Tesaronika daidi 5:12 - Deoso-ka Yama Hani

¹² Oda ati dai mitamakihi. Yeso ati‑ya dai‑ka mai wato ba‑basi na, dai‑ya mai kanawata, mai dai nofiyahi. Yeso ati‑ya dai tokadabara dai‑ya mai weena, mai dai nofahi. Dai ene amosara, mai‑ya dai weeriyahi. “Hehe, fara amani. Owa ene amosara, Deoso‑ya owa‑ya okaminaboneni.” Dai ati nahi. Dai‑ya mai kanawata, mai‑ya dai nofabisahi.

Tesaronika daidi 5:12 ပူးပေါင်းရင်းမြစ်များ

Roka 10:7

Mai tabori‑ya dai koboniya, Yobe ohari‑ya dai wina, dai dayoriyahi. Dai tefe‑bone‑ya mai daaniya, dai tafiyahi. Hini mai daahini‑ya dai fawiyahi. Mai‑ka yama ai anina, ai‑ka yama manakone‑ya mai daateni.

Yowaho 4:38

Mai one yama anini‑ya nafe, mai nowati‑ya dai oyose, mai‑ka yama anini dai hawa tonihebonehe.” Yeso ati nemarine.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Yeso‑ka yo‑yose mai tamine 20:35

Dai yofi·okana, yama‑ya ani·ona, dai kiyana, dai okasoma, onamaro, owa‑nima dai niyahi. Dai yofi·okanani. Yeso ati‑ya dai ati kadamowamariyahi. ‘Yama‑ya dai‑ya mai daana, Deoso dai‑ya kasomi bi‑bidi, yama‑ya dai daana, Deoso dai‑ya kasomi ba‑basi nibisane.’ Yeso ati nemona,” Baoro ati nemarine.

Homa 16:12

Ai‑ka Ayo i‑di Yeso‑ka yama‑ya mai anina, i‑di Tirifena, hika kasima i‑di Tirifosa‑ya fama i‑di Bereside ohari na, ai‑ka Ayo‑ka yama‑ya mai anini kita, fara mai onofa, mai dai hiyara, dai nahi.

Homa 16:6

Mariya dai‑ya kasomi na‑nafi dai hiyarahi.

Korito daidi 12:28

Yeso ati‑ya ai no‑nofa ai ibi kasomaboneni, ai nafi. Deoso ati ene Yeso‑ka yo‑yose ai one toha, Deoso ati‑ya mai ka‑kamina‑bone mai one toha, mai one‑ya mai ka‑kanawato‑bone mai one toha, mai one‑ya mai na‑nakitama‑bone mai one toha, mai ihi ki‑kita‑bone mai one toha, ai one‑ya mai ka‑kasoma‑bone mai one toha, mai one‑ya mai yo‑yofikana‑bone mai one toha, mai one ati‑ya mai hi‑hiyara‑bone mai one toha naboneni.

Korito daidi 15:10

Deoso owa‑ya kasomi nafi, owa‑ya yosemarine, Yeso ati okaminabonehe. Deoso owa‑ya kasome ene honita tohare, owa‑ya kasomi nafi ene mai dami‑ya Yeso ati okaminabisa, mai one ihi‑ya owa ene fiyakanineni. Owa ene yokana tohara, Deoso owa‑ya kasome ene tohabisane.

Korito daidi 16:16

I‑di Tefanasi mai ati dai nofiyahi. Oda ene‑nima i‑di Tefanasi mai ihi na, mai ihi‑nima ai owa ene ne, mai ati dai nofa nahi.

Korito daidi 16:18

Dai tabaro‑ya mai wi‑wina mai ihi dai ya‑yainamone, ya‑yai·onaharineni. I‑di Tefanasi‑nima mai na, mai ati dai tokadabiyahi, mai ihi amosaro.

Korito daidi 3:9

Deoso‑ka yama‑ya i‑di Aboro oda fama oda anina, Deoso‑ka fadara‑nima dai nihi, Deoso‑ka yobe‑nima dai nihi, dai nineni.

Korito yoto‑ke 11:23

Yeso Kirisito mai‑ya yosemona mai ati na, owa‑ya yoseharimarine. Ka‑kana mai ati‑nima owati namatasaboneni. Mai ihi‑ya owa ene fiyakana, owa‑ya mai bisini fiyakana, owa‑ya mai kosini fiyakana, owa‑ya kadeya‑ya mai nafoyi fiyakana, owa abi yanatoni fiyakana nineni.

Korito yoto‑ke 5:9

Bofe‑ya ai winasa niya, yama ai aniteni, ai ene Kirisito ya‑yainebonaha. Neme‑ya ai kobona, ai ene ya‑yainebona ai nokotoniheboneni.

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Karatiya 4:11

Dai tamine omita, owa habo siitonineni. Dai‑ya ohiyaramaro, owati honita toha awineni.

Firibo 2:16

Deoso ati dai nofa, mai ihi amosara mai dai hiyarahi. “Yeso dai‑ya nofe, dai manakone‑ya nanahabemata, ati dai nofeya, dai abaraboneni.” Dai ati nahi. Haa‑nima dai ene niya, Kirisito kamataseya, dai ene ya‑yai·ona, oka yama anini honita tohara owatowahaboneni.

Firibo 2:19

Ai‑ka Ayo, i‑di Yeso, ati sibareya, ai amoni fa‑famaraba niya, i‑di Timoti oyoseboneni. Dai tabaro‑ya i‑di Timoti oyose, kameya, dai tamine omita, ya‑yai·onaboneni.

Koroso 1:29

Fara yama ani·ona, oka yama anini kitateni. Yeso Kirisito owa‑ya sawi, owa‑ya kasome, tamine okaminabonehe.

Tesaronika daidi 2:9

Oda‑ka soho dai toha, oda ene‑maro‑ya dai ati kadamowamariyahi. Deoso Ati Amosabote dai‑ya oda kamina, dai‑ya oda kanawata, oda na, oda ene‑ya dai awamaroni. Yama oda anina, yama soki‑ya yama oda ani, yama tehe‑ya yama oda ani, oda namaroni. Dai‑ka yinero oda haara, oda‑ka yinero‑ya oda‑ka yamata‑bone oda kanikabisamaroni.

Tesaronika daidi 4:1

Yeso‑ka dai toha oda ati dai mitamatasahi. Yeso ati oda hiyare, ati dai mitiyahi. Oda ati‑nima dai niya, Deoso ya‑yainebonane. Hibati‑ya oda ati‑nima dai namaroni. Hibati‑ya dai ene amosamaro, dai ene amosi ba‑basi nahi, yama sibaraboneni.

Tesaronika daidi 5:14

Yama anini‑ya dai one mai ati nofara, mai dai weeniyahi, yama‑ya mai aninabonehe. Dai one hi‑hiyana mai dai kasomahi. Mai habi siitona, mai dai kasomiya, mai ya‑yainaboneni. Dai yawa kanibote riyahi.

Timoti daidi 5:1

Bote mai ihi amosara mai weetiriyahi. Abi tihiyari‑nima mai tihiyariyahi. Soho mai tihiyari‑nima yetene mai tihiyarahi.

Timoti daidi 5:20

Ai‑ya ka‑kanawato ene amosare‑ya weetiyaho. Deoso‑ka mai yorotokana, mai noki‑ya ai‑ya ka‑kanawato weetiyahi. Ai‑ya ka‑kanawato ene‑nima mai ihi rabonehe.

Timoti yoto‑ke 2:6

Fadara hidi yama‑ya anini kite, hika yamata‑ya kame, yamata hawa tohabone‑ya nimane, yamata hadiya, kote hikayafi dai hiha, makobote mai one kote hikayafamakiteni.

Tito 1:3

Deoso ene yama hawa tohiya, owa‑ya yosemarine, ati okaminebonaha. Deoso ai‑ya ka‑kasoma tohe tamine mai‑ya okamina, mai hiwatowahebonane.

Tito 1:5

Hibati‑ya Kereta‑ya ai winiya, tiwa ohiyaramaroni. “Kereta‑ya yama nafi hawa tohi awisara, fara tiwinahi. Mai tabori dami‑ya Deoso‑ka mai mai yorotokana, mai‑ka webote mai‑bone mai tikadikiyahi, mai‑ya mai kasomabonehe.” Onamaro, owati‑maro‑nima tinahi.

Tito 2:15

Tito, eya tinahi. Mai tikanawata, mai ihi amosara mai weetinahi, mai ihi amosabonehe. Mai tikasomahi, Yeso ati‑ya mai nofawahabonehe. Yeso ati tihiyariya, tiwati‑ya mai mitiyahi.

Ebereo 13:17

Dai ene tamine‑ya dai‑ka webote‑ya Deoso hiyaratene. Dai ene amosa dai‑ka webote‑ya Deoso kahiyara, dai ene amosara dai‑ka webote‑ya Deoso weenebonane. Dai‑ka webote‑ya Deoso weerebona, ati dai nofaho. Dai ene dai‑ka webote‑ya Deoso kahiyare, dai‑ya dai‑ka webote kasome, dai ene amosara, dai‑ka webote‑ya Deoso weene, dai‑ya dai‑ka webote weenamakiya, yama amosaraboneni.

Ebereo 13:7

Hibati‑ya Deoso tamine‑ya dai‑ya mai kaminamaro, mai tamine dai kadika, mai ihi amosa, mai ihi‑nima dai ene namakiyahi.

Yeso Kirisito ene‑bona 1:20

Owa yehe kanika‑ya amowa mai 7 kana mai dama·okana, tamine tiwatora, tamine okaminaboneni. I‑di Deoso‑ya mai hi‑hiyara‑ke yobe 7 kane‑ka mai‑ka hidi mai tamine amani. Nabarina awe oro wamani 7 kana Deoso‑ya mai hi‑hiyara‑ke yobe 7 kane‑ka mai‑ka mai tamine amani.” Ati nene.

Yeso Kirisito ene‑bona 2:12

“Yama hani tikanahanohi. Deoso‑ya mai hi‑hiyara‑ke yobe Bekamo‑ya wai, yobe hidi‑ya daatinahi. Yima ini fama, yima hidi ama·oni. Fara owati amani.

Yeso Kirisito ene‑bona 2:18

“Yama hani tikanahanohi. Deoso‑ya mai hi‑hiyara‑ke yobe Tiyatira‑ya wai, fare yobe hidi‑ya daatinahi. Deoso Bidi ama·oni. Yifo hirini‑nima owa noko bodi wehene na, owa teme metaho amose‑nima na, fara owati amani.

Yeso Kirisito ene‑bona 2:3

Deoso‑ya mai nofara dai‑ya mai weeniya, dai winitonami awirani. Owa dai nofa ihi Deoso hawine bai‑ya dai maakani awirani.

Yeso Kirisito ene‑bona 2:8

“Yama hani tikanahanohi. Deoso‑ya mai hi‑hiyara‑ke yobe Esimina‑ya wai, yobe hidi‑ya daatinahi. Yama yanakani‑ke ama·oni. Faina ama·oni. O·abamaro, okitamamaro, fara owati amani.

Yeso Kirisito ene‑bona 3:1

“Yama hani tikanahanohi. Deoso‑ya mai hi‑hiyara‑ke yobe Sadisi‑ya wai, yobe hidi‑ya daatinahi. Deoso‑ka doni mai 7 kana owa‑ya mai sawi, fara amowa mai 7 kana mai dama·okana, fara owati amani. Dai ene nafi owatoneni. ‘Deoso‑ka hawi‑ya dai sawi amosa, dai tosawari awirini.’ Mai one ati na, dai atibodi‑ya mai watora, dai‑ta dai tosawaribisineni.

Yeso Kirisito ene‑bona 3:14

“Yama hani tikanahanohi. Deoso‑ya mai hi‑hiyara‑ke yobe Raodiseya‑ya wai, yobe hidi‑ya daatinahi. Deoso ati‑nima owati na, keyehe‑ya hiri·otera, Deoso fara oda ati kafamineni. Deoso ati ene yama nafi‑ya wama·onamaro, fara owati amani.

Yeso Kirisito ene‑bona 3:7

“Yama hani tikanahanohi. Deoso‑ya mai hi‑hiyara‑ke yobe Firadefia‑ya wai, yobe hidi‑ya daatinahi. Amosabotebisa ama·oni. Keyehe‑ya hiri·oterani. I‑di Dafi‑ka safi owa‑ya sawe, yama see·okani‑ya mai barihikaraboneni. Yama bari·okani‑ya mai seehikani awiraboneni. Fara owati amani.