Tesaronika daidi 5:20 - Deoso-ka Yama Hani

²⁰ Deoso ati‑ya mai kaminamone mai ati na, Deoso‑ka yama hani ati‑nima mai ati na, mai ati dai tokadabahi.

Tesaronika daidi 5:20 ပူးပေါင်းရင်းမြစ်များ

Yeso‑ka yo‑yose mai tamine 13:1

Atioki‑ya Deoso ati‑ya mai mi‑mita mai toha, Yeso ati‑ya mai ka‑kanawato mai toha na, mai wina, i‑di Banabe toha, Simiyaho so‑sokine toha, Rosiyo Sireni‑ke toha, Manaeni Erodi mai yanikimamete mai toha, Saoro toha nane.

Yeso‑ka yo‑yose mai tamine 19:6

Mai habanisi hawa toha, mai‑ya Baoro yehe fori, Deoso‑ka Doni mai‑ya sawiwahe, mai one ati‑ya Deoso tamine‑ya mai hiyarawahani.

Korito daidi 11:4

Mai makidi Deoso‑ya hiyara, Deoso ati‑ya mai kaminabone, mai tati bori‑ya mai sotatoteni. Mai tati bori‑ya mai sotatoni awiriya, “Kirisito‑ya mai nofi awirini.” Mai one ati naboneni. Mai tati bori‑ya mai sotatona, mai‑ya mai awiya, “I‑di Yeso Kirisito mai‑ka hidi amane.” Mai ati naboneni.

Korito daidi 12:10

Deoso‑ka Doni ene dai owa ene kitabote tohe, Deoso‑ka Doni ene dai owa Deoso ati‑ya mite, Deoso ati‑ya kaminatene. Deoso ati‑mona mai one ati na, Deoso‑ka Doni ene mai ati‑ya dai owa mite, Deoso ati tohe, Deoso ati tohare‑ya mai watowahaboneni. Deoso‑ka Doni ene mai one ati‑ya dai owa hiyare, Deoso‑ka Doni ene mai one ati‑ya dai owa dai ati‑ya dai‑ya kaminebonane.

Korito daidi 12:28

Yeso ati‑ya ai no‑nofa ai ibi kasomaboneni, ai nafi. Deoso ati ene Yeso‑ka yo‑yose ai one toha, Deoso ati‑ya mai ka‑kamina‑bone mai one toha, mai one‑ya mai ka‑kanawato‑bone mai one toha, mai one‑ya mai na‑nakitama‑bone mai one toha, mai ihi ki‑kita‑bone mai one toha, ai one‑ya mai ka‑kasoma‑bone mai one toha, mai one‑ya mai yo‑yofikana‑bone mai one toha, mai one ati‑ya mai hi‑hiyara‑bone mai one toha naboneni.

Korito daidi 13:2

Deoso‑ka Doni ene Deoso ati okaminiya, yama‑ya mai one watora, owa‑ta yama owatobisiya, Deoso ati onofi nafiya, owati ihi adami fawaniya, dai onofara‑mani, owati honita toha neni.

Korito daidi 13:9

Hibayata yama nafi ai watora, yama bide ai watobisa, Deoso ati nafi ai kamini awira, ati nafi ai wato awisarane.

Korito daidi 14:1

Mai dai nofahi. Deoso‑ka Doni‑ka da‑daa dai kayafabone, yama amosa mai‑ya kasomabone dai haa, Deoso ati dai kaminabone dai haa nahi.

Tesaronika daidi 4:8

Oda ati tohara, Deoso ati tohabise, ati dai tokadabi awireya, Deoso ati dai tokadabarani. Deoso ati dai tokadabahi. Deoso amane, Hika Doni‑ya dai‑ya da‑daa.

Yowaho daidi 4:1

Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.