Timoti daidi 1:15 - Deoso-ka Yama Hani

¹⁵ “Yeso Kirisito kame, ai manakone‑ya nanahabemarine.” Mai ati na. Keyehe‑ya mai hirini awirani. Towe ama·oni. Owa ene amosara, owa manakone nafibisamaro, ama·oni. Owa manakone‑ya Yeso nanahabemarine.

Timoti daidi 1:15 ပူးပေါင်းရင်းမြစ်များ

Mateo 1:21

Deoso Bidi hiyose, Mariya dori‑ya foye, wadeya, oni Yeso tohebonane. Mai ati kasira mai manakone‑ya nanahabebonane.” Deoso‑ka yo‑yose ati wadarine ati nematane.

Mateo 18:10

“Owati dai mitahi. ‘Madehe towe hini tohiya.’ Dai atibodi ati riyahi. Okobi tabaro‑ya Deoso‑ka yo‑yose madehe‑ya mai kayawateni.

Mateo 18:11

Bofe‑ya dai wi‑wina Deoso hawine dai watora, dai‑ya okemaroni, dai‑ya okasomabonehe.

Mateo 20:28

Dai‑ka Ayo neme‑ke‑nima dai nahi. Owa dai narifara, dai‑ya onarifabisateni. Mai dama mai ihi manakone‑ya onahababone, o·ababoneni.” Ati nemarine.

Mateo 9:13

Yama hani ati dai mitahi, ‘Oka bani‑bona mai daana mai ihi ya‑yai·oni nafira, mai ati soma mai ihi ya‑yai·obisaboneni.’ Yama hani ati neni. Mai ihi amosamone mai ati na, mai hima·orani. Mai ihi amosara mai hima·onabone okemaroni.” Yeso ati nemarine.

Maroko 2:17

Mai ati‑ya Yeso mite, ati yanane, “Mai kiyara mediko mai‑ya kasomaterene. Mai kiyana‑ta mediko mai‑ya kasomatene. Mai ihi amosamone mai ati na mai hima·orani. Mai ihi amosara mai hima·onabone ihi okemaroni.” Yeso ati nemarine.

Roka 15:2

Fariseo mai toha, Mose‑ka yama hani ati‑ya mai ka‑kamina mai toha, mai na, mai yawa, “Mai ihi amosara mai toha na mai‑ya Yeso sawi, mai eyehe tafane. Yeso towe amane.” Mai ati nameteni.

Roka 19:10

Bofe‑ya dai wi‑wina dai‑ya okemaro, Deoso hawine dai watora dai‑ya siba·onaboneni, dai okayafabonehe.” Yeso ati nematane.

Roka 5:32

Mai ihi amosamone mai ati na, mai hima·orani. Mai ihi amosara mai hima·obisateni, mai ihi amosawamabonehe. Fara ihi okemaroni.” Yeso ati nematane.

Yowaho 1:12

Abano oda nofa, ati oda nofa ne, ati ene Deoso bidi oda tohawahamaroni.

Yowaho 1:29

Mahi owa‑ya Yowaho Yeso‑ya awe, mai dami‑ya hiyare, “Kamaki dai awaho. Deoso‑ka Kaneiro Bidi amane. Deoso hiyose, bofe‑ya ai wi‑wina ai manakone‑ya nanahabebonane.

Yowaho 12:47

Owati‑ya mai mita, owati‑ya mai tokadabara, mai‑ya wee·orani. Mai nafi okasomabone, okemaroni.

Yowaho 3:36

Deoso Bidi ati ai nofa ai abateraboneni. Deoso Bidi ati‑ya mai nofara Deoso tabaro‑ya mai sawirabone, mai ihi manakone hasinasa nineni.” Yowaho ati nematane.

Yeso‑ka yo‑yose mai tamine 11:1

Yodeya‑ya Yeso ati‑ya mai nofa mai toha, Yeso‑ka yo‑yose mai toha na, Yeso ati‑ya Bara mai nofawaha tamine‑ya mai mitineni.

Yeso‑ka yo‑yose mai tamine 11:18

Bedoro ati‑ya mai mita, fai‑ya mai weenami awirani. “Deoso amosabote amane, ai‑nima mai nawaha, Deoso‑ya mai tamine‑ya Bara mai kamina, mai‑ya Deoso ati somawamebonane. Mai abateraboneni.” Mai ati namoneni.

Yeso‑ka yo‑yose mai tamine 3:26

Deoso Bidi‑ya nakitami hawa tohe, dai‑ya hiyosemi dai hihemarine. Dai‑ya kasomebona, dai ene towe tohamarabonehe.” Bedoro ati nemonane.

Homa 11:14

Dai‑ya ohiyara, owa‑ya Yodeo mai awiya, mai yawaba awineni. Yeso ati‑ya dai nofa Deoso dai‑ya kasome‑ya mai awiya, Yeso ati‑ya mai one nofamakeba awineni.

Homa 5:6

Hibati‑ya Deoso ai watora, ai ene towe tonafe, ai‑ya ai kasomi watora, Deoso ati ai nofi awisarihi niya, Deoso ati‑nima Kirisito abematane, ai manakone‑ya nanahabebonaha.

Korito daidi 15:9

Yeso‑ka yo‑yose mai one amosabisa, owa‑ta towe ama·oni. Hibati‑ya Yeso ati‑ya mai no‑nofa mai‑ya bisi·onamaroni. Owa ene‑maro Deoso owa‑ya yosere‑mana, sibare nane. Owa‑ya yosemarine.

Efesiyo 3:8

Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.

Timoti daidi 1:13

Hibati‑ya Yeso ati onofara, Yeso tamine‑ya keyehe‑ya hiri·ona, Yeso ati‑ya mai no‑nofa mai‑ya bisi·ona, yama owatora, Deoso owa‑ya ati somawamemarine.

Timoti daidi 1:19

Yeso ati tinofamaro, Yeso ati tinofiyahi. Tiwa ene amosiyahi. Tiwatibodi yati ati‑nima tiniya, tiwatibodi tiwa‑ya weeraboneni. Mai one mai atibodi yati ati‑ya mai tokadabara, mai ihi Deoso ati‑ya mai nofamarani.

Timoti daidi 3:1

“Deoso‑ka mai‑ya okanawataboneni.” Ai owa ati ne, yama amosa‑ya ati kobonane. Timoti, owati timitahi. Keyehe‑ya hiri·orani.

Timoti daidi 4:9

Deoso ati yokana amane, ati timitaho.

Timoti daidi 6:13

Deoso ai‑ya wamanemata owati‑ya mitane. Yeso Kirisito i‑di Bonisiyo Birato‑ya hiyare, habo siitoremari, Yeso Kirisito owati‑ya mitane. Owati timitaharihi. Deoso ati tikadaba, tiwa‑ya mai ati bisina, tiwa habo siitoriyahi.

Timoti yoto‑ke 2:11

Keyehe toharani. Ati tinofaho. “Yeso eyehe ai abamaro, ai kitamatasaboneni. Deoso tabaro‑ya ai winawahaboneni.

Tito 3:8

Owati timitahi. Hini owati‑nima mai‑ya tihiyaramakitasahi. Deoso ati ai nofa, ai ene amosahi. Mai ai kasoma. Ai ene amosiya, mai ai kanawatoya, Deoso ati‑ya mai nofaba awineni.

Ebereo 7:25

Yeso ati ai nofa, Deoso‑ka ai tohawaha, Yeso ai‑ya kasomatene. Ai aba, Deoso tabaro‑ya ai‑ya towakamebonane. Yeso abamatere, ai tamine‑ya kaminatene Deoso‑ya. “Abi, owati‑ya mai no‑nofa mai tikasomahi. Mai ihi amosariya, mai manakone onahabamaroni. Mai‑ya tiwati yawariyahi.” Yeso ati tene.

Yowaho daidi 3:5

Hibati‑ya Yeso kame, ai ene amosara, ai manakone‑ya nanahabemarine. Yeso ene amose hinama amane.

Yowaho daidi 3:8

Mai ihi amosara, Satanasi‑ka mai toha, Satanasi ene amosaremata, ene amosanasa rene. Deoso Bidi i‑di Yeso kamemarine, Satanasi ene‑ya nanahabebonaha.

Yowaho daidi 5:11

Deoso ene ai abaterabone, Bidi ati ai nofeya, ati nemarine.

Yeso Kirisito ene‑bona 21:5

Hidi Webote kadera‑ya itari, ati yanane, “Owati ihi yama nafi yati tohawamani. Owati amosa hinama, keyehe sawi awira, fara ihi owati tikanahanohi.

Yeso Kirisito ene‑bona 22:6

Deoso‑ka yo‑yose ati yanane, “Yama tamine tikanahana, fara amosa hinama amani. Keyehe sawi awirani. Deoso ati‑ya mai mi‑mita mai atibodi‑ya ai‑ka hidi Deoso kanawatotene. Hika yo‑yose‑ya yosene, Deoso‑ya dai na‑narifa dai toha dai‑ya yofikanebonaha. Yama yana kanibote naboneni.” Deoso‑ka yo‑yose ati nene.

Yeso Kirisito ene‑bona 5:9

Wayoma yati‑ya mai hirina, “Bebeo seetikanahi, yama barikani 7 kana‑ya wakatikanahi. Kitabote yokana amatini. Tiwa‑ya mai nanahabamaro, tabora nafi‑ka mai one tiwa emene‑ya mai tikanikamaro, Deoso‑ka mai tohabonehe. Tabora nafi‑nima mai‑ka mai one tikanikamaroni.