Tesaronika daidi 4:17 - Deoso-ka Yama Hani

¹⁷ Ai hasina, ai abi awira, mai‑ya ai dodabamaboneni. Yeso ati ai no‑nofa, neme sabi bai‑ya ai‑ka Ayo ai koboniya, hini tabaro‑ya ai eyehe tokomebonane. Yeso tabaro‑ya ai winawahaboneni.

Tesaronika daidi 4:17 ပူးပေါင်းရင်းမြစ်များ

Mateo 26:64

“Hehe, tiwati‑nima, fara ama·oni. Deoso mano kanika‑ya owitariya, kitabote ohawahiya, owa‑ya dai awa kanibote naboneni.” Yeso ati nematane.

Maroko 14:62

Yeso ati yanane, “Fara ama·oni. Deoso mano kanika‑ya owitariya, owa‑ya dai awa, neme sabi‑ya okomatasiya, owa‑ya dai awa naboneni.” Yeso ati nematane.

Yowaho 12:26

Owa‑ya dai narifabone dai ati na, owa ene‑nima dai ene nahi. Owa‑ya dai narifa osawi‑kaya dai sawebone, Okobi dai‑ya kahiyarebonane.” Yeso ati nemarine.

Yowaho 14:3

Okomiya, dai‑ka yobe‑ba hawa·oniya, okomatasaboneni. Okomatasiya, dai‑ya owakamaboneni, owini‑kaya dai winawahabonehe.

Yowaho 17:24

Abi, owa‑ya mai daatinamaro, owa‑ya mai sawebone, mai‑ya owatibodi kobonineni. Yama nafi ai wamani awisari‑ya owa‑ya tinofi nafe, owa wehene‑bone daatinamaroni. Owa wehene‑ya mai awiyahi.

Yeso‑ka yo‑yose mai tamine 1:9

Hiyari hawa tohe, neme‑ya tokome mai hiwakatome, neme sabi ihi Yeso‑ya mai awami awiramoneni.

Yeso‑ka yo‑yose mai tamine 8:39

Mai kakamorosama, Deoso‑ka Doni i‑di Firibi‑ya towakame, Firibi‑ya awamare, kafaro ho‑horokana‑ya foyame, ya‑yaine. Hini tabaro‑ya tokomematane.

Korito daidi 15:52

Neme‑ke abano sakoni nahorebonane. Ai noko ataro yebekana‑nima neme‑ke abano ai sakone, sakoni nahoterebonane. Deoso‑ka ho‑hori ati yananiya, mai abamete mai kitamiya, mai abamateraboneni. Ai hasina, neme‑ke abano ai sakonaboneni.

Korito yoto‑ke 5:8

Ai‑ya mai nanahabiya, sibaraboneni. Ai habo siitora, ai abano atabo‑ya wamani toha‑ya ai sawimara, Yeso‑ya ai sawiya, yama amosabisaboneni.

Firibo 1:23

Yama fama‑ya owatibodi kobonineni. Kirisito tabaro‑ya owatibodi wina, Kirisito tabaro wini amosi ba‑basi nibisane.

Tesaronika daidi 3:13

Mai‑ya dai nofiya, dai ene sibaraboneni. Yeso ati‑nima dai naboneni. Yeso hika mai eyehe kameya, Deoso noko‑kaya ai nahoya, “Dai ene sibarini.” Ai‑ka Abi i‑di Deoso ati nawahebonane.

Tesaronika daidi 4:15

Yeso ati dai mitahi. “Ai hasina, ai dai tohi awiraboneni. Mai abamaro‑ta, mai aboni kitami dai tohaboneni. Mai korimari foyama, neme‑ya mai ai dodabamaboneni.” Yeso ati nemarine.

Tesaronika daidi 4:18

Ai abiya, ai kitamabone tamine dai watoyahi. Ai kitamabone tamine mai‑ya dai kamina, mai yawi awirabone, mai ya‑yainaboneni.

Tesaronika daidi 5:10

Hibati‑ya Yeso abe, ai manakone‑ya nanahabane. Ai aba, ai hasina, ai sibaraboneni. Yeso kameya, Yeso‑ya ai tosawimiya, ai winawahaboneni Deoso tabaro‑ya.

Bedoro yoto‑ke 3:13

Neme, bofe na yati tohawaha, ai kayafabone Deoso ati nemata, Deoso ati‑nima yama nabone ai nimana, neme, bofe na, yati tohiya, yama nafi amosaboneni.

Yeso Kirisito ene‑bona 1:7

Owati dai mitahi! Neme sabi‑ya Yeso kamebona, mai nafi hiawebonane. Yeso‑ya mai nanahabamaro Yeso‑ya mai awawahaboneni. Mai hiaweya, tabora nafi‑nima mai ohinawahaboneni. Fara yama amosaboneni.

Yeso Kirisito ene‑bona 11:12

Neme‑ke ati yanane, bora kaisa‑ya mai weyenikima mai‑ya haane, “Dai kakamahi owa‑ya.” Ati ne, ati mai himite, fara mai mai hinofara mai noki‑ya mai towakamineni, neme sabi‑ya.

Yeso Kirisito ene‑bona 12:5

Fana dori wada, bidi maki tohene. Bofe‑ka mai nafi‑ka hidi‑bona, kitabote‑bona, fare Deoso idi kanibote hine. Hika kadera amosa‑ya hiwakamane.