Tesaronika daidi 5:7 - Deoso-ka Yama Hani

⁷ Mai amona, yama soki‑ya mai amoteni. Kawi ihi mai fawa, yama soki‑ya mai towe tohateni.

Tesaronika daidi 5:7 ပူးပေါင်းရင်းမြစ်များ

Yowaho 2:10

Fanebona‑ya hidi hiyare, “Fino fawi amosa ai daani baha, mai towe tohi bide tohiya, fino fawi to‑tobaramana ai daanamakitasateni. Ai owa ene‑nima tiwa ene ra, fino fawi amosa‑ya tinayotoneni.” Ati nemarine.

Yeso‑ka yo‑yose mai tamine 2:15

Kawi ihi oda towe toha‑mone dai ati na, mahi kaki dai awahi. Mahi kaki‑ya kawi ihi ai towe tohaterani.

Homa 13:13

Yama tehe‑ka ai toha, ai ene amosa, Yeso koboni hawa tohe‑nima ai ene nahi. Mai ai weerihi, ai yawarihi, kawi ihi ai towe toharihi, ai‑ka yibote mai awira mai‑ya ai dakorarihi, mai‑ka yibote mai ai aharihi, ai‑ka yibote‑ta ai famabisa, ai nahi.

Korito daidi 15:34

Dai amona‑nima dai na, dai dodafiya, dai atibodi dai kadikahi, dai ene amosabonehe. Mai one yama‑ya mai wa‑wato‑mone mai ati na, Deoso‑ya mai nofara dai‑ya keyehe‑ya mai hirikanateni, dai ene amosarabonehe. Yama dai watabone ona, yama dai watora awineni.

Efesiyo 5:14

Yama wahi‑nima ai ene na, mai ihi amosara mai amona‑nima mai na, mai‑ya ai haanahi. “Dai dodafihi! Yeso ati dai mitahi. Dai abarabone, Yeso ati dai nofahi, Kirisito ya‑yainebonane.” Ai ati nahi.

Efesiyo 5:18

Kawi ihi dai towe tohariyahi. Dai towe tohiya, dai ene amosaraboneni. Deoso‑ka Doni dai‑ya sawi, ati dai tokadabeya, dai ene amosaboneni.

Bedoro yoto‑ke 2:13

Mai ihi amosaramaro, hini mai ihi‑nima yama na‑ya mai kayafabone, dai eyehe mai tafa, yama tehe‑ya mai serena, dai‑ya mai sawe, mai ihi‑ya bara mai awa, dai ati‑ya mai nofaraboneni.