Tesaronika daidi 4:13 - Deoso-ka Yama Hani

¹³ Ai one abamaro tamine oda hiyaraboneni, yama dai watobonekaro. Deoso ati‑ya mai no‑nofa mai aba, mai ihi dai atibodi komene bi‑bidi nahi. Deoso tabaro‑ya mai winaboneni. Deoso ati‑ya mai nofara mai aba, mai tabiyo mai hiyawa, mai kitamiya, madi mai tabori‑ya mai sawiya, mai kome kitabisaboneni.

Tesaronika daidi 4:13 ပူးပေါင်းရင်းမြစ်များ

Mateo 27:52

Deoso ati‑ya mai nofamete mai tame‑ya seekane, mai one dama mai kitamamaroni.

Yowaho 11:24

“Hehe, yama faina‑bone‑ya ai kitamiya, oka soho kitamaharibonane.” Maata ati namaroni.

Yeso‑ka yo‑yose mai tamine 13:36

Owati dai mitamakihi. Hibati‑ya Deoso ati‑ya Dafi nofe, bote toheya, abo batematane.

Yeso‑ka yo‑yose mai tamine 7:60

Yobati‑kaya ite, “Ayo, owa‑ya mai nanahaba, mai‑ya tiwati somawamahi.” Ati ne, ati kite, Ati fawane, abawahematane.

Yeso‑ka yo‑yose mai tamine 8:2

Deoso ati‑ya mai no‑nofa Tefaho abo‑ya mai kama, mai ohinadineni.

Homa 1:13

Dai tabaro‑ya okabone onamaro, mai tabori‑ya yama aninasa ona, dai tabaro‑ya okara. Bara mai dama mai‑ya ohiyarineni, Yeso ati‑ya mai nofabonehe. Makobote dai‑ya ohiyaramakebone onani, Yeso ati‑ya dai one nofamakebonehe.

Korito daidi 10:1

Ai‑ka idi mai tamine dai watohi. Ai‑ka idi i‑di Mose‑ya mai nafi sawe, neme sabi‑ya Deoso mai‑ya yofikane, faha webote bai‑ya mai berenawaha, Deoso ati ene faha bai‑ya hawi tokoma, hokore‑ya mai yakanameteni.

Korito daidi 12:1

Oka mai dai toha, yama‑ya Deoso‑ka Doni ai‑ya daane tamine dai watabone dai okanawataboneni.

Korito daidi 15:6

Makobote 500 mai fiyakana, Deoso ati‑ya mai no‑nofa mai yorotokana, Yeso kitame‑ya mai awameteni. 500 mai fiyakana, mai dama mai hasina, mai fa‑famaraba na‑ta mai abineni.

Korito yoto‑ke 1:8

Asiya‑ya oda wina, oda tamine dai mitiya, yama dai watowahaboneni. Yama kanaha‑ya ai weyena‑nima ona, okitara, owa abi yanatona, o·ababa amanikani onamaroni.

Efesiyo 2:12

Hibati‑ya Kirisito‑ya dai watorihi, Isara·eo‑ka mai‑ya dai dabarihi na, Deoso‑ka yama‑ya Yodeo mai one kayafabone, dai kayafi awirabone. Fara hibati‑ya dai aba‑mani, Deoso tabaro‑ya dai tokara neni.

Efesiyo 2:3

Fara mai ihi‑nima ai nafi ene namaro, ai atibodi bote ati ai tokadaba, mai ihi‑nima ai ene na, ai ene amosara ene ai‑ya Deoso yawematane.

Tesaronika daidi 4:14

Hibati‑ya i‑di Yeso abe, kitamemari, Yeso ati‑ya mai no‑nofa‑maro mai kitamahareboneni. Deoso ene Yeso kameya, mai korimari‑ya kakamebonane.

Tesaronika daidi 4:15

Yeso ati dai mitahi. “Ai hasina, ai dai tohi awiraboneni. Mai abamaro‑ta, mai aboni kitami dai tohaboneni. Mai korimari foyama, neme‑ya mai ai dodabamaboneni.” Yeso ati nemarine.

Tesaronika daidi 5:10

Hibati‑ya Yeso abe, ai manakone‑ya nanahabane. Ai aba, ai hasina, ai sibaraboneni. Yeso kameya, Yeso‑ya ai tosawimiya, ai winawahaboneni Deoso tabaro‑ya.

Tesaronika daidi 5:6

Mai amona, yama‑ya mai watora, mai‑nima dai riyahi. Dai noko wadahi, yama‑ya dai watabonehe. Kawi‑ya mai fawa, mai towe toha, yama‑ya mai watora, mai‑nima dai riyahi.

Bedoro yoto‑ke 3:4

“Yeso kamebona dai ati na, fai‑ra? Hibati‑ya Yeso kamebona‑ya ai‑ka idi mai nimanamaroni. Mai hasiniya, Yeso kamare, oda‑ka abi Yeso kami‑ya mai nimana, Yeso kamare, fare kamaterebonane. Yama Deoso wamahinamete‑nima yama nasa nineni.” Mai ati naboneni.

Bedoro yoto‑ke 3:8

Owati‑ya dai ati kadamoriyahi. Deoso yama‑ya kadike, ai amoni ohare‑nima faha fowe 1.000 toha nineni. Faha fowe 1.000 toha‑nima mahi ohari nane. Dai ati kadamoriyahi. Oda‑ka dai amani.