Tesaronika daidi 5:10 - Deoso-ka Yama Hani

¹⁰ Hibati‑ya Yeso abe, ai manakone‑ya nanahabane. Ai aba, ai hasina, ai sibaraboneni. Yeso kameya, Yeso‑ya ai tosawimiya, ai winawahaboneni Deoso tabaro‑ya.

Tesaronika daidi 5:10 ပူးပေါင်းရင်းမြစ်များ

Mateo 20:28

Dai‑ka Ayo neme‑ke‑nima dai nahi. Owa dai narifara, dai‑ya onarifabisateni. Mai dama mai ihi manakone‑ya onahababone, o·ababoneni.” Ati nemarine.

Yowaho 10:11

Kaneiro mai‑ka hidi amosabote ama·oni. Oka kaneiro mai abarabone, o·ababisiya, yama sibaraboneni.” Yeso ati nemarine.

Yowaho 10:15

Okobi owato, owa‑ya watohari ne. O·ababisaboneni, oka mai hasinabonehe.

Yowaho 10:17

O·abiya, yama sibarini, okitamatasabone ona, fara ihi Okobi owa‑ya nofi nafine.

Yowaho 15:13

Maki hika no‑nofa mai abarabone ababiseya, hika no‑nofa mai‑ya nofi nafine, mai one mai‑ya mai nofi bi‑bidi nibisineni.

Homa 8:34

Deoso‑ya ai tamine‑ya mai hiyariya, “Mai ihi amosaramaro, mai abahi.” Mai ati naba awineni. Deoso‑ka kanika‑ya Yeso itari, ai tamine‑ya kaminamakiya, “Mai abarabone, mai manakone onahaba, o·aba, okitamamaro, mai manakone amosara wadami awirani.” Ati nebonane.

Korito daidi 15:3

Yeso Kirisito yama owa‑ya hikaminamaro, dai‑ya okaminamakitasineni. “Kirisito abe, ai manakone‑ya nanahabematane.” Deoso‑ka yama hani ati na, fara dai‑ya okaminamaroni.

Korito yoto‑ke 5:15

Ai nafi manakone‑ya nanahabe, ai hasina, ai‑ya ai nokotoniriyahi. Ai manakone‑ya nanahabe, kitamemata ai nokotonibisahi.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Efesiyo 5:2

Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Tesaronika daidi 4:13

Ai one abamaro tamine oda hiyaraboneni, yama dai watobonekaro. Deoso ati‑ya mai no‑nofa mai aba, mai ihi dai atibodi komene bi‑bidi nahi. Deoso tabaro‑ya mai winaboneni. Deoso ati‑ya mai nofara mai aba, mai tabiyo mai hiyawa, mai kitamiya, madi mai tabori‑ya mai sawiya, mai kome kitabisaboneni.

Tesaronika daidi 4:15

Yeso ati dai mitahi. “Ai hasina, ai dai tohi awiraboneni. Mai abamaro‑ta, mai aboni kitami dai tohaboneni. Mai korimari foyama, neme‑ya mai ai dodabamaboneni.” Yeso ati nemarine.

Tesaronika daidi 4:17

Ai hasina, ai abi awira, mai‑ya ai dodabamaboneni. Yeso ati ai no‑nofa, neme sabi bai‑ya ai‑ka Ayo ai koboniya, hini tabaro‑ya ai eyehe tokomebonane. Yeso tabaro‑ya ai winawahaboneni.

Tesaronika daidi 5:6

Mai amona, yama‑ya mai watora, mai‑nima dai riyahi. Dai noko wadahi, yama‑ya dai watabonehe. Kawi‑ya mai fawa, mai towe toha, yama‑ya mai watora, mai‑nima dai riyahi.

Timoti daidi 2:6

Yama nafi hawa tohiya, Deoso ati ene Yeso kamemarine, ai nafi manakone‑ya nanahabebonaha. Fare tamine‑ya ai hiyarahi mai nafi‑ya.

Timoti yoto‑ke 2:11

Keyehe toharani. Ati tinofaho. “Yeso eyehe ai abamaro, ai kitamatasaboneni. Deoso tabaro‑ya ai winawahaboneni.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Bedoro daidi 2:24

Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.