Tesaronika daidi 5:27 - Deoso-ka Yama Hani

²⁷ Oda ati dai mitahi. Yeso Kirisito ati oda kanahano, ati abarayaho. Yeso ati‑ya dai no‑nofa dai yorotokaniya, oda‑ka yama hani dai kadikahi, mai nafi himitabonehe.

Tesaronika daidi 5:27 ပူးပေါင်းရင်းမြစ်များ

Mateo 26:63

Yeso ati yanare, “Yeso, Deoso yokana tiwa‑ya watone, tiwati yananahi. Deoso‑ka Ka‑kadika amatiraniha? Deoso Bidi amatini?” Mai‑ka hidi webote ati nematane.

Maroko 5:7

Madi towe‑ya Yeso hiyare, “Maki‑ya tisawimariyahi.” Yeso ati nematane. “Yeso, Deoso kitabote Bidi amatini. Owa arabatinahi. Owa bisitiriyahi.” Madi towe ati ne, ati kitematane. “Tiwa oni eme titi?” Yeso ati ne, “Ibowa ama·oni, oda damaro.” Ati nematane.

Yeso‑ka yo‑yose mai tamine 1:15

Mahi owa‑ya mai dama mai yorotokana, 120 mai toha, mai bai‑ya i‑di Bedoro waamise, mai‑ya hiyare,

Yeso‑ka yo‑yose mai tamine 19:13

Madi towe mai‑ya mai foya, mai‑ya Yodeo mai one kananihebone mai ati na, “Yeso oni‑ya Baoro hirineya, madi towe mai kanateni.” Mai atibodi ati na. Ai owa madi towe foye, madi towe‑ya mai hiyara, “Yeso oni‑ya Baoro hiri ene oda ati‑ya dai mita, dai kananahi.” Mai ati na.

Koroso 4:16

Oka yama hani kadiki dai hawa tohiya, Raodiseya‑ya mai wi‑wina Deoso ati‑ya mai no‑nofa mai hikadikamakiyahi. Mai‑ka yama hani‑bone okanahanamaro, dai kadika niyahi.

Tesaronika daidi 2:11

Ai‑ka abi ai‑ya kanawatotene. Dai‑ka abi‑nima oda na, Deoso ati‑ya dai oda kanawatoteni.

Tesaronika yoto‑ke 3:14

Oda‑ka yama hani ati‑ya mai nofara, mai‑ya dai kadikiya, mai‑ya dai sawimarihi. Mai‑ya dai dabamarihi niya, mai atibodi hini mai‑ya weeniya, yama‑ya aninawahaba awineni.

Timoti daidi 1:18

Timoti, owati timitahi. Tiwa oka dao onamaroni. Tiwa tamine‑ya Deoso ati‑ya mai hi‑hiyara mai kaminamaroni. “Deoso ati tihiyaraboneni. Tiwati fawariyahi.” Mai ati namaroni. Tiwa‑ya mai bisiniya, tiwa habo siitoriyahi. Deoso ati tihiyarabisahi.

Timoti daidi 1:3

Masedoni‑kaya okabone, tiwa ohiyara, “Efesiyo‑ya tiwina, mai tikanawatoyahi, Yeso ati‑ya mai nofabonehe. Mai ati bara‑ya mai‑ya mai kanawata, mai‑ya tiwati barinahi.” Onamaroni. Owati‑maro‑nima tinahi.

Timoti daidi 5:21

Owati timitamatasahi. Deoso, Yeso, Deoso‑ka yo‑yose mai toha na, mai ati‑nima owati nineni. Ai owa ene amosare, weetiyaho. Ene amoseya, weetirayaho. Mai ihi amosa, mai ai weeterani. Mai ihi amosariya, mai weetiyahi. Tika no‑nofa ene amosareya, weetiyaho. Ai‑ka no‑nofa‑mare ene amosare, ai weenahariteni.

Timoti daidi 5:7

Mai tikanawatohi. Yama‑ya mai watoya, mai‑ya mai weeraboneni.

Timoti daidi 6:13

Deoso ai‑ya wamanemata owati‑ya mitane. Yeso Kirisito i‑di Bonisiyo Birato‑ya hiyare, habo siitoremari, Yeso Kirisito owati‑ya mitane. Owati timitaharihi. Deoso ati tikadaba, tiwa‑ya mai ati bisina, tiwa habo siitoriyahi.

Timoti daidi 6:17

Mai‑ka yinero dame, mai tihiyara, “Dai‑ya dai kahiyarariyahi. Dai‑ka yinero dai nokotoniriyahi. Deoso ati‑ta dai nofabisahi. Deoso ati dai nofiya, dai‑ka yamata‑bone‑ya dai‑ya daanebonane.” Tinahi.

Timoti yoto‑ke 4:1

Yeso Kirisito kamataseya, ai nafi ene‑ya kadikebonane. Ai hasina, ai ene‑ya kadika, mai abamete mai ihi‑ya kadika nebonane. Ai one‑ya kayafa, ai one‑ya sarikana nebonane. Deoso owati‑ya mite, owati timitaharihi.

Ebereo 3:1

Soho, owati dai mitahi. Hibati‑ya Deoso ai‑ya kadike, Yeso‑ya Deoso yosemari, Deoso‑ka yama‑bone‑ya mai da‑daa mai‑ka hidi webote tohe, tamine dai kadikahi.