Tesaronika daidi 5:24 - Deoso-ka Yama Hani

²⁴ Deoso ai‑ya kadikemari, hini ati‑nima nebonane.

Tesaronika daidi 5:24 ပူးပေါင်းရင်းမြစ်များ

Mateo 24:35

Owati‑nima yama naboneni. Neme, bofe na, ababisabone, owati‑ta abateraboneni.” Yeso ati nemarine.

Yowaho 1:17

Ai ene towe manakone‑bone tamine‑ya Mose kanahanomatamonane. Yeso Kirisito ene amose, ai ene towe manakone‑ya nanahabe, Yeso Kirisito ene Deoso ai watowahamaroni.

Yowaho 3:33

Neme‑ke ati mai one hinofe, ‘Deoso ati amose, keyehe‑ya hirirene.’ Mai ati neni.

Homa 8:30

Deoso ai‑ya kadikemata, ai‑ya haane, ai‑ya ati somawamemari, tabaro‑ya ai winiya, yama amosa hinama ai kayafaboneni.

Homa 9:24

Deoso‑ka ai tohabone Yodeo ai one toha, Bara ai one toha na, Deoso ai‑ya kasomebona, ai‑ya kadike, ai‑ya kayafematane.

Korito daidi 1:9

Deoso dai‑ya haanemarine, Bidi i‑di Yeso Kirisito dai‑ka hidi tohe, dai‑ya sawibonaha. Ati‑nima tene.

Korito daidi 10:13

Ai nafi‑ya Satanasi keyehetene. Tiwa‑ya keyehe‑nima mai‑ya keyehetene. Deoso hini ati‑nima ai‑ya kasomatene. Deoso ene ai kiti‑ya Satanasi ati fiyakiterene. Ati tikadabarebona, Deoso tiwa‑ya yofikane, Deoso ati tikadabiya, tiwa ene amosaboneni.

Karatiya 1:15

Deoso owa‑ya nofe, owadi awisari‑ya owa‑ya kadikematane, ati okaminebonaha.

Tesaronika daidi 2:12

“Yama Deoso hinofa‑nima dai ene nahi.” Oda ati nademaro, Deoso dai‑ya haane, hini tabaro‑ya dai winabone, Deoso amose dai awe, wehene dai awa nebonane.

Tesaronika yoto‑ke 2:14

Hibati‑ya Deoso Ati Amosabote dai‑ya oda kamina, oda ati‑ya dai nofamaro, makobote ai‑ka Ayo i‑di Yeso Kirisito tabaro amosabote‑ya ai winawahaboneni.

Tesaronika yoto‑ke 3:3

Ai‑ka Ayo i‑di Yeso kitabote tohe, ati‑nima yama naboneni. Yeso dai‑ya nawadebonane, Satanasi ati dai nofarabonehe.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.

Timoti yoto‑ke 2:13

Ai ati‑nima ai ni awiraba awineni. Yeso hini ati‑nima nebonane. Yeso ati oharitene. Ati abaterene.” Ai ati teni.

Tito 1:2

Ai tabaro wamani awisari‑ya Deoso ati yanane, “Owati‑ya mai nofa, mai abateraboneni.” Ati nematane. Deoso keyehe‑ya hiriterene.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.

Bedoro yoto‑ke 1:3

Deoso ai‑ya haanematane. Deoso‑ya ai kahiyarabone ene amosabote ai kaminebonane. Yeso Kirisito ati ai wato, Deoso kite ene yama ai kayafateni, bofe‑ya ai wi‑wina ai ene amosabonehe.

Yeso Kirisito ene‑bona 17:14

Mai‑ka sodado Kaneiro Bidi‑ya mai ati bisinabone, Kaneiro Bidi mai‑ya bisinibisebonane. Kaneiro Bidi hidi bidi mai nafi‑ka hidi tohe, hidi webote mai nafi‑ka hidi toha nane. Bofe‑ka mai one‑ya Kaneiro Bidi haanemari, mai‑ya kayawemari, Deoso hawine‑ya mai sawi oharemaroni. Kaneiro Bidi‑ya mai dabineni.” Deoso‑ka yo‑yose ati nene.