Tesaronika daidi 5:23 - Deoso-ka Yama Hani

²³ Deoso ati ene ai ati somateni. I‑di Deoso‑ya dai tamine ohiyarateni. “Abi Deoso, mai atibodi, mai aboni, mai korimari na tinamosahi.” Oteni. Yeso kameya, dai‑ya weeni awirebonane. Dai ene amosabisaboneni.

Tesaronika daidi 5:23 ပူးပေါင်းရင်းမြစ်များ

Roka 1:46

Mariya ati yanana, “‘Deoso amosabote amane.’ Owatibodi ati nineni.

Yowaho 17:19

Mai manakone onahababoneni, tika mai tohabonehe.

Yeso‑ka yo‑yose mai tamine 20:32

Deoso dai‑ya nawada, dai‑ya kasoma nebona owatibodi ati nineni. Deoso‑ka yama hani dai kadikiya, dai habo kitawahaboneni. Deoso tabaro‑ya, dai kobona, dai nafi‑ya Deoso hika yama‑ya daanebonane.

Yeso‑ka yo‑yose mai tamine 26:18

Owa tamine Bara mai‑ya tihiyariya, mai noki weetokana‑nima mai nabone, hibayata yama soki‑nima na‑ya mai wina, tiwati‑ya mai mitiya, yama tehe‑nima na‑ya mai winawahaboneni. Satanasi‑ka mai tohamarabone, Deoso‑ka mai tohaboneni. Mai‑ya owati somawamabone, owati‑ya mai one nofa‑nima yama amosa‑ya mai kayafaboneni.’ Yeso ati nemarine.

Homa 15:13

Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Homa 15:33

Deoso ai atibodi ati‑ya na‑nasoma dai‑ya sawiyaho. Feye amani.

Homa 15:5

Dai tamine‑ya Deoso‑ya ohiyara, Deoso dai‑ya kasome ene dai atibodi ati fara hinama toha, Yeso Kirisito ati‑mata‑nima dai nabone, oteni.

Homa 16:20

Hibayata Satanasi ene ai‑ya mai bisi, ai‑ya mai wee, teni. Hasini bideya, Satanasi‑ya Deoso barikanebonane, ai‑ya mai bisinamarabonehe. “Ai‑ka Ayo i‑di Yeso dai‑ya sawi, dai‑ya kasomebona.” Oteni.

Korito daidi 1:2

Korito‑ya dai wi‑wina, tabora bara‑ya dai wi‑wina dai na, Deoso ati dai no‑nofa, Yeso Kirisito ene Deoso dai‑ya haane, dai‑ya kayawe, oda‑ka hidi tohemari, dai‑ka hidi tohahariwahe, oda‑ka yama hani dai kadikahi.

Korito daidi 1:30

Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Korito daidi 14:33

Deoso yama amosa‑ya nofatene. Dai dami ati yananiya, dai ati amosi awirini. Deoso‑ya mai kahiyarabone, mai ati ohaririteni.

Korito yoto‑ke 5:19

Deoso ati ene mai nafi manakone‑ya Yeso nanahabe, ati‑ya mai no‑nofa mai ihi‑maro‑ya kadikamaterebona oda ati nabone Deoso ati nane.

Firibo 1:10

Yama Deoso atibodi kobohina‑nima dai atibodi koboniya, dai ene amosaboneni. Yeso Kirisito kameya, dai‑ya weeterebonane. “Dai ene amosini.” Ati neya, dai ya‑yainaboneni.

Firibo 1:6

Deoso ene Yeso ati dai nofawahamaro, Deoso ene dai ene amosateboneni. Yeso Kirisito kameya, Deoso ene neme‑ya dai sawiwahabone, dai‑ya owatibodi watoneni.

Firibo 4:9

Dai‑ya okanawatamaro, owa ene dai awa, Owati dai mita namaro, fara owa ene‑nima dai ene nahi. Deoso dai‑ya sawibona, dai atibodi ati somabone, dai‑ya weeraboneni.

Koroso 1:22

Kirisito abano abemarine, dai manakone‑ya nanahabe, Deoso noko‑ya dai waa, dai ene amosara‑ya awarebona, dai amosa hinama dai‑ya awebonane.

Tesaronika daidi 2:19

Ai‑ka Ayo Yeso kameya, dai tamine‑ya oda hiyaraboneni. Hibati‑ya Deoso Ati Amosabote dai‑ya oda kamina, oda ati‑ya dai nofamaro, dai ene Yeso ya‑yainebonane. Dai tamine‑ya Yeso hiyareya, oda ya‑yainahareboneni.

Tesaronika daidi 3:11

Ai‑ka Abi i‑di Deoso, ai‑ka Ayo i‑di Yeso mai fama, oda‑ya mai yosematasaba awineni, dai tabaro‑ya oda tokomatasabonehe.

Tesaronika daidi 3:13

Mai‑ya dai nofiya, dai ene sibaraboneni. Yeso ati‑nima dai naboneni. Yeso hika mai eyehe kameya, Deoso noko‑kaya ai nahoya, “Dai ene sibarini.” Ai‑ka Abi i‑di Deoso ati nawahebonane.

Tesaronika daidi 4:3

Dai ene amosabone Deoso ati ne, dai ene amosiyahi. Tika yibote dai famabisahi. Fana mai one‑ya dai famawahariyahi. Mai‑ya dai siwakariyahi.

Tesaronika daidi 5:22

Dai ene amosa hinama tohahi.

Tesaronika yoto‑ke 3:16

Ai‑ka Ayo ene dai habo siitora, dai atibodi ati dai‑ya somaboneni. Dai‑ya mai kaka, dai‑ka Ayo kitabote ene dai habo siitoteraboneni. Ai‑ka Ayo dai‑ya sawibonane.

Ebereo 13:20

Dai tamine Deoso‑ya ohiyarineni, Deoso ene dai atibodi dai‑ya weerabonehe. Ai‑ka Hidi i‑di Yeso ai‑ya na‑nawada webote abe, emene tokafodo, ai manakone‑ya nanahabi hawa tone, Deoso hinakitamene.

Ebereo 2:11

Yeso ene Deoso ai‑ya ati somawame, ai‑ya ewe nawahe, ai‑ka Abi i‑di Deoso ene‑nima ai ene nawahaboneni. Deoso Bidi Yeso tohe, Deoso bidi ai tohawaha, Yeso ai‑ya soho nawahene.

Ebereo 4:12

Deoso ati kitabote tohe, yima ini fama, ini inokima‑nima ne. Ai atibodi ai korimari na‑ya kebitene. Ai atibodi ati, ai atibodi yama hinofa hina‑ya kadikatene.

Tiyako 1:4

Deoso ati dai nofi ba‑basi na, dai ene amosawama, dai habo siitora, dai hawa toha‑nima dai na, yama one wadamarani.

Bedoro daidi 1:2

Hibati‑ya yama nafi‑ya ai‑ka Abi i‑di Deoso wato, dai‑ya kadikemata, Hika Doni dai‑ya sawiwahebonane. Yeso Kirisito emene‑ya dai atibodi‑ya wisane, dai atibodi besene fawanani, Yeso Kirisito ati dai tokadababonehe. Deoso‑ya dai tamine‑ya ohiyara, “Abi Deoso, mai‑ya tikasoma, mai atibodi mai‑ya ati soma ba‑basi naboneni.” Oteni.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.

Bedoro yoto‑ke 3:14

Soho, dai ene‑ya Yeso kadikebona, yama dai nimana, dai noko wadahi, dai atibodi yati kabatata rabonehe. Dai atibodi dai‑ya weera, dai ibi ati somiyahi.

Yoda‑ka yama hani 1:1

Yeso Kirisito‑ya na‑narifa i‑di Yoda ama·oni. Tiyako sori ama·oni. Ai‑ka abi i‑di Deoso dai‑ya nofe, dai‑ya haanemarine, hika dai tohabonehe. Dai‑ka yama hani‑bone okanahanaboneni. Deoso dai‑ya nawade, Yeso Kirisito‑ka dai tohawahaboneni.

Yoda‑ka yama hani 1:24

Deoso dai‑ya kasomayaho, dai ene amosabone, Yeso hawine‑ya dai taratokara, Yeso‑ya dai koboni amosaboneni. Yeso amose dai awiya, dai ya‑yaina, “Dai ene amosini.” Ati nebonane.