Tesaronika daidi 5:15 - Deoso-ka Yama Hani

¹⁵ Dai‑ya mai nofara, mai‑ya dai nofaba nahi. Mai ihi amosara, dai ene‑ta amosabisiyahi. Dai ibi kasomiyahi.

Tesaronika daidi 5:15 ပူးပေါင်းရင်းမြစ်များ

Mateo 5:39

Owati dai mitamatasahi. Dai ati somahi. Dai ebete‑ya batanariya, dai ebete beheri dai benawamakihi, batahirimakebonehe.

Roka 6:35

Dai‑ta dai‑ya mai kako‑ya mai dai nofahi. Mai‑ka yama‑bone dai daana, manakone dai haatonamakiriyahi. Makobote Deoso dai‑ka yama manakone‑ya daanibisebonane. Haa‑nima dai niya, Deoso kitabote ene‑nima dai ene naboneni. Deoso ati‑ya mai nofara mai toha, hini mai‑ya mai nokotonihe mai toha, mai na, mai‑ya Deoso kasomatene.

Yeso‑ka yo‑yose mai tamine 16:28

Hini‑ya watikane‑ya Baoro haane, “Tiwa arabatinahi, oda nafi nahoneni. Oda toki awirini.” Baoro ati ne.

Homa 12:9

Mai‑ya dai ati nofa, mai‑ya dai nofi yokana tohahi. Yama towe‑ya dai kaka, yama amosa‑ta dai nokotonibisahi.

Homa 14:19

Ai ene mai ibi nofi nafe, mai ibi kasomiyahi.

Korito daidi 14:1

Mai dai nofahi. Deoso‑ka Doni‑ka da‑daa dai kayafabone, yama amosa mai‑ya kasomabone dai haa, Deoso ati dai kaminabone dai haa nahi.

Korito daidi 16:10

I‑di Timoti dai tabaro‑ya koboneya, dai ati ene habo siitorayaho. Deoso‑ka yama ani·ona‑nima i‑di Timoti anitene.

Korito daidi 6:7

Bara mai‑ya dai owa ene tamine dai kamina, dai ene amosarani. Tiwa‑ya dai owa ene amosare, tiwati somawamabisahi. Tika yama‑ya dai owa boti, tiwati yanariyahi.

Karatiya 6:10

Yama‑ya mai kihara mai dai kasomahi. Dai‑ka yama dama, dai one‑ka yama‑ba dai daanahi. Yeso ati‑ya mai nofara mai dai kasomi bi‑bidi, Yeso ati‑ya mai no‑nofa mai dai kasomi ba‑basi nahi.

Efesiyo 5:15

Dai noko wadahi, dai ene amosabonehe. Yama‑ya mai watora mai ihi‑nima dai ene riyahi. Deoso ati‑ya mai wa‑wato mai ihi‑nima dai ene nibisahi.

Efesiyo 5:33

Makidi dai toha dai‑ka yibote mai dai nofahi. Dai‑ya dai nofi‑nima dai‑ka yibote mai dai nofahi. Fana dai toha dai‑ka yobote mai ati dai tokadabahi.

Tesaronika daidi 2:12

“Yama Deoso hinofa‑nima dai ene nahi.” Oda ati nademaro, Deoso dai‑ya haane, hini tabaro‑ya dai winabone, Deoso amose dai awe, wehene dai awa nebonane.

Tesaronika daidi 5:21

Deoso‑ka yama hani ati‑nima mai ati ni awira, mai ati dai nofariyahi.

Timoti daidi 6:11

Timoti, Deoso‑ka amatini, mai‑nima tiriyahi. Deoso ati‑nima tina, tiwa ene amosiyahi, mai‑ya tinofiyahi. Deoso hawine‑ya yakatina, tiwa yakani amosiyahi. Mai‑ya tiwati yawariyahi. Deoso ati tinofiyahi.

Timoti yoto‑ke 2:24

Yeso‑ka amatini. Mai‑ya wee kanibote tiriyahi. Mai tikasoma, Deoso ati‑ya mai watowahaboneni. Mai‑ya tikanawata, tiyawa kanibote tiriyahi. Tiwa‑ya mai ati bisiniya, tiwati yanariyahi.

Tito 3:2

Tito, mai tikanawatoya, eya tinahi. “Dai ene amosabone, dai one tamine‑ya keyehe‑ya dai hiririhi, dai ibi weerihi na, dai ibi nofahi, dai nafi.” Tinahi.

Ebereo 12:14

Mai ibi weena, mai dai kasomahi, mai ibi weerabonehe. Yama amosa dai ene‑bone dai nokotonihi. Ai ene amosara, Deoso‑ya ai awateraboneni.

Bedoro daidi 1:22

Deoso ati dai tokadabe, dai atibodi amosa, dai ene amosawamateni. Deoso‑ka dai toha, Deoso‑ka mai dai nofaboneni. Dai ibi nofi nafiyahi.

Bedoro daidi 2:17

Deoso ati‑ya dai no‑nofa dai ene‑ya mai awiya, mai yawaraboneni. Deoso ati‑ya mai no‑nofa mai dai nofa, Deoso ati‑ya dai tokadaba, kofeno‑ka hidi mai ati‑ya dai tokadaba, dai nahi.

Bedoro daidi 3:9

Dai‑ya mai we‑wee mai dai weerihi, dai‑ya mai ka‑kako mai dai kakorihi na, hiniya mai dai kasomahi. Haa‑nima dai nabone Deoso ati ne, dai‑ya haanemarine. Haa‑nima dai niya, Deoso dai‑ya kasomebonane.

Yowaho faina 1:11

Mai ihi amosara, mai‑nima tiriyahi. Mai ihi amosa, mai ihi‑nima tiwa ene nibisahi. Mai ihi amosa, Deoso‑ka mai tohateni. Mai ihi amosara, Deoso‑ya mai watoterani.

Yeso Kirisito ene‑bona 19:10

Teme yowi‑ya owa bako‑kaya ohoma, okahiyarebona, “Araba! Owa tikahiyarariyahi! Yeso tamine dai ka‑kamina dai‑nima ona ama·oni. Yeso ati dai to‑tokadaba dai toha, yama yananabone tamine oda ka‑kamina oda toha, ai na, Deoso‑ya ai na‑narifa ai amani. Ai‑ka hidi oharine, Deoso tikahiyarabisahi.” Deoso‑ka yo‑yose ati namatasene.

Yeso Kirisito ene‑bona 22:9

Deoso‑ka yo‑yose owa‑ya hiyare, “Araba! Deoso‑ya dai na‑narifa dai toha, fara dai owa ama·oni, Deoso ati‑ya dai ka‑kamina dai toha, yama hani ati‑ya dai tokadaba dai toha, dai na, fara dai‑nima ona ama·oni. Deoso tikahiyarabisahi.” Deoso‑ka yo‑yose ati nene.