Tesaronika daidi 5:21 - Deoso-ka Yama Hani

²¹ Deoso‑ka yama hani ati‑nima mai ati ni awira, mai ati dai nofariyahi.

Tesaronika daidi 5:21 ပူးပေါင်းရင်းမြစ်များ

Roka 12:57

Deoso yama hinofa dai sibara, dai sibanahi.

Yowaho 15:4

Owa dai nokotoniyahi. Owa dai nokotoniya, dai okasomaboneni. Ofa ini ade‑ya waanamariya, bonoteraboneni. Dai‑ya okasomariya, dai ene amosa wadateraboneni.

Yowaho 8:31

Yeso ati‑ya oda‑ka hidi mai one nofa mai‑ya hiyare, “Owati dai tokadaba, oka da‑daba yokana dai amani.

Yeso‑ka yo‑yose mai tamine 11:23

Atioki‑ya kobone, mai‑ya awe, ya‑yaine, “Deoso mai‑ya kasomane.” Atibodi ati ne. “Ai‑ka Ayo i‑di Yeso ati‑nima dai nahi, dai nafi.” Ati nemonane.

Yeso‑ka yo‑yose mai tamine 14:22

Baoro mai ati ihi Yeso ati‑ya mai nofa mai atibodi kitamamoneni. Mai‑ya hiyare, “Dai‑ya mai bisina, Yeso ati‑ya dai nofasa nahi, Deoso hawine‑ya ai sawe, ai‑ya mai bisina, ai habo siitoriyahi.” Mai ati namoneni.

Yeso‑ka yo‑yose mai tamine 17:11

Tesaronika‑ka mai narabi hawi bi‑bidi na, Bereya‑ka mai narabi hawi ba‑basi na, Baoro ati‑ya mai mita, mahi‑nima Deoso ati‑ya mai kadika, Deoso ati‑nima Baoro ati amane, mai awa, ati mai nofawahamoneni.

Homa 12:2

Deoso ati‑ya mai nofara mai‑nima dai riyahi. Yama amosa hinama tamine‑ya dai atibodi kadikabisahi. Fara yama amosa dai kadikiya, dai ene amosawamabone, yama Deoso hinofa‑ya dai watabone, dai ene Deoso dai ya‑yainiheboneni.

Homa 12:9

Mai‑ya dai ati nofa, mai‑ya dai nofi yokana tohahi. Yama towe‑ya dai kaka, yama amosa‑ta dai nokotonibisahi.

Korito daidi 15:58

Oka dai amani, owati dai mitahi. Dai eme kitahi. Ai‑ka Hidi ati‑nima dai nabone, dai‑ya mai we‑wee, mai ati dai nokotoniriyahi. Ai‑ka Hidi ati‑nima dai niya, dai manakone amosa wadaboneni.

Korito daidi 2:11

Ai atibodi ati‑ya mai watora, ai atibodi ati‑ya ai watobisa, Deoso atibodi ati ai watore, Deoso‑ka Doni hiwatobisatene.

Karatiya 6:10

Yama‑ya mai kihara mai dai kasomahi. Dai‑ka yama dama, dai one‑ka yama‑ba dai daanahi. Yeso ati‑ya mai nofara mai dai kasomi bi‑bidi, Yeso ati‑ya mai no‑nofa mai dai kasomi ba‑basi nahi.

Efesiyo 5:10

Dai ene Deoso ya‑yainebona tamine dai watohi.

Firibo 1:10

Yama Deoso atibodi kobohina‑nima dai atibodi koboniya, dai ene amosaboneni. Yeso Kirisito kameya, dai‑ya weeterebonane. “Dai ene amosini.” Ati neya, dai ya‑yainaboneni.

Firibo 3:16

Hibati‑ya Deoso ati ai tokadabamaro, Deoso ati ai tokadabasahi.

Firibo 4:8

Oka soho dai toha, owati dai mitahi. Owati fawani yanatoni. Yama amosa toha, mai ati amosa, mai ihi amosa toha na, mai tamine‑ya dai atibodi kadikabisahi. Dai‑ya mai kasoma, mai one‑ya mai kasoma na, mai ihi amosa, mai‑ya mai atibodi kahiyara, mai ihi amosi ba‑basi na, mai tamine dai kadika nahi.

Tesaronika daidi 5:15

Dai‑ya mai nofara, mai‑ya dai nofaba nahi. Mai ihi amosara, dai ene‑ta amosabisiyahi. Dai ibi kasomiyahi.

Tesaronika daidi 5:22

Dai ene amosa hinama tohahi.

Tesaronika yoto‑ke 2:15

Oka soho dai toha, dai‑ya oda hiyara, dai oda kanawato, dai‑ka yama hani‑bone oda kanahano na, ati dai fawaniriyahi.

Timoti yoto‑ke 1:15

Asiya‑kaya mai wi‑wina mai kananeni. Owa‑ya mai dabami awirini, mai habi siitonaro. Timoti, mai kanani tamine timita awini. I‑di Fikero, i‑di Emokene mai fama, mai kanakanamaroni.

Timoti yoto‑ke 3:6

Mai one tabori‑ya mai tokiyoma, mai fanawi‑ya mai keyeheteni. Mai fanawi yama‑ya watora, mai ati‑ya mai tokadabateni. Mai fanawi ihi amosaramaro tamine mai atibodi hini mai‑ya weena, mai atibodi mai‑ya weenamara, keyehe‑ya mai nofawahani.

Timoti yoto‑ke 4:14

Metaho‑ya Aresadiri yama‑ya wa‑wama, owa tamine‑mone‑ya keyehe‑ya hirinemari, manakone Deoso daahinebonane. Deoso bisihineba awane.

Ebereo 10:23

Deoso tabaro‑ya ai kobonabone ai ati namaro, ai atibodi yama‑ya kadikariyahi. Deoso ati‑nima yama naboneni.

Yowaho daidi 4:1

Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.

Yeso Kirisito ene‑bona 2:2

Dai ene nafi owatoneni. Dai‑ka yama anini amosa, Deoso‑ka hawi bai‑ya dai maakani awirani. Mai ati kasira, mai ati dai nofi awirani. ‘Yeso‑ka yo‑yose oda amani.’ Mai one ati na, keyehe‑ya mai hirina. Mai ati dai mita, mai‑ya dai watoneni. Mai ati dai nofarani.

Yeso Kirisito ene‑bona 2:25

Okomatasabone, owa dai nimaniya, dai ene amosi fawariyahi.

Yeso Kirisito ene‑bona 3:11

Kobo kanibote onaboneni. Dai ene amosi fawariyahi, dai manakone‑ya dai one kayafarabonehe.

Yeso Kirisito ene‑bona 3:3

Hibati‑ya Deoso ati dai mitamaro, ati dai nofemari, ati dai tokadabamatasaho, Deoso‑ka hawi‑ya dai nokotonimatasahi. Dai dodafi awiriya, Deoso‑ka hawi‑ya dai nokotoni awiriya, yama‑ya mai bo‑boti mai kaki‑nima owa koboni naboneni. Oka mahi dai wato awiraboneni. Hiniya kobo·onaboneni.