Timoti daidi 1:1 - Deoso-ka Yama Hani

¹ Baoro ama·oni. I‑di Yeso Kirisito‑ka yo‑yose ama·oni. I‑di Deoso owa‑ya kadikemarine, hika ohabonehe. I‑di Yeso Kirisito ai‑ya ka‑kasoma, kamebona ai nimaneni.

Timoti daidi 1:1 ပူးပေါင်းရင်းမြစ်များ

Roka 1:47

Deoso owa‑ya kasome ene ya‑yai·oneni.

Roka 2:11

Hibayata Dafi tabaro‑mata‑ya ewe wade, dai‑ya Ka‑kasoma‑tebona amane. Deoso‑ka Ka‑kadika amane. Ai‑ka Hidi Webote amane.

Yeso‑ka yo‑yose mai tamine 9:15

“Tikamakihi. Saoro okadike, oka yama‑ya a‑ani tohawahebonane. Bara mai toha, Bara mai‑ka hidi mai toha, Isara·eo‑ka nodi mai toha na, mai‑ya owa tamine‑ya hiyarebonane.

Homa 1:1

Yeso Kirisito‑ka yo‑yose i‑di Baoro ama·oni. Deoso owa‑ya kadike, owa‑ya yosemarine, Deoso Ati Amosabote okaminabonehe.

Korito daidi 1:1

Baoro ama·oni. Deoso ati ene Yeso Kirisito‑ka yo‑yose ama·oni. Ai‑ka soho i‑di Sotenesi owa‑ya sawi, dai‑ka yama hani‑bone oda kanahanoneni.

Korito daidi 9:17

Deoso ati kamini‑ya owati nofa, ati okamine, owa manakone wadaboneni. Deoso ati kamini onofara‑mani, oka Hidi ati ene kaminanasa oneni.

Korito yoto‑ke 1:1

Yeso‑ka yo‑yose i‑di Baoro ama·oni. Deoso owa‑ya yosemarine, Yeso ati okaminabonehe. Korito‑ya dai wi‑wina, Akaiya nafi‑ya dai wi‑wina dai na, Deoso‑ka dai toha dai‑ka yama hani‑bone i‑di Timoti oda kanahanoneni.

Karatiya 1:1

Baoro ama·oni. Dai‑ka yama hani‑bone okanahanowahaboneni. Yeso Kirisito‑ka yo‑yose ama·oni. Owa‑ya mai one yoseramaroni. Yeso Kirisito‑ta owa‑ya yosemarine. Yeso Kirisito abemari, Deoso hinakitamemari, makobote Yeso Kirisito Badi i‑di Deoso eyehe owa‑ya yosemarine.

Karatiya 1:11

Oka soho dai amani. Owati dai mitahi. Deoso Ati Amosabote dai‑ya okaminamaroni. Hini owati‑ya okamini awiramaroni. Oda owa ati tohi awirihi nemarine. Deoso ati‑ta okaminabisamaroni.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Tesaronika yoto‑ke 2:16

Ai‑ka Ayo i‑di Yeso Kirisito, ai‑ka Abi i‑di Deoso ne, ai‑ya mai nofa, ai‑ya mai kasomateni. Fara mai ihi Deoso tabaro‑ya ai kobonabone ai watoneni.

Timoti daidi 1:12

Yeso Kirisito ati ene Deoso tamine‑ya ohiyarineni. Ai‑ka ayo Yeso kitabote tohe, owa‑ya nakitame, owa‑ya kadike, “Deoso Ati Amosabote tihiyariyahi.” Ati ne. Ati ene ya‑yai·onamaroni.

Timoti daidi 2:3

Mai nafi tamine ai hiyariya, ai‑ya Ka‑kasoma i‑di Deoso ya‑yainebonane.

Timoti daidi 2:7

Deoso owa‑ya kadike, owa‑ya yosemarine, Yeso tamine ohiyarabonehe. Keyehe‑ya hiri·oterani. Deoso Ati Amosabote okaminabisateni. Bara mai okanawataboneni, Yeso tamine‑ya mai watowahabonehe.

Timoti daidi 4:10

Ai‑ka Hidi i‑di Yeso Kirisito abemari, kitame, abamaterebonane. Ai‑ka Hidi ati ai nofa ene yama‑ya ai ani, ai‑ya mai bisiteni. Ai‑ya Yeso nakitamebona ati ne, fara ai nimaneni.

Tito 1:3

Deoso ene yama hawa tohiya, owa‑ya yosemarine, ati okaminebonaha. Deoso ai‑ya ka‑kasoma tohe tamine mai‑ya okamina, mai hiwatowahebonane.

Tito 2:10

Yama dai botira, dai ene amosa‑ya dai‑ka hidi mai awiya, mai ya‑yainaboneni. Deoso ene dai ene amosa‑ya mai awiya, Deoso ati‑ya mai nofaba awineni.” Tinahi.

Tito 2:13

Yeso ai‑ka Ayo kamebona ai nimana, Yeso ai manakone‑ya nanahabemari, kameya, kami amosebonane. Deoso kitabote amose‑nima Yeso nane.

Tito 3:4

Hibati‑ya Deoso ai‑ya kayawemari, ai‑ya nofi nafi ene i‑di Yeso ai manakone‑ya nanahabemarine.

Tito 3:6

Yeso Kirisito ai manakone‑ya nanahabe, ai‑ka abi i‑di Deoso ene Deoso‑ka Doni ai‑ya sawitene.

Bedoro daidi 1:21

Hini Bidi‑ya Deoso nakitame, neme‑ya towakame, wehene nafi‑ya daanematane. Bidi ati‑ya dai nofa ene badi‑ya dai watowaha, ati‑ya dai nofa, tabaro‑ya dai tokabone dai nimaneni.

Bedoro daidi 1:3

Ai‑ka Abi ai kahiyarahi. Ai‑ka Hidi i‑di Yeso Kirisito‑ka Abi i‑di Deoso amosabote amane. Ai‑ya nofe, ai‑ya kadike ene ai wada yati‑nima ai nawahani, Deoso bidi ai tohawahabonehe. Deoso bidi ai toha, Bidi i‑di Yeso Kirisito‑ya nakitame‑nima ai‑ya nakitamebona ai nimaneni.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Yowaho daidi 4:14

Oda ati dai mitahi. Deoso Bidi oda awamaroni. Deoso Bidi hiyose, ai manakone‑ya nanahabebona oda awemari, mai nafi‑ya tamine oda kaminebonane.

Yoda‑ka yama hani 1:25

Deoso ohari tohe, amosabote tohe, kitabote tohe, ai dami‑ka Hidi tohe, Yeso Kirisito oda‑ka Hidi dai fama, hibati‑ka dai toha, hibayata‑ka dai toha na, makobote yama nafi abiya, hini dai toha, dai tohasa naboneni. Feye amani.