Tesaronika daidi 4:16 - Deoso-ka Yama Hani

¹⁶ Neme‑ya Yeso wine, kisameya, bofe‑ya koboni awirebonane. Kiseya, neme‑ya ati kite yananebonane. Deoso‑ka yo‑yose mai‑ka webote owa ati yananebonane. Deoso‑ka ho‑hori ati yananaboneni. Yeso kiseya, mai abamaro, Yeso ati‑ya mai no‑nofa‑mete mai kitami dai tohaboneni.

Tesaronika daidi 4:16 ပူးပေါင်းရင်းမြစ်များ

Mateo 16:27

Deoso‑ka yo‑yose mai eyehe okomatasabone, Okobi wehene owa‑ya sawibonane. Bofe‑ka dai ene‑nima dai ene manakone na daa·onaboneni.

Mateo 16:28

Owati amosabote dai mitahi. Dai one abi awisari‑ya dai‑ka Ayo neme‑ke kiti yananebona dai one awaboneni.” Yeso ati nemarine.

Mateo 25:31

“Dai‑ka Ayo neme‑ke Deoso‑ka yo‑yose mai eyehe kamataseya, wehene nafi, hidi webote tohawahebonane.

Mateo 26:64

“Hehe, tiwati‑nima, fara ama·oni. Deoso mano kanika‑ya owitariya, kitabote ohawahiya, owa‑ya dai awa kanibote naboneni.” Yeso ati nematane.

Yeso‑ka yo‑yose mai tamine 1:11

“Karireya‑ka dai toha, hini yamata ihi neme‑ya dai kakatoma? Neme‑ya Yeso tokome, kamebonane. Tokomi dai awe, kisami mai hiawebonane.” Deoso‑ka yo‑yose mai ati namoneni.

Korito daidi 15:18

Yeso kitami awire‑mana, Kirisito ati‑ya mai nofamete mai aba, Deoso tabaro‑ya mai winara neni.

Korito daidi 15:20

Yeso abe, kitami dai tohe, nowati‑ya mai aba mai kitamaboneni.

Korito daidi 15:23

Yeso Kirisito abano kitami dai tohemata, Yeso‑ka ai tohawaha, Yeso kamataseya, ai abano kitamamakitasaboneni.

Tesaronika daidi 1:10

Yeso kamebona‑ya dai nimanineni. Hibati‑ya Deoso hinakitame, neme‑ya tokome, ai‑ya idimebonane. Neme‑ya ai eyehe tokomeya, bofe‑ya mai winasa na, Deoso ene yama kome mai‑ya kitaboneni.

Tesaronika daidi 3:11

Ai‑ka Abi i‑di Deoso, ai‑ka Ayo i‑di Yeso mai fama, oda‑ya mai yosematasaba awineni, dai tabaro‑ya oda tokomatasabonehe.

Tesaronika yoto‑ke 1:7

Makobote Yeso, hika yo‑yose mai kita, mai eyehe kameya, ai‑ya mai bisinamaro mai bisinami awiraboneni.

Tesaronika yoto‑ke 2:1

Owati dai mitamakitasahi. Ai‑ka Ayo i‑di Yeso Kirisito kamataseya, ai‑ya towakamebona tamine dai watoyahi.

Bedoro yoto‑ke 3:10

Ai‑ka Hidi i‑di Yeso kamebonane. Yama‑ya mai botebone mai kaki, ai watoterani. Fara mai kaki‑nima Yeso kami nebonane. Koboneya, neme hirina, hirini moni nafeboneni. Bofe‑ya mai wi‑wina mai abamete mai na mai ihi‑ya Deoso kadikebonane.

Yoda‑ka yama hani 1:9

Mai ati‑nima i‑di Mikeo ati tohare, Deoso‑ka yo‑yose mai‑ka hidi i‑di Mikeo tohe, i‑di Mose abeya, Satanasi kaki i‑di Mikeo‑ya hiyare, “I‑di Mose abano okayahaboneni.” Satanasi ati ne, I‑di Mikeo ati yanane, “Deoso‑ta i‑di Mose abano‑ya kayafebonane. Tiwa weeni onafiraboneni. Deoso‑ta tiwa‑ya weenebonane.” I‑di Mikeo ati nematane.

Yeso Kirisito ene‑bona 1:10

Domiko‑ya Deoso ohiyara, Deoso‑ka Doni ene wada‑nima yama na, owa bari‑kaya ati kita yanana, torobeta ati‑nima ati na,

Yeso Kirisito ene‑bona 1:7

Owati dai mitahi! Neme sabi‑ya Yeso kamebona, mai nafi hiawebonane. Yeso‑ya mai nanahabamaro Yeso‑ya mai awawahaboneni. Mai hiaweya, tabora nafi‑nima mai ohinawahaboneni. Fara yama amosaboneni.

Yeso Kirisito ene‑bona 14:13

Neme‑ya ati kaki, “Owati tikanahanohi, ‘Deoso‑ka mai abamakiya, mai ya‑yainibisaboneni.’ Fare ati tikanahanohi.” Ati nene. Deoso‑ka Doni ati yanane, “Fara amani. Bofe‑ya yama‑ya mai anini kitamaro, neme‑ya mai hasinaboneni. Mai ihi amosa mai manakone‑ya mai kayafaboneni.” Deoso‑ka Doni ati nene.

Yeso Kirisito ene‑bona 8:13

Sibire oawani. Neme‑ya wai, ati yanane, “Torobeta 3 kana hasina, Deoso‑ka yo‑yose mai afonaboneni. Ka! Ka! Ka! Bofe‑ya mai wi‑wina mai‑ya, yama towe 3 kana kobonaboneni.” Sibire ati nene.

Yeso Kirisito ene‑bona 8:2

Deoso‑ka yo‑yose mai 7 kana Deoso noko‑kaya mai naha, mai‑ya torobeta‑ya mai daanani.