Tesaronika daidi 5:14 - Deoso-ka Yama Hani

¹⁴ Yama anini‑ya dai one mai ati nofara, mai dai weeniyahi, yama‑ya mai aninabonehe. Dai one hi‑hiyana mai dai kasomahi. Mai habi siitona, mai dai kasomiya, mai ya‑yainaboneni. Dai yawa kanibote riyahi.

Tesaronika daidi 5:14 ပူးပေါင်းရင်းမြစ်များ

Mateo 12:20

Mai kiyana mai‑ya kasomebonane. Mai ohini kita mai‑ya weeterebonane. Mai kitara mai‑ya kasomeya, mai nafi ihi‑nima mai manakone na‑ya daanebonane.

Roka 22:32

Deoso‑ya tiwa tamine ohiyarani, Deoso ati tinofasa tinabonehe. Owati tikadabamatasiya, mai one tikasomiyahi. Owati‑ya mai tokadabawahaboneni.” Yeso ati nematane.

Yeso‑ka yo‑yose mai tamine 20:27

Deoso tamine nafi‑ya dai‑ya ohiyara, owati fawaterani.

Yeso‑ka yo‑yose mai tamine 20:31

Dai noko wadahi. Dai atibodi yama‑ya watoyahi. Dai ati kadamowamariyahi. Faha fowe fama, faha fowe oharimaki niya, dai ohiyaramaroni. Yama tehe‑ya dai‑ya ohiyara, yama soki‑ya dai‑ya ohiyara oteni. ‘Dai noko wadahi.’ Ona, dai tabiyo ohi·onamaroni.

Yeso‑ka yo‑yose mai tamine 20:35

Dai yofi·okana, yama‑ya ani·ona, dai kiyana, dai okasoma, onamaro, owa‑nima dai niyahi. Dai yofi·okanani. Yeso ati‑ya dai ati kadamowamariyahi. ‘Yama‑ya dai‑ya mai daana, Deoso dai‑ya kasomi bi‑bidi, yama‑ya dai daana, Deoso dai‑ya kasomi ba‑basi nibisane.’ Yeso ati nemona,” Baoro ati nemarine.

Homa 12:1

Yodeo dai toha, Bara dai toha, dai na, oka soho dai amani. Owati dai mitahi. Deoso dai‑ya kasomi nafi ene Deoso‑ya dai‑ya dai daanahi. Hibati‑ya Deoso‑ya mai kahiyarabone, Deoso mai‑ya kayafebona, bani‑ya mai nanahaba, Deoso‑ya bani‑ya mai daanameteni. Deoso dai‑ya kayafemari, fara dai‑ta dai abara, dai hasina, Deoso‑ya dai‑ya dai daanahi, Deoso ati‑ya dai tokadababonehe. Haa‑nima dai ene niya, Deoso ya‑yainebonane.

Homa 14:1

Yeso ati‑ya mai nofa, Yeso ati‑ya mai wato bi‑bidi na mai dai nofa, dai‑ya mai dabiya, yama mai hiwatora tamine‑ya mai dai weeriyahi.

Korito daidi 4:14

Oka madehe‑nima dai na, dai‑ya onofi nafineni. Dai‑ya wee·ora, dai‑ya okanawata, dai‑ka yama hani‑bone okanahanowahineni.

Korito daidi 8:7

Deoso oharibise‑ya ai one watora, deoso mai dama‑mone mai atibodi ati na, Bara mai‑ka deoso‑mona‑ka bani‑ya mai kaba, hini mai‑ya mai atibodi weeteni.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Efesiyo 4:2

Hini tiwa‑ya tikahiyarariyahi. Dai owa dai kahiyarabisahi. Dai owa ene amosare, dai ati yawa kanibote ra, mai dai nofa, mai dai kasomabone, mai dai hiyarabisahi.

Efesiyo 4:32

Mai dai nofa, mai dai kasoma, mai ihi amosara mai‑ya dai ati somawamahi. Yeso‑ka dai toha, Deoso dai‑ya ati somawame‑nima mai one‑ya dai ati somawamaharihi.

Koroso 1:28

Mai dami‑ya Yeso Kirisito tamine oda hiyara, Deoso oda kasome, mai oda kanawata, Kirisito kameya, “Ayo Yeso, mai tiawahi. Tiwati mai nofa, tiwati‑nima mai namaroni.” Oda ati naboneni. Kirisito ati nafi oda kamine, ati‑nima dai naboneni.

Tesaronika yoto‑ke 3:15

Dai one yama mai anira, mai dai kakoriyahi. Ai‑ka soho‑ya ai weena‑nima hiniya mai dai weenibisahi, yama‑ya mai aninawahabonehe.

Timoti daidi 3:3

Kawi ihi towe toharihi, Yinero‑ya nokotonirihi, mai one‑ya nofa, mai one‑ya weerihi, tene.

Timoti daidi 6:11

Timoti, Deoso‑ka amatini, mai‑nima tiriyahi. Deoso ati‑nima tina, tiwa ene amosiyahi, mai‑ya tinofiyahi. Deoso hawine‑ya yakatina, tiwa yakani amosiyahi. Mai‑ya tiwati yawariyahi. Deoso ati tinofiyahi.

Timoti yoto‑ke 4:2

Deoso ati tihiyara, tiwati fawariyahi. Deoso ati‑nima mai ni awiriya, mai weetiyahi, Deoso ati‑nima mai nabonehe. Tiyawariyahi. Hiniya mai tikanawatobisahi, Deoso ati‑ya mai nofabonehe.

Tito 1:10

Yodeo mai dama Yeso ati‑ya mai nofara, ati honita‑ya mai‑ya mai keyeheteni.

Tito 1:6

Mai tikadika, eya mai ihi nahi. Mai ihi amosa‑ta mai tikadikiyahi. Fadi ohare toha, ati fadi hinofa, ati hika madehe hinofa, Yeso ati‑ya hika madehe nofa na, tikadikabisayaho. Hika madehe ati kasira‑ta tikadikarayaho.

Ebereo 12:12

Dai mano abo toharihi, dai wawawakarihi na, yama dai aninahi, dai kitabonehe.

Ebereo 13:3

Deoso ati‑ya mai no‑nofa kadeya‑ya mai mai hinafoya, mai dai kasoma, mai dai yobikana, mai mai bisihina, mai dai kasoma, Yeso abano kobobone mai toha, dai toha na, mai dai kasomahi.