Tesaronika daidi 5:9 - Deoso-ka Yama Hani

⁹ Hibati‑ya Deoso ai‑ya kadikemata, ai‑ka Ayo i‑di Yeso Kirisito ene hika mai ai tohaboneni. Deoso yawe ai‑ya koborebonane.

Tesaronika daidi 5:9 ပူးပေါင်းရင်းမြစ်များ

Mateo 26:24

Dai‑ka Ayo neme‑ke abebona yama hani ati na, fara yama hani ati‑nima abebonane. Owa‑ya kahabane‑ka ene towe manakone nafi bonane. Ka! Wadare‑mana, yama amosabisa neni.” Yeso ati nemarine.

Yeso‑ka yo‑yose mai tamine 1:20

Dafi‑ka yama hani ati one‑ya Bedoro hiyaratase, “‘Hika yobe abaho, mai winateri‑bone‑karo. Hika yama anini‑ta ai owa anihinamakibisahi.’ Dafi‑ka yama hani ati nineni, wayoma‑kaya.

Yeso‑ka yo‑yose mai tamine 1:25

I‑di Yoda oda‑ya dabemari, hini ene oda‑ya dabamaterebona, abe, madi mai tabori‑ya tokawahe, ebeni‑ke oda‑ya dabawahabati? Yeso‑ka yo‑yose tohebonaha.” Mai ati namoneni.

Yeso‑ka yo‑yose mai tamine 13:48

Baoro ati‑ya Bara mai mita, mai ya‑yaina, Deoso ati‑ya mai kahiyara, Deoso mai‑ya kadikemata, Yeso ati‑ya mai nofawahani.

Homa 11:30

Hibati‑ya Deoso ati dai tokadabaramaro, Isara·eo‑ka nodi mai ihi amosara, mai ihi Deoso Ati Amosabote dai mita, ati dai nofe, Deoso dai‑ya kasome, dai‑ya ati somawamane.

Homa 11:7

Isara·eo‑ka nodi mai dami‑ya Deoso kadikare, mai fa‑famaraba na mai‑ya kadike, Isara·eo‑ka nodi Deoso‑ka mai dami toha‑mone mai ati na, Deoso mai‑ya kadikemata, Deoso ati‑ya mai nofa, Deoso‑ka mai tohabisa. Mai one Deoso ati‑ya nofara mai atibodi ai teme ataro baye‑nima mai atibodi tokitameteni.

Tesaronika daidi 1:10

Yeso kamebona‑ya dai nimanineni. Hibati‑ya Deoso hinakitame, neme‑ya tokome, ai‑ya idimebonane. Neme‑ya ai eyehe tokomeya, bofe‑ya mai winasa na, Deoso ene yama kome mai‑ya kitaboneni.

Tesaronika daidi 3:3

Dai‑ya mai bisina, dai habo siitoriyahi. Dai‑ya mai bisinabone mai‑ya dai watamaroni.

Timoti daidi 1:13

Hibati‑ya Yeso ati onofara, Yeso tamine‑ya keyehe‑ya hiri·ona, Yeso ati‑ya mai no‑nofa mai‑ya bisi·ona, yama owatora, Deoso owa‑ya ati somawamemarine.

Timoti daidi 1:16

Ai manakone nafi‑ya Yeso nanahabemari, ati ai nofeya, ai ene sibaraboneni. Owa‑ya mai awiya, Deoso yawa kanibote reya, mai watowahaboneni. Yeso ati ai nofiya, ai winawahaboneni Deoso tabaro‑ya. Deoso yawa kanibote ne‑mana, owa‑ya nanahabe namatane.

Timoti yoto‑ke 2:10

Kadeya‑ya ofoya, oyawara, sibaraboneni. Kadeya‑ya owaa, Deoso Ati Amosabote mai one‑ya okamina, Yeso ati‑ya mai nofamakeba awineni. Hibati‑ya Deoso mai‑ya kadikane, Yeso ati‑ya mai nofabonehe. Yeso ati‑ya mai nofamakiya, Deoso tabaro‑ya mai winawahaboneni. Mai ya‑yaini fawateraboneni.

Bedoro daidi 2:10

Hibati‑ya Deoso‑ka dai toharamaro, hibayata Deoso‑ka dai tohawahi neni. Hibati‑ya Deoso dai‑ya kasomare ati ne, hibayata dai‑ya kasomawahatene.

Bedoro daidi 2:8

Yati‑ya mai taratokana, yati ihi mai yawawahani. Yeso ati‑ya mai nofara, ati‑ya mai taratokateni. Mai ihi‑bone‑ya Deoso watomatane.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Bedoro yoto‑ke 2:3

Keyehe‑ya dai‑ya mai ka‑kanawato, hini mai ati‑ya dai‑ya mai kamineni, Deoso ati monaha. Yinero‑ya mai nokotonihe, keyehe‑ya mai hiriteni, dai‑ka yinero‑ya mai kayafabone, mai ihi‑ya Deoso watomata, mai manakone‑ya daaneya, mai ababoneni. Mai manakone daani‑ya Deoso fawaterebonane.

Yoda‑ka yama hani 1:4

Dai noko beheri‑kaya Satanasi‑ka mai one dai‑ya dabawaha, ai‑ka Hidi i‑di Yeso Kirisito‑ya mai nofara, Deoso ati‑mona‑ya mai kamina, mai fanawi mai makidi na, mai ai aha sibarini. Deoso ai‑ya weerebona mai ati teni. Hini mai ihi mai ababone Deoso ati nemata, Deoso ati yokana‑ya mai kamina mai tamine‑ya mai kanahanameteni.