Timoti daidi 1:16 - Deoso-ka Yama Hani

¹⁶ Ai manakone nafi‑ya Yeso nanahabemari, ati ai nofeya, ai ene sibaraboneni. Owa‑ya mai awiya, Deoso yawa kanibote reya, mai watowahaboneni. Yeso ati ai nofiya, ai winawahaboneni Deoso tabaro‑ya. Deoso yawa kanibote ne‑mana, owa‑ya nanahabe namatane.

Timoti daidi 1:16 ပူးပေါင်းရင်းမြစ်များ

Roka 15:10

Owati dai mitahi. Deoso ati‑ya ai owa nofaremari, Deoso ati‑ya nofawaheya, Deoso‑ka yo‑yose mai sawi‑kaya mai ya‑yaiteni.” Yeso ati nematane.

Roka 23:43

“Owati timitahi. Hibayata tabora amosabote‑ya okomabone, owa‑ya tisawebani.” Yeso ati nematane.

Roka 7:47

Hibati‑ya fana ihi towe dama, ihi towe manakone wadamarani. Owa‑ya nofi nafineni. Mai ihi amosamone mai ati na, owa‑ya mai nofi nafirani.” Yeso ati nematane.

Yowaho 20:31

Yeso ene kote okanahano, Yeso tamine dai nofebonaha. Yeso i‑di Kirisito amane. Deoso Bidi amane. Tamine dai nofeya, Yeso ene dai abaraboneni.

Yowaho 3:36

Deoso Bidi ati ai nofa ai abateraboneni. Deoso Bidi ati‑ya mai nofara Deoso tabaro‑ya mai sawirabone, mai ihi manakone hasinasa nineni.” Yowaho ati nematane.

Yowaho 5:24

Owati amosabote dai mitahi. Okobi owa‑ya yosemarine. Owati‑ya mai mita, Okobi ati‑ya mai nofa, mai abateraboneni. Mai ihi towe manakone oda haarabone, mai kome fawarabone‑ka mai tohami awirini, mai abarabone‑ka mai tohabisineni.

Yowaho 6:37

Dai one‑ya Okobi owa‑ya daane, Okobi mai daahina owa‑ya mai nafi nofabone, owa‑ya mai nofiya, ‘Dai‑ya onofi awirini, dai tokahi.’ Oteraboneni.

Yowaho 6:40

Haa‑nima yama na‑ya Okobi nofane, Bidi mai hiawa, Bidi ati mai hinofa hine mai abateraboneni. Yama faina‑bone‑ya mai onakitamaboneni.” Yeso ati nemarine.

Yowaho 6:54

Owa eme‑ya mai kaba, owa emene‑ya mai fawa na, mai abateraboneni. Yama faina‑bone‑ya mai onakitamaboneni.

Yeso‑ka yo‑yose mai tamine 13:39

Yeso ati ai nofa, ai‑ya Deoso ati somawamatene. Mose‑ka yama hani ati ihi ai‑ya Deoso ati somawamare, Yeso ati ai nofa‑ta Deoso ai‑ya ati somawamatene.

Homa 15:4

Ai‑ya mai kanawatabone, Deoso ati‑ya mai kanahanameteni. Yeso hawine‑ya ai yakana, Deoso ati‑ya ai kadika, Deoso tabaro‑ya ai koboni awisariya, ai kobonabone ai atibodi ati na, ai ya‑yaiteni.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Korito daidi 7:25

Mai fanara mai tamine dai mitabone, oka yama hani‑bone dai kanahanoneni. Mai fanara mai tamine‑ya Yeso owa‑ya kamini awisare, mai tamine yama owato bide oha, tamine okanahanaboneni. Deoso owa‑ya kasome ene keyehe‑ya hiri·ora, owa dai watoneni.

Korito yoto‑ke 4:1

Deoso ati oda kaminebona ati ne. Ati oda kamine, oda habo siitora, oda ati fawaterani.

Efesiyo 1:12

Yeso Kirisito ati oda nofi baha, oda‑ya mai awiya, Deoso amosabote‑ya mai watowahiya, Deoso‑ya mai kahiyaraboneni.

Efesiyo 1:6

Bidi i‑di Yeso‑ya nofi nafi, ai‑ya nofahari, ai‑ya kasome, Yeso ene Deoso bidi ai tohawaha, Deoso ene amosabote ai kahiyarahi.

Efesiyo 2:7

Deoso ene Yeso Kirisito ai manakone‑ya nanahabe, ai‑ya kasome, hibayata ai kasomi tamine nafi ai watosa ni awira, makobote ai watowahaboneni. Fara Deoso ene amosabote‑ya mai nafi awawahaboneni.

Tesaronika yoto‑ke 1:10

Ai‑ka Hidi kameya, ati ai no‑nofa ai yorotokanabone, ai‑ka Hidi ai nafi kahiyaraboneni. “Ayo Yeso, amosabote amatini. Tiwa ene amosini.” Ai ati naboneni. Yeso tamine oda kamine, Yeso ati dai nofa, dai ati‑ya mai one mitamakiya, Yeso ati‑ya mai nofiya, Yeso koboneya, mai nafi kahiyaraboneni.

Timoti daidi 1:13

Hibati‑ya Yeso ati onofara, Yeso tamine‑ya keyehe‑ya hiri·ona, Yeso ati‑ya mai no‑nofa mai‑ya bisi·ona, yama owatora, Deoso owa‑ya ati somawamemarine.

Ebereo 7:25

Yeso ati ai nofa, Deoso‑ka ai tohawaha, Yeso ai‑ya kasomatene. Ai aba, Deoso tabaro‑ya ai‑ya towakamebonane. Yeso abamatere, ai tamine‑ya kaminatene Deoso‑ya. “Abi, owati‑ya mai no‑nofa mai tikasomahi. Mai ihi amosariya, mai manakone onahabamaroni. Mai‑ya tiwati yawariyahi.” Yeso ati tene.

Bedoro daidi 3:20

Hibati‑ya madi mai ihi amosara mai‑ya Deoso barikanematane. I‑di Nowe kanawa‑ya wamaneya, Deoso nimane. I‑di Nowe‑ka kanawa hawa tohiya, mai‑ya Deoso barikane. Makobote Yeso abe, mai‑ya hiyare, i‑di Nowe‑ka kanawa‑ka ai 8 kana mai hasina, mai one nafi abameteni, faha ihi. Mai 8 kana kanawa dori‑ya faha mese‑ya mai kawina, mai abarameteni.

Bedoro yoto‑ke 3:15

Mai one Yeso ati‑ya nofara, Deoso mai‑ya nofe, Yeso ati‑ya mai nofabone mai‑ya Deoso nimanane, mai abarabonehe. Ai‑ka soho i‑di Baoro ai nofi nafi, dai‑ka yama hani‑bone‑ya kanahano, Deoso ati‑ya kaminemarine. Baoro ati‑nima yama nineni. I‑di Baoro‑ya Deoso kanawato, dai‑ya Baoro Deoso ati‑ya kaminawahemarine.

Bedoro yoto‑ke 3:9

Deoso hini ati‑nima nebona dai atibodi kadamowamariyahi. Mai ihi amosara mai ababone ati nemata, ati‑nima nebonane. Mai ihi amosara, mai‑ya nanahaba kanibote ni awire, mai ihi amosawamaba awineni. Mai abiya, Deoso nofare mai ihi‑ya mai kaminabone‑ya nofabisane.