Tesaronika daidi 4:3 - Deoso-ka Yama Hani

³ Dai ene amosabone Deoso ati ne, dai ene amosiyahi. Tika yibote dai famabisahi. Fana mai one‑ya dai famawahariyahi. Mai‑ya dai siwakariyahi.

Tesaronika daidi 4:3 ပူးပေါင်းရင်းမြစ်များ

Mateo 12:50

Okobi neme‑ke ati‑nima mai niya, okomi mai toha, oka soho mai toha, oka asima mai toha, mai nineni.” Yeso ati nemarine.

Mateo 15:19

Yama towe‑ya mai nokotonihe mai toha, mai one‑ya mai nanahaba mai toha, fana one‑ya mai ide mai toha, fana mai dama mai‑ya mai nokotonihe mai toha, yama‑ya mai bote mai toha, keyehe‑ya mai hirina mai toha, mai one‑ya mai weena mai toha na, mai atibodi ihi mai ihi towe toha teni.

Mateo 5:32

Owati dai mitahi. Tifana, hini tiwa ene tika yibote honita wahawamiya, maki bare‑ya tika yibote famawahaba awineni. ‘Tiwa ene toha, tika yibote ihi toha, maki owa ene toha nane.’ Deoso ati nebonane. Dai nafi‑ya weenebonane. Tika yibote tikako awiriya, hini atibodi ihi maki bare‑ya famawahiya, tiwa‑ta tiwa‑ya Deoso kakorebonane.” Yeso ati nemarine.

Mateo 7:21

‘Ayo, oka hidi amatini.’ Hiniya mai ati niya, Okobi ati‑ya mai tokadabariya, Neme‑ke ai nafi‑ka hidi kitabote tohawahe‑ya mai sawiraboneni. Okobi ati‑ya mai tokadabiya, mai sawibisaboneni.

Maroko 3:35

Deoso ati‑nima mai niya, okomi mai toha, oka soho mai toha, oka asima mai toha, mai nineni.” Yeso ati nemarine.

Yowaho 4:34

“Yama kaba tamine ohiyari awirani. Dai tafa dai ya‑yaiteni. Owa‑ya yose‑mari ati‑nima owa ene niya, ati‑nima yama hawa·oniya, ya‑yai·oteni.” Yeso ati nemarine.

Yowaho 7:17

Deoso ati dai tokadabiya, hini owati ihi owati yanara, Deoso ati ene owati yananibisa dai wataboneni.

Yeso‑ka yo‑yose mai tamine 15:20

Mai‑ka yama hani‑ba ai kanahanohi. ‘Mai‑ka deoso bare‑ka bani‑bona mai daahine‑ya dai kabarihi, mai fanawi one‑ya dai aharihi, bani emene abare eme dai kabarihi nahi.’ Ai‑ka yama hani ati naboneni.

Yeso‑ka yo‑yose mai tamine 15:29

Mai‑ka deoso bare‑ka bani‑ya dai kabarihi, ama dai kabarihi, bani emene abare eme dai kabarihi, mai fanawi one dai aharihi nahi. Oda ati‑nima dai niya, dai sibaraboneni. Feye amani.” Yama hani ati nineni.

Yeso‑ka yo‑yose mai tamine 20:32

Deoso dai‑ya nawada, dai‑ya kasoma nebona owatibodi ati nineni. Deoso‑ka yama hani dai kadikiya, dai habo kitawahaboneni. Deoso tabaro‑ya, dai kobona, dai nafi‑ya Deoso hika yama‑ya daanebonane.

Yeso‑ka yo‑yose mai tamine 26:18

Owa tamine Bara mai‑ya tihiyariya, mai noki weetokana‑nima mai nabone, hibayata yama soki‑nima na‑ya mai wina, tiwati‑ya mai mitiya, yama tehe‑nima na‑ya mai winawahaboneni. Satanasi‑ka mai tohamarabone, Deoso‑ka mai tohaboneni. Mai‑ya owati somawamabone, owati‑ya mai one nofa‑nima yama amosa‑ya mai kayafaboneni.’ Yeso ati nemarine.

Homa 1:29

Yama towe‑ya mai atibodi nokotonihe, hini mai atibodi ati koboni‑ka yama‑ya mai nokotoni teni. Mahi‑nima mai ihi amosara, mai one‑ka yama‑ya mai nokotonihe, mai one‑ka yama‑ya mai kayafara, mai yawateni. Mai one‑ya mai kako, mai one‑ya mai nanahaba, mai ibi wee, keyehe‑ya mai hiri na, hini mai‑ya mai kahiyara, mai one noki‑ya mai one‑ya mai kahiyara, mai one noki beheri‑kaya mai one‑ya mai towe tonihi teni. Mai one tamine‑mone‑ya mai ibi narabi basateni.

Homa 12:2

Deoso ati‑ya mai nofara mai‑nima dai riyahi. Yama amosa hinama tamine‑ya dai atibodi kadikabisahi. Fara yama amosa dai kadikiya, dai ene amosawamabone, yama Deoso hinofa‑ya dai watabone, dai ene Deoso dai ya‑yainiheboneni.

Homa 6:22

Dai ene‑maro dai‑ya yaditonamara, dai manakone abawaha, hibayata Deoso‑ka dai toha, dai ene amosawama, dai manakone amosawamahari na, makobote Deoso tabaro‑ya dai winaboneni.

Korito daidi 1:30

Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Korito daidi 7:2

Owati dai mitahi. Deoso ati‑ya mai nofara mai ibi siwakani dama mai‑nima dai rabone, dai ati fana tika yibote ohare dai famahi. Mai fanawi one‑ya didakorariyahi. Fara‑nima mai fanawi na mai ati faniya, mai‑ka yibote ohari‑ya mai fama, sibarini. Mai makidi one‑ya mai dakorariyahi.

Korito yoto‑ke 12:21

Dai tabaro‑ya kobo·oniya, dai ene amosara, dai tamine‑ya Deoso‑ya dai kaminara, dai ene oyawa, ohi·ona, Deoso owa‑ya weeneba awane. Dai owa‑ka yobote‑ya dai owa aha, mai fanawi one‑ka yibote‑ya mai one dakora namone, dai ene owatibodi komene kitaboneni.

Karatiya 5:19

Mai atibodi bote ati‑ya mai tokadaba, eya mai ihi teni. Mai ihi amosara, mai one‑ka yibote mai‑ya mai kayafa, mai makidi one‑ya mai aha teni.

Efesiyo 5:17

Dai ene towe tohariyahi. Deoso yama hinofa dai wata, fara ati‑nima dai nahi.

Efesiyo 6:6

Dai‑ya mai yose, dai‑ya mai awa, yama anini‑ya dai kita, dai‑ya mai kakatomara, dai anini kiti fawariyahi. Kirisito dai‑ka hidi tohe, Deoso ati‑ya dai tokadababone dai ati na, yama dai aninahi.

Koroso 1:9

Dai tamine oda mita, Deoso‑ya dai tamine oda kaminateni. “Koroso‑ya mai wi‑wina mai tikanawatohi. Yama amosa‑ya mai watoyahi, tiwati‑nima mai nawahabonehe.” Oda ati teni.

Koroso 3:5

Dai atibodi bote dai‑ya keyehe, ati dai nanahabahi. Mai fanawi one‑ya dai aharihi, mai makidi one‑ya mai fanawi dakorarihi. Mai tamine‑ya dai atibodi kadikarihi. Mai one‑ka yama‑ya dai nokotonirihi. Mai‑ka yama‑ya dai nokotoniya, deoso bare‑ya dai kahiyara‑nima dai nineni.

Koroso 4:12

Dai‑ka owa i‑di Ebafarasi tohe, Ebafarasi‑ya Yeso Kirisito kadikemari, Yeso ati‑ya kaminebonaha. Dai‑ya Ebafarasi ati foya, dai tamine‑ya hiyaratene, Deoso‑ya. “Deoso, Koroso‑ya mai wi‑wina mai tikasomahi, tiwati‑ya mai nofi nafebonehe. Tiwati mai nofiya, tiwati‑ya mai tokadababoneni.” Ebafarasi ati tene.

Tesaronika daidi 4:2

Ai‑ka ayo i‑di Yeso ati oda kaminemari, ati dai watoneni.

Tesaronika daidi 4:4

Dai atibodi ati amosa hinama toha, dai ene amosaboneni. Dai atibodi ati amosa, Deoso ati dai tokadaba, dai‑ya mai weeni awiraboneni. Dai ene‑ya mai nofaboneni.

Tesaronika daidi 5:18

Yeso Kirisito ati dai no‑nofa yama nafi tamine‑ya Deoso‑ya dai kahiyarahi. Dai kiyara dai toha, dai kiyana dai toha na, Deoso‑ya dai kahiyarahi. Yamata dai kiha dai toha, yamata dai kihara dai toha na, Deoso‑ya dai kahiyarahi. Deoso dai‑ya nofi nafi dai‑ya kasomebona tamine dai kadika, Deoso ene dai ya‑yainaboneni. Haa‑nima dai niya, Deoso ya‑yainebonane.

Tesaronika daidi 5:23

Deoso ati ene ai ati somateni. I‑di Deoso‑ya dai tamine ohiyarateni. “Abi Deoso, mai atibodi, mai aboni, mai korimari na tinamosahi.” Oteni. Yeso kameya, dai‑ya weeni awirebonane. Dai ene amosabisaboneni.

Tesaronika yoto‑ke 2:13

Dai tamine oda hiyarateni, Deoso‑ya. Dai ene oda ya‑yaineni. Deoso dai‑ya nofe, dai‑ya kadike, yama‑ya wamani awisareya, dai‑ya kadikematane. Deoso tabaro‑ya dai winawahaboneni. Yeso ati dai no‑nofa, Deoso‑ka Doni dai‑ya sawi, dai ene namosebonaha.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Ebereo 10:36

Deoso ati‑nima dai nabone dai ati na, ati‑nima dai na, dai maakara, yama amosa‑ya Deoso daanebona ati ne, yama dai kayafaboneni.

Ebereo 12:16

Dai ene amosahi. Dai‑ka yibote ohare‑ya dai famabisahi. Fana one‑ya dai famamakiriyahi. I‑di Esa‑nima dai riyahi. Deoso‑ka ka‑kasoma‑ya i‑di Esa nokotonire, sohori tefe bidi‑ya kanikebona, Deoso‑ka ka‑kasoma‑ya daanematane.

Ebereo 13:21

Deoso dai‑ya kasomane, ati dai tokadabebonaha. Yeso ene ai ene amosa, Deoso ai ene‑ya aweya, ya‑yainebonane. Yeso‑ya ai kahiyari fawateriyahi. Feye amani.

Ebereo 13:4

Dai‑ka yibote‑ya dai fami ohare, mai one‑ya dai dakorariyahi. Mai one‑ya dai dakoriya, dai ene‑ya Deoso aweya, dai manakone wadaboneni. Dai manakone amosara, dai nofaraboneni.

Bedoro daidi 1:2

Hibati‑ya yama nafi‑ya ai‑ka Abi i‑di Deoso wato, dai‑ya kadikemata, Hika Doni dai‑ya sawiwahebonane. Yeso Kirisito emene‑ya dai atibodi‑ya wisane, dai atibodi besene fawanani, Yeso Kirisito ati dai tokadababonehe. Deoso‑ya dai tamine‑ya ohiyara, “Abi Deoso, mai‑ya tikasoma, mai atibodi mai‑ya ati soma ba‑basi naboneni.” Oteni.

Bedoro daidi 4:2

Ai‑ya mai bisina, ai ene amosaramaro ai nofamarabone, Deoso yama‑ya nofe‑nima ai nofabisaboneni.

Yowaho daidi 2:17

Mai‑ka no‑nokotoni abawahaboneni. Deoso‑ta ai nokotonihe, ai abateraboneni.

Yeso Kirisito ene‑bona 21:8

Mai habi siitona ihi oka hawi‑ya mai sawira mai toha, owati‑ya mai tokadabara mai toha, mai ihi towe mai toha, mai one‑ya mai nanahaba mai toha, mai si‑siwa mai toha, madi mai‑ya mai ha‑haa mai toha, deoso bara mai‑ya mai ka‑kahiyara mai toha, keyehe‑ya mai hi‑hiri mai toha, mai na, wara hirini yati hirini sawi‑kaya mai sawibisaboneni. Mai abi oharimatasa‑nima mai na, mai kome fawaraboneni.” Hidi Webote ati nene.

Yeso Kirisito ene‑bona 22:15

Mai ihi towe mai toha, madi towe mai‑ya mai ha‑haa mai toha, mai si‑siwa mai toha, ai one‑ya mai na‑nanahaba mai toha, deoso bara mai‑ya mai ka‑kahiyara mai toha, keyehe‑ya mai no‑nofa mai toha, keyehe‑ya mai hi‑hiri mai toha, mai na, sidadi‑ya mai tokiyomateraboneni.