naboneni. Feye amani.

Yeso Kirisito ene‑bona 15:3

I‑di Mose i‑di Deoso‑ya na‑narifa amane. Mose‑ka wayoma, Kaneiro Bidi‑ka wayoma na‑ya mai wayoma, “Deoso, oda‑ka hidi webote amatini. Kitabote amatini. Tiwa ene amosa hinama amani. Tiwa ene kitabote amani. Tiwa ene oda awa, keyehe‑ya hirititerani. Bofe‑ka mai nafi‑ka hidi webote amatini.

Yeso Kirisito ene‑bona 17:14

Mai‑ka sodado Kaneiro Bidi‑ya mai ati bisinabone, Kaneiro Bidi mai‑ya bisinibisebonane. Kaneiro Bidi hidi bidi mai nafi‑ka hidi tohe, hidi webote mai nafi‑ka hidi toha nane. Bofe‑ka mai one‑ya Kaneiro Bidi haanemari, mai‑ya kayawemari, Deoso hawine‑ya mai sawi oharemaroni. Kaneiro Bidi‑ya mai dabineni.” Deoso‑ka yo‑yose ati nene.

Yeso Kirisito ene‑bona 19:1

Yama hawa tohi‑ya neme‑ya mai dama mai ati kita, mai ati omita, “Yehowa dai kahiyarahi. Ai‑ka Deoso ati ene ai hasineni. Ai‑ka Deoso amosabote amane. Ai‑ka Deoso kitabote amane.

Yeso Kirisito ene‑bona 19:16

Hika bora fanaki‑ya oni kawane, “Hidi webote mai‑ka hidi ama·oni. Hidi mai nafi mai‑ka hidi ama·oni.” Hika bora fanaki‑ka yama hani kawana ati nani.

Yeso Kirisito ene‑bona 19:6

Mai dama mai hiyari‑nima mai ati na, mai ati yanana, mai ati omitani. Faha webote rike moni‑nima mai ati nihi, bahi ati kite ati‑nima mai ati nihi na, mai ati omita, “Yehowa ai kahiyarahi. Ai‑ka Deoso kitabote yokana amane. Yama nafi‑ka hidi tohawahane.

Yeso Kirisito ene‑bona 7:12

Mai ati yanana, “Fara amatini. Amosabote amatini. Oda nafi tiwa‑ya nofa, oda nafi tiwa‑ya kahiyara, tiwa ene oda nafi ya‑yaiteni. Yama wato tinafe, yama nafi‑ka hidi tiha, tiwa oda kahiyari fawateraboneni. Ti·abateraboneni.” Mai ati nani.