Tesaronika daidi 4:8 - Deoso-ka Yama Hani

⁸ Oda ati tohara, Deoso ati tohabise, ati dai tokadabi awireya, Deoso ati dai tokadabarani. Deoso ati dai tokadabahi. Deoso amane, Hika Doni‑ya dai‑ya da‑daa.

Tesaronika daidi 4:8 ပူးပေါင်းရင်းမြစ်များ

Roka 10:16

Hika mai da‑daba mai‑ya hiyare, “Dai ati‑ya mai tokadaba owati‑ya mai tokadabahareni. Dai ati‑ya mai nofara owati‑ya mai nofaharirani. Owati‑ya mai nofara owa‑ya yose‑mari ati‑ya mai nofaharirani.” Yeso ati nematane.

Yowaho 12:48

Owa‑ya mai nofara, owati‑ya mai nofaharira, mai ihi manakone wada, yama faina‑bone koboniya, hini mai ihi manakone‑ya mai kayafaboneni.

Yeso‑ka yo‑yose mai tamine 13:41

Dai habo kita, Deoso ati dai mitahi. ‘Owati‑ya mai mita owa ene‑ya mai awa, tiwa‑ya mai kamina, mai ati dai nofaraboneni. Mai ati dai nofara, dai habo siitona, dai abawahaboneni.’ Deoso ati nematane.” Baoro ati nemonane.

Homa 5:5

Deoso tabaro‑ya ai winabone yama ai nimana, Deoso‑ka Doni ai atibodi‑ya wine ene Deoso ai‑ya nofi nafi ai wato, ai‑ya nofi fawaterebonane.

Korito daidi 2:10

Yama ai watoramaro Deoso‑ka Doni ai‑ya kanawatowahe, ai‑ka yama nafi‑ya wato, Deoso atibodi ati‑ya wato nane.

Korito daidi 7:40

Mai‑ka yibote abe, mai ati fanami nofara, mai ya‑yainibisabone owatibodi ati na, owatibodi ati‑nima Deoso‑ka Doni ati nemona owatibodi ati nineni.

Korito yoto‑ke 1:22

Deoso oni ai‑ya sawi, hika Doni ai atibodi‑ya sawi ne, ati‑nima yama nabone ai watoboneni.

Karatiya 4:6

Deoso bidi ai tohawaha, Deoso‑ka Doni ai atibodi‑ya sawi ene Deoso ai Abi nineni. Deoso ai‑ya ewe tene. “Abi Deoso” ai ati teni.

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.

Bedoro yoto‑ke 1:21

Mai ati ihi hiniya Deoso ati‑ya mai kanahanoterani. Deoso‑ka Doni mai‑ya Deoso ati‑ya kamine, ati‑ya mai mita, ati‑ya mai kanahanameteni.

Yowaho daidi 3:24

Deoso ati ai nofa, ati ai tokadaba, Deoso‑ka Doni ai‑ya sawitene. Deoso‑ka ai toha, ai‑ya sawi ai watotene.

Yoda‑ka yama hani 1:8

Sodoma‑ya mai wi‑wina, mai ihi‑mete‑nima dai‑ya mai da‑daba mai ihi nineni. “Wada ati oda mita, mai fanawi mai makidi na, mai ai aha, ai sibaraboneni. Oda‑ka wada ati nineni.” Mai ati na. Deoso ati‑ya mai nofara, mai‑ka wada ati‑ya mai nofabisa, Deoso ati‑ya mai tokadabara, Deoso‑ka yo‑yose mai kiti ba‑basi na, mai‑ya mai weena, mai korikasarani.